TARA AGYI 7:4 - Jinghpaw Hanson Version Bible

⁴ Bai Yehowa Gidon hpe, “Masha nau naw law lit dai; hka danam de shanhte hpe woi sa rit; dai yang e shanhte hpe na a matu ngai dinglik yu we ga: shaloi, Ndai wa nang kaw hkan mai ai, ngu nna ngai nang hpe tsun jang dai wa hkan lu na rai nga ai; bai, Ndai wa n sa mai ai, ngu nna tsun jang, dai wa hti mat lu na rai nga ai,” ngu wu ai.

Jinghpaw Common Language Bible 2009

⁴ Dai hpang dai Madu gaw Gidon hpe, “Nang hta masha nau nan naw law nga lit dai. Shanhte hpe hka de woi yu wa nhtawm dai yang e na a matu shanhte hpe ngai garan jahka ya na de ai. Ndai masha wa nang hte rau hkan mai ai ngu nna nang hpe tsun jang, shi hkan lu na rai nga ai; ndai wa nang hte rau n hkan mai nga ai ngu nna nang hpe tsun jang shi hkan lu na wu ai n rai,” ngu nna tsun wu ai.

TARA AGYI 7:4 ပူးပေါင်းရင်းမြစ်များ

NINGPAWT NINGHPANG 22:1

Ya dai hte a hpang e Karai Kasang gaw Abraham hpe chyam yu na nga, “Abraham e,” ngu nna shaga wu ai; shi gaw, “Ngai nang nga nga nngai,” ngu nna htan wu ai.

YOBA 23:10

Shi mahtang ngai htinglet hkawm ai lam chye nga ai; ngai hpe dinglik yu yang, ja jet zawn ngai pru na nngai.

SHAKAWN KUNGDAWN 33:16

Kadai hkawhkam mung, luksuk kaba hte lawt lu ai n rai, Gara share mung, tinang a n-gun kaba hte lawt lu ai n rai.

SHAKAWN KUNGDAWN 66:10

Rai tim Karai Kasang e, nang anhte hpe chyam yu nit dai, Gumhpraw hpe zawn, anhte hpe shabyawng yu nit dai.

SHAKAWN KUNGDAWN 7:9

Tara n lang ai ni a n hkru ai lam sim mat malu ga; Dinghpring ai ni hpe mahtang shagrin mu. Dinghpring ai Karai Kasang gaw, Masin hte nhkyun ni hpe chyam yu ai wa rai nga ai.

TARA AGYI 7:5

Dai hte maren Gidon gaw masha ni hpe hka de woi sa wa ai rai nna, Yehowa Gidon hpe, “Gwi ni ntsin mata lu ai zawn, shinglet hte mata lu ai masha nlang hpe hpung mi; hput di nna dagup lu ai masha nlang hpe hpung mi, di nna karan tawn ai rai ndai,” ngu wu ai.

1 SAMUELA 14:6

Ya Yonahtan gaw, “Sa, wora, matu n gadoi ai masha ni a dap de sa saga; Yehowa an hpe a karum na ra ai; Yehowa hkye hkrang la ai lam gaw, masha law ai n law ai hta, hkan ai n rai,” ngu nna shi a ri nhtu lang ai wa hpe tsun wu ai.

1 SAMUELA 16:7

Yehowa chyawm gaw, “Shi a myi man, shi a hkum shing-yan hkum yu et; ngai shi e n la we ai; Yehowa gaw masha mu de nna mu ai n rai; masha gaw ahpraw asam sha yu chye ma ai, Yehowa chyawm gaw myit masin she yu ai,” ngu nna Samuela hpe tsun wu ai.