TARA AGYI 3:9 - Jinghpaw Hanson Version Bible

⁹ Shaloi, Israela kashu kasha ni Yehowa hpe jahtau jang, Yehowa gaw shanhte hpe hkye la ai wa, Hkaleb a kanau Kenaza kasha Otniela hpe paw pru shangun wu ai rai nna, shi shanhte hpe hkye la wu ai.

Jinghpaw Common Language Bible 2009

⁹ Dai hpang Israela amyu masha ni mahtang dai Madu hpe jahtau ma ai rai nna shanhte hpe shalawt dat na masha langai shangun dat ya wu ai. Dai wa gaw Hkaleb a kanau Kena a kasha Otniela rai nga ai.

TARA AGYI 3:9 ပူးပေါင်းရင်းမြစ်များ

NEHEMIA 9:27

Dai re ai majaw, shanhte hpe zingri zingrat ai hpyen ni a lata de, nang shanhte hpe ap kau mu ai: shanhte tsin-yam tsindam hkrum ai aten e, nang hpe jahtau shaga ma yang, nang gaw sumsing lamu de nna htan ya mu ai: na a galu kaba ai chyeju hte maren, hpyen ni a lata na shanhte hpe hkye mawai la na nga, hkye la madu ni shanhte hpang de shangun dat mu ai.

SHAKAWN KUNGDAWN 22:5

Shanhte nang hpe shaga nna, lawt wa lu ma ai. Nang hpe kamsham nna, kaya kahpa n hkrum ma ai.

SHAKAWN KUNGDAWN 78:34

Dai ni hpe sat kau mu yang, shanhte shi hpe dum nna, Karai Wa hpang de kayin wa let shi hpe tam ma ai.

YAWSHU 15:17

Dai rai nna, Hkaleb a kanau Kenaza a kasha Otniela gaw dai mare gasat la wu ai rai nna, Hkaleb gaw dai wa hpe shi a shayi Aksa ya sha wu ai.

TARA AGYI 1:13

Dai rai nna, Hkaleb a kanau Kenaza a kasha Otniela gaw dai mare hpe gasat la wu ai rai nna, Hkaleb gaw dai wa hpe shi a shayi sha Aksa ya sha wu ai.

TARA AGYI 10:10

Shaloi Israela kashu kasha ni Yehowa hpe, “Anhte a Karai Kasang hpe kau da nna, Bala hpara ni hpe jaw jau gaw ai majaw, nang hpe shut kau sagaw ai law,” ngu nna jahtau mu ai.

TARA AGYI 2:16

Shing rai jang, hpya lu hpya sha ai ni a lata na, shanhte hpe hkye la ai tara agyi ni hpe Yehowa paw pru shangun ya mu ai.

TARA AGYI 2:18

Yehowa shanhte a matu tara agyi paw pru shangun yang, dai wa hte rau shi nga nga nna, tara agyi wa lakhtak ting hpyen ni a lata na shanhte hpe hkye la wu ai: kaning rai nme law, shanhte sharu shatsang zingri zingrat hkrum sha ai majaw jahtau shaga jang, Yehowa myit kayin ai rai nga ai.

TARA AGYI 3:15

Bai, Israela kashu kasha ni Yehowa hpe jahtau yang, Yehowa gaw shanhte a matu hkye la ai wa ngu ai, Ben-yamin amyu, Gera kasha, lata lapai ai wa Ehud hpe paw pru shangun ya wu ai: Israela kashu kasha ni gaw shi a lata hta, Moba hkawhkam Eglon hpang de shawa jahkawn shagun dat mu ai.

TARA AGYI 3:8

Dai majaw Yehowa Israela kashu kasha ni hpe pawt bu ai hte, Mesopotami hkawhkam Hkushan-re-shahtim a lata hta shanhte hpe dut kau mu ai rai nna, Israela kashu kasha ni gaw matsat ning tup Hkushan-re-shahtim kaw yamnga ma ai.

TARA AGYI 4:3

Dai wa gaw hpri hpyen leng jahku tsa lu nna, Israela kashu kasha ni hpe hkun ning tup zingri zingrat wu ai majaw, Israela kashu kasha ni Yehowa hpe hpyi jahtau mu ai.

TARA AGYI 6:7

Ya Israela kashu kasha ni Midian masha ni a majaw Yehowa hpe hpyi jahtau ma yang,

1 SAMUELA 12:10

Shaloi shanhte Yehowa hpe jahtau shaga let, ‘Anhte nang Yehowa hpe kau da nna, Bala Hpara ni hte Ashtarot Hpara ni jaw jau ai majaw, shut saga ai law; ya rai timung, masha hpyen ni a lat na sha, anhte hpe hkye la mi, nang hpe sha jaw jau na ga ai,’ ngu nna hpyi nem mu ai,