TARA AGYI 4:1 - Jinghpaw Hanson Version Bible

¹ Ya, Ehud si mat ai hpang, Israela kashu kasha ni gaw, Yehowa man e n shawp ai amu bai galaw ma ai.

Jinghpaw Common Language Bible 2009

¹ Ehud si mat ai hpang, Israela amyu masha ni gaw dai Madu hpe yubak bai galaw ma ai.

TARA AGYI 4:1 ပူးပေါင်းရင်းမြစ်များ

YEREMIA 5:3

Yehowa e, na a myi kangka lam hpe tau yu nga ai, n rai ni? Nang shanhte hpe kayat timung, shanhte hpa n nawn ma ai; shaza kau timung, sharin achyin ai n hkam hkraw ma ai: tinang a myi man hpe nlung hta grau shaja ma ai; shanhte bai wa na, n hkraw ma ai.

HEBRE 11:32

Dai hta kaga ngai hpa naw tsun na rai ta? kaning rai nme law, Gidon, Barak, Samson, Yephta, Dawi, Samuela hte hte myihtoi ni a lam hkai dan na nga yang, nye a aten n dang law nga ai:

HEBRE 11:33

dai ni gaw, kamsham ai hte masha mungdan ni hpe dang kau lu ma ai, dinghpring ai lam shachyen lu ma ai, ga ndat ni hkam la lu ma ai, hkanghkyi a n-gup pat tawn lu ma ai:

TARA AGYI 10:6

Bai, Israela kashu kasha ni gaw, Yehowa man e n shawp ai amu galaw nna, Bala hpara ni hte Ashtarot hpara shayi, Suri mung na hpara ni, Sidon mare na hpara ni, Moba mung na hpara ni, Amon kashu kasha ni a hpara ni hte Hpilisti masha ni a hpara ni hpe jaw jau nna, Yehowa hpe n jaw n jau ai kau da mu ai.

TARA AGYI 2:11

Dai prat e Israela kashu kasha ni gaw, Yehowa man e n shawp ai hku galaw nna Bala hpara ni hpe jaw jau ma ai.

TARA AGYI 3:12

Bai, Israela kashu kasha ni gaw Yehowa man e n shawp ai amu galaw ma ai: shing rai Yehowa man e n shawp ai amu galaw ai majaw, Israela hpe ari jaw na matu Yehowa gaw Moba hkawhkam Eglon hpe n-gun shaja wu ai.

TARA AGYI 3:7

Ya Israela kashu kasha ni gaw, Yehowa man e n shawp ai amu galaw let, shanhte a Karai Kasang Yehowa hpe malap kau nna Bala hpara ni hte Asherot hpe jaw jau ma ai.

TARA AGYI 6:1

Bai, Israela kashu kasha ni gaw Yehowa a man e n shawp ai amu galaw ma ai: dai rai nna Yehowa gaw shanhte hpe Midian masha ni a lata hta sanit ning tup ap kau wu ai.