TARA AGYI 4:5 - Jinghpaw Hanson Version Bible

⁵ Shi gaw Ehprim bum ga na, Rama hte Betela lapran na, Debora ngu ai namhtan hpun nhpang e dung nga ai: Israela kashu kasha ni mung, myihtoi num dai kaw amu tsun na sa sa rai ma ai.

Jinghpaw Common Language Bible 2009

⁵ Shi gaw Ehprim bum ga Rama hte Behtela lapran na namhtan hpun nhpang e dung chye chye rai nga ai. Israela amyu masha ni mung shi a daw dan hparan ai amu ni hpe hkam la na nga, dai de sa wa wa rai ma ai.

TARA AGYI 4:5 ပူးပေါင်းရင်းမြစ်များ

NINGPAWT NINGHPANG 35:8

Shaloi Rebeka a nbat jan Debora si nna, Behtela e tu ai wamyi hpun nhpang e lup makoi kau mu ai: dai majaw hpun dai hpe Alun-bahkut ngu shamying mu ai.

PRU MAT 18:13

Hpang shani e Mawshe gaw amyu masha ni hpe tara dawdan ya na nga, dung nga ai: dai masha ni mung jahpawt kaw nna shana de du hkra Mawshe kaw tsap nga ma ai.

PRU MAT 18:16

shanhte amu rawng yang ngai kaw du sa nna ngai gaw masha wa hte shi a manang lapran e jeyang ya ai hte, Karai Kasang a ga matsun mung shi a tara mung ngai sharin ya mawe ai,” ngu nna katsa hpe tsun wu ai.

PRU MAT 18:19

Ya nye a ga madat u; ngai nang hpe hpaji daw ya de ga; Karai Kasang mung nang hte rau nga u ga: nang gaw Karai Kasang hte seng ai lam hta shanhte a matu htingrai nna, Karai Kasang kaw dai amu lam jashawn ya u:

PRU MAT 18:26

Dai ni gaw, galoi rai timung dai amyu masha ni hpe dawdan ya nga ma ai: yak ai amu rai yang sha Mawshe kaw jashawn mu ai; loi ai amu shagu gaw shanhte hkrai dawdan ya ma ai.

YEREMIA 31:15

Yehowa ning nga ai: Rama shara hta e ngoi ai nsen, sharung shayawt ai hte hkrap ngu hkrap ngoi ai nsen, na lu ai; Rahkela, shi a kasha ni hpe hkrap nga ai rai nna, shanhte n nga ai majaw, shalan shabran n rai lu sai.

YAWSHU 16:2

bai Behtela kaw nna Luza hku hprang, Arhki masha ni a lamu ga jarit hku ret, Atarat e byawn;

YAWSHU 18:22

Bet-araba, Zemarim, Betela;

YAWSHU 18:25

Bai, Gibeon, Rama, Rerot;

TARA AGYI 4:4

Dai prat e, Lapidat a madu jan, myihtoi num Debora gaw Israela masha ni hpe tara dara ya nga ai.

1 SAMUELA 1:1

Ya Ehprim masha, Zuhpa, Tohu, Elihu, Yeroham kaw nna prat hkrat wa ai, Ehprim bum ga, Ramahtim zohpim mare na, Elakana ngu ai wa langai mi nga ai:

1 SAMUELA 1:19

Ya shanhte jahpawt jau jau rawt nna, Yehowa hpe nawku ngut jang Rama shara nga ai shanhte a nta de bai wa ma ai: Elakana mung shi a madu jan Hana hte kanawn nna, Yehowa shi hpe dum ya wu ai.

1 SAMUELA 22:6

Ya Dawi hte shi hte rau nga ai masha ni a lam brawng pru wa ai gaw Shawlu na wu ai: Shawlu chyawm gaw, Gibea mare na kawng a wamyi hpun npu e, ari tu lang let dung nna, shi a ali ama ni nlang, shi a grup yin e tsap nga ma ai.

1 SAMUELA 25:1

Ya Samuela si mat sai rai nna, Israela masha ni yawng zuphpawng nna, hkrap ngu hkrap ngoi rai bru let, Rama shara na, shi a nta e makoi mayang mu ai. Dawi chyawm gaw rawt nna Paran nam mali de yu sa wa ai.

1 SAMUELA 7:17

Bai wa yang, Rama de wa du du re ai; dai yang e shi a nta rai nga sai: dai kaw mung Israela masha ni hpe tara dara ya let, Yehowa matu tawn hkungri gaw da nna nga nga ai.