TARA AGYI 4:7 - Jinghpaw Hanson Version Bible

⁷ ngai mung, Yabin hkawhkam hpyen du Sisera hte shi a hpri leng, hpyen laba ni hpe Kishon hka de nang hpang de shadut dat nna, na a lata hta ap kau na we ai, nga nna Israela Karai Kasang Yehowa tsun sai, n rai ni?” ngu nna shi hpe tsun wu ai.

Jinghpaw Common Language Bible 2009

⁷ Kishon hka makau e nanhte hpe gasat na matu, ngai gaw Yabin a hpyen luksuk na hpyen du Sisera hpe woi sa wa na nngai. Shi gaw hpyen leng ni hte hpyenla ni lu nga ti mung, ngai gaw shi hpe dang kau lu na awng padang nanhte hpe jaw na we ai,’” ngu nna tsun wu ai.

TARA AGYI 4:7 ပူးပေါင်းရင်းမြစ်များ

1 HKAWHKAM 18:40

Shing rai Elia gaw, Bala myihtoi ni hpe rim la mu; langai mi muk n lawt u ga, ngu mu ai hte maren, shanhte hpe rim la nhtawm, Elia gaw Kishon hka shi de woi sa nna, dai yang e shanthe hpe sat kau mu ai.

PRU MAT 14:17

Ngai mung Egutu masha ni a masin shaja ya na we ai rai nna, shanhte mung dai ni kaw hkan shang nang na mara ai: shaloi Hpara-u hte shi a hpyen hpung ni hta mung, shi a hpyen leng ni hte gumra jawn ai ni hta mung nye a hpung shingkang dan hkung na ra ai.

PRU MAT 14:4

ngai mung Hpara-u a masin shaja ya nna, shi shanhte hpe hkan shachyut na ru ai; shaloi ngai Yehowa rai nga nngai, Egutu masha ni chye lu na matu, Hpara-u hte shi a hpyen luksuk ni mahkra hta, nye a hpung shingkang dan hkung na ra ai,” ngu nna tsun ai: shanhte mung shin grai galaw ma ai.

PRU MAT 14:8

Yehowa mung Egutu hkawhkam Hpara-u a myit shaja ya wu ai rai nna, shi gaw Israela kashu kasha ni hpe hkan shachyut wu ai: kaning rai nme law, Israela kashu kasha ni gaw gumrawng gumra rai nna dai mung na pru wa ma ai.

PRU MAT 21:13

Sat na nga dingsa di ai n re ai sha, shi a lata hta Karai Kasang e ap kau ai rai yang gaw, shi hprawng lu na shara ngai na a matu san tawn ya na made ai.

YAWSHU 10:8

Yehowa mung, Shanhte hpe “hkum hkrit et; na a lata de ngai shanhte hpe ap ya sade ai; nang hpe kadai mung hkap daw lu na n rai,” ngu nna Yawshu hpe shalan wu ai.

YAWSHU 11:20

Kaning rai nme law, Yehowa Mawshe hpe hkang da ai hte maren, dai masha amyu ni hpe kachyi mi muk matsan n dum ai sha, atsai awai sat nna shamyit kau lu na matu, Israela masha ni hpe hkap daw gasat gwi hkra, Yehowa gaw shanhte a myit hpe shaja ya da mu ai.

YAWSHU 11:6

Shaloi Yehowa gaw Yawshu hpe, “Shanhte hpe hkum hkrit et; shanhte mahkra hpe hpawt ni ndai hkying hta Israela masha ni a man e chyasi ngai ap na we ai; gumra ni a lahkap nang dan kau nna leng ni hpe nat kau na rai ndai,” ngu wu ai.

YAWSHU 8:7

shaloi nanhte gaw up nga ai kaw na pru nna, dai mare hpe gasat dip la na rai myit dai; nanhte a Karai Kasang Yehowa gaw nanhte a lata hta dai mare ap ya na ra ai.

TARA AGYI 4:14

Shaloi Debora gaw, “Rawt u; dai ni nhtoi gaw, Yehowa na a lata de Sisera hpe ap kau na nhtoi rai ra ai; Yehowa na a shawng e rawt sai, n rai ni?” ngu nna Barak hpe shaja wu ai. Dai rai nna Barak gaw, Tabora bum kaw nna, masha mun mi hte rau, yu wa ai.

TARA AGYI 4:8

Barak gaw, “Nang ngai hte rau sa yang chyawm gaw ngai sa na nngai; nang n lawm yang gaw n sa na nngai,” ngu nna htan wu ai.

TARA AGYI 5:21

Kishon hka, moi chyaloi na Kishon hka, Hpyen ni hpe shayawng kau mu ai; Nye myit masin e, shanang sa u law.

1 SAMUELA 24:10

Dai ni Yehowa, wora lungpu e nang hkum hpe, na a mayam a lata hta ap kau nit dai gaw, nang nan mu nit dai; nang hpe sat kau ga, nga nna manang ni nkau mi shadut ti pyi, ngai na asak hpe lahpawt ya nna, nye a Madu gaw Yehowa a namman jaw hkam ai wa re ai; dai wa hpe sat na, nye a lata n dawn yu we ga, ngu nna ngai myit nga nngai.

1 SAMUELA 24:18

Nang ngai hpe kaja ai lam, kaning rai galaw ai gaw, dai ni nang madun nit dai: kaning rai nme law, Yehowa ngai hpe na a lata hta ap ti pyi, nang ngai e n sat a hka.