TARA AGYI 4:3 - Jinghpaw Hanson Version Bible

³ Dai wa gaw hpri hpyen leng jahku tsa lu nna, Israela kashu kasha ni hpe hkun ning tup zingri zingrat wu ai majaw, Israela kashu kasha ni Yehowa hpe hpyi jahtau mu ai.

Jinghpaw Common Language Bible 2009

³ Yabin gaw hpri leng jahku tsa lu ai rai nna, Israela amyu masha ni hpe hkun ning tup gumshem nna kashun kashe du daw sai hkaw hte up hkang wu ai. Shaloi Israela amyu masha ni mung karum la na matu dai Madu hpe hpyi jahtau ma ai.

TARA AGYI 4:3 ပူးပေါင်းရင်းမြစ်များ

SHAKAWN KUNGDAWN 106:42

Shanhte hpe gumlau ai ni shanhte hpe zingri zingrat nna, Dai ni a lata npu e, shanhte gum nga ma ai.

SHAKAWN KUNGDAWN 50:15

Ru tsang ai nhtoi hta e ngai hpe shaga e; Ngai nang hpe hkye hkrang la nna, Nang ngai hpe shagrau sha-a na rin dai,” nga ai.

SHAKAWN KUNGDAWN 78:34

Dai ni hpe sat kau mu yang, shanhte shi hpe dum nna, Karai Wa hpang de kayin wa let shi hpe tam ma ai.

PRU MAT 2:23

Ya nhtoi tsawmra wa na wa sayang she Egutu hkawhkam si mat ai: Israela a kashu kasha ni mung dai mayam lit a majaw, madai nna hkrap sharung ai ga gaw dai mayam lit kaw nna Karai Kasang hpang de hkrang lung wa malu ai.

TARA JAHPRANG 28:29

myi hten ai wa gaw n sin e lamawm ai zawn, shani chyingtung e pyi nang lamawm hkawm na rin dai; nang galaw ai lam n byin ai hte, zingri zingrat kashun kashe ai sha hkrum na rin dai; nang hpe kadai mung hkye la lu na n rai.

TARA JAHPRANG 28:33

Na a mungdan a nsi naisi hte nang galaw tawn ai sutgan yawng gaw nang n mu n chye yu ai masha amyu sha kau na mara ai; nang chyawm gaw zingri zingrat hkrum sha ai tut rai na nit dai:

YAWSHU 17:16

Bai Yawsep a kashu kasha ni gaw, “Dai bum ga gaw anhte matu n law mali ai: dai pa ga na Bet-shean hte de a mare ni hte, Yezrela pa hkan e nga ai Hkanani masha ni nlang hte gaw hpri leng lu ai hkrai rai ma ai,” ngu nna bai tsun mu ai.

TARA AGYI 1:19

Yehowa mung Yuda hte rau nga nga ai rai nna, shi gaw bum ga e nga ai ni hpe shachyut kau wu ai: layang ga na ni hpe chyawm gaw hpri leng lu ai majaw n gawt kau lu mu ai.

TARA AGYI 10:10

Shaloi Israela kashu kasha ni Yehowa hpe, “Anhte a Karai Kasang hpe kau da nna, Bala hpara ni hpe jaw jau gaw ai majaw, nang hpe shut kau sagaw ai law,” ngu nna jahtau mu ai.

TARA AGYI 10:16

Shing rai, maigan Hpara ni hpe mung shanhte kau da nna, Yehowa hpe jaw jau ma ai: Yehowa mung, Israela masha ni hkrum ai matsan tsin-yam hpe masin yu machyi ya wu ai.

TARA AGYI 3:15

Bai, Israela kashu kasha ni Yehowa hpe jahtau yang, Yehowa gaw shanhte a matu hkye la ai wa ngu ai, Ben-yamin amyu, Gera kasha, lata lapai ai wa Ehud hpe paw pru shangun ya wu ai: Israela kashu kasha ni gaw shi a lata hta, Moba hkawhkam Eglon hpang de shawa jahkawn shagun dat mu ai.

TARA AGYI 3:9

Shaloi, Israela kashu kasha ni Yehowa hpe jahtau jang, Yehowa gaw shanhte hpe hkye la ai wa, Hkaleb a kanau Kenaza kasha Otniela hpe paw pru shangun wu ai rai nna, shi shanhte hpe hkye la wu ai.

TARA AGYI 4:13

Sisera gaw, shi a hpri leng jahku tsa ting hte, maigan amyu ni a Haroshet shara kaw nna Kishon hka du hkra, shi a masha ni hpe hpawng tawn wu ai.

TARA AGYI 4:4

Dai prat e, Lapidat a madu jan, myihtoi num Debora gaw Israela masha ni hpe tara dara ya nga ai.

TARA AGYI 5:8

Shanhte Hpara ningnan lata la masai; Shaloi jang, shanhte a chyinghka ni hta majan pru ra ai: Israela mun mali hta, n-gang langai mi mahtan a hka? Ari langai mi shanan a hka?

TARA AGYI 6:6

Shing rai, Israela masha ni Midian masha ni majaw, mala la matsan mat nna, Israela kashu kasha ni gaw Yehowa hpe hpyi jahtau ma ai.

1 SAMUELA 7:8

Dai rai nna Israela kashu kasha ni gaw Samuela hpe, “Anhte a Karai Kasang Yehowa, Hpilisti masha ni a lata na anhte hpe hkye la mi ga, anhte a matu akyu ahpyi ya nga mi,” nga ma ai.