TARA AGYI 7:3 - Jinghpaw Hanson Version Bible

³ Dai rai nna, Masin kaji ai hte hkrit gari ai ni, Gilead bum kaw na nhtang wa mat mu,” ngu nna masha ni hpe jahtau tsun u, ngu wu ai. Dai majaw masha mun lahkawng e hkying lahkawng wa mat sai rai nna, mun mi sha ngam mat ai.

Jinghpaw Common Language Bible 2009

³ Dai rai nna amyu masha ni hpe, ‘Hkrit ai ni kadai mung nta de nhtang mat wa mu; anhte chyawm gaw ndai yang na Gilead bum e nga nga na ga ai,’” ngu nna tsun ndau u, ngu wu ai. Dai shaloi, mun lahkawng hkying lahkawng nhtang mat wa tim, mun mi naw ngam nga ai.

TARA AGYI 7:3 ပူးပေါင်းရင်းမြစ်များ

MAHTE 13:21

kraw hta e ru n jung ai majaw, ladaw mi sha nga nga nhtawm, dai mungga a majaw ru tsang ai hte zingri zingrat hkrum jang, shaloi e myit kataw re ai wa hpe rai nga ai.

MAHTE 20:16

Dai hte maren, hpang hkrat ai ni, shawng na mara ai; shawng nga ai ni mahtang, hpang hkrat na mara ai, ngu wu ai.

TARA JAHPRANG 20:8

Bai hpyen du ni gaw, Hkrit ai myit rawng nna myit htum ai masha kadai lawm nga a ta? dai wa gaw nta de wa u ga; dai n rai yang, shi a majaw, manang ni mung myit htum mat na, tsang ra ai, ngu nna masha ni hpe naw tsun na rai mu ai.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

TARA AGYI 6:35

Manashe mung ting de mung shi kasa shangun dat wu ai rai nna, dai amyu masha ni mung shi kaw hkan nang ma ai: bai, Ashe, Zebulum, Naphtali ga de mung kasa shangun wu ai rai nna, shan hte mung shi hpang de zup sa ma ai.