TARA AGYI 3:17 - Jinghpaw Hanson Version Bible

¹⁷ Shing rai, Moba hkawhkam Eglon kaw jahkawn shang sak wu ai: Eglon chyawm gaw nachying hpum ai wa rai nga ai.

Jinghpaw Common Language Bible 2009

¹⁷ Dai hpang grai hpum ai Eglon hpang de kumhpaw kumhpa ni la sa ya wu ai.

TARA AGYI 3:17 ပူးပေါင်းရင်းမြစ်များ

YOBA 15:27

Shi a myi man hpe hpum sau ai hte htinggrum nna, shi a nshang mung hpum sau nna, kapum nga ai.

SHAKAWN KUNGDAWN 73:19

Ahkring sha shanhte hten mat wa ma hka! Tsin-yam kaba hte shanhte atsai awai hten mat masai.

SHAKAWN KUNGDAWN 73:7

Shanhte a myi hpum nna myi myi rai malu ai. Shanhte myit ai hku ladu lai nga malu ai.

YEREMIA 5:28

Shanhte sau hpum nna, myi man kabrim wa ma ai; shanhte gaw n hkru ai hta ladu lai ma ai; jahkrai nmai ni ngamu ngamai na matu, shanhte a amu hpe tsun ya hkraw ma ai n rai; matsan mayan ni hpe mung, tara ding ai hku tara dara ya, hkraw ma ai n rai.

YEREMIA 50:11

“Nye a sali wunli hpya sha ai ni e, nanhte kabu gumrawng ai hte, mam kabye ai nga upra zawn pagawn di nna, n-gun ja ai gumra zawn ngoi myit dai majaw, nanhte a kanu gaw teng teng kaya kahpa hkrum nna, nanhte hpe shangai ai num gaw, mak mat na ra ai: yu u, shi gaw mung ni yawng hta hpang hkrat ai mung, nam mali ahkun ahkraw ga hte zaibru jang tai na ra ai.

EZEKELA 34:20

“Dai rai nna Madu Yehowa shanhte hpe ning nga ai: Yu mu, sau hpum ai sagu hte lasi ai sagu hpe, ngai nan ginhka dawdan na nngai.

TARA AGYI 3:16

Ehud gaw dawng mi galu nna, nshan lahkawng dai ai nhtu galaw nna, hkra magyi na labu kata e tsat tawn mu ai.

TARA AGYI 3:18

Jahkawn sak da ngut jang, jahkawn gun sa ai ni hpe dat dat mu ai.

TARA AGYI 3:29

Dai shaloi, n-gun ja ai Moba share mun mi hpe, langai mi mung n lawt hkra, sat kau mu ai.

1 SAMUELA 2:29

Nye nta e ngai hkang da ai hkungga hte nye shadung kumhpa hpe, hpa rai htawng kau myit ta? nye a amyu Israela masha ni jaw jau ai kumhpa yawng mayawng hta na, kaja htum ai arai ni hpe hkru hkru kat kat sha shangun nna, na nsha ni hpe nye ntsa e hpa rai shagrau n ta?