TARA JAHPRANG 1:9 - Jinghpaw Hanson Version Bible

⁹ Dai shaloi e ngai nanhte hpe tsun made ai gaw, ‘Ngai hkrai sha nanhte hpe n dang gun nngai:

Jinghpaw Common Language Bible 2009

⁹ Mawshe gaw amyu masha ni hpe, “Anhte Sina Bum e naw rai nga yang, ‘Nanhte hpe woi lakawn wa na amu, nye a matu nau wa lit li la nga li ai. Dai lit hpe ngai hkrai sha n dang galaw lu nngai.

TARA JAHPRANG 1:9 ပူးပေါင်းရင်းမြစ်များ

PRU MAT 18:18

nang mung, nang hte rau nga ai ndai amyu mung, teng teng n-gun yawm mat na marin dai; amu dai gaw na matu nau wa li nga lit dai: nang hkrai sha dai hpe dang lu na n rai.

PRU MAT 18:24

Mawshe mung katsa wa a ga madat wu ai rai nna, shi tsun ai hku yawng galaw wu ai.

BU HKAWM 11:17

Shaloi ngai yu sa nna, dai yang e nang hte ga matut na ring ngai: nang hta dung ai Wenyi hta na ngai la nna shanhte a ntsa e mara ya na we ai; ndai amyu a lit nang chyu sha gun hpai na n rai, shanhte nang hpe gun hpai karum na rai ma ai.

TARA JAHPRANG 22:18

Shaloi dai mare na salang ni gaw dai la wa hpe kayat nhtawm,