TARA AGYI 3:11 - Jinghpaw Hanson Version Bible

¹¹ Shaloi, mung ting mali shi ning tup majan sim mat ai. Kenaza kasha Otniela mung si mat ai.

Jinghpaw Common Language Bible 2009

¹¹ Dai mung hta shaning mali shi ning tup ngwi pyaw sim sa nga ai, dai hpang Otniela si mat sai.

TARA AGYI 3:11 ပူးပေါင်းရင်းမြစ်များ

TARA AGYI 8:28

Shing rai Midian amyu gaw Israela masha ni a man e grit mat ma ai; dai kaw nna bai n rawt lu masai. Gidon a lakhtak e mali shi ning tup mung ting majan sim mat ai.

TARA AGYI 5:31

“Yehowa e, nang hpe hpyen ai ni nlang, dai zawn hten bya ga du mu ga law, Yehowa hpe tsawra ai ni, hpung shingkang hte rawt pru a Ningju jan zawn, kang nga manu ga law,” nga nna shakawn kungdawn nga ma ai. Dai kaw nna mali shi ning tup mung ting majan sim mat ai.

TARA AGYI 3:30

Shing rai, Israela masha ni Moba masha ni hpe dang kau mu ai. Dai kaw nna matsat shi ning tup mung ting, majan sim mat ai.

YAWSHU 11:23

Yehowa Mawshe hpe tsun da ai hte maren Yawshu gaw dai mung ting kabye la nna, Israela masha ni a amyu lakung langai hte langai hpe Sali ga karan ya wu ai. Dai mungdan mung majan sim mat ai.

ESHTA 9:22

Mordehkai gaw ndai lam ni hpe ka da nna, hkawhkam Ahasuru a ni ai tsan ai mungdaw ni mahkra hta nga ai, Yuda masha ni yawng hpang de, laika shagun dat wu ai.

1 HKAWHKAM LABAU 4:13

Kenaza a shadang sha yan gaw, Otniela hte Seraia rai ma ai. Otniela a kasha gaw Hahtat rai nga ai.

TARA AGYI 3:9

Shaloi, Israela kashu kasha ni Yehowa hpe jahtau jang, Yehowa gaw shanhte hpe hkye la ai wa, Hkaleb a kanau Kenaza kasha Otniela hpe paw pru shangun wu ai rai nna, shi shanhte hpe hkye la wu ai.

YAWSHU 15:17

Dai rai nna, Hkaleb a kanau Kenaza a kasha Otniela gaw dai mare gasat la wu ai rai nna, Hkaleb gaw dai wa hpe shi a shayi Aksa ya sha wu ai.

TARA AGYI 3:10

Yehowa a Wenyi shi hta dung nga ai rai nna, shi gaw Israela masha ni hta tara dara ya nga ai: hpyen gasat mung shi woi awn nna, Yehowa gaw Mesopotami hkawhkam Hkushan-re-shahtim hpe shi a lata de ap kau wu ai: shi a lata hte dai hkawhkam hpe dang kau wu ai.

TARA AGYI 3:12

Bai, Israela kashu kasha ni gaw Yehowa man e n shawp ai amu galaw ma ai: shing rai Yehowa man e n shawp ai amu galaw ai majaw, Israela hpe ari jaw na matu Yehowa gaw Moba hkawhkam Eglon hpe n-gun shaja wu ai.

NEHEMIA 9:28

Rai timung, shanhte gan ga lu ai hpang e, na a man e shut hpyi ai amu bai galaw ma ai; dai re ai majaw, hpyen ni gaw shanhte a ntsa e up nga na matu, nang shanhte hpe hpyen ni a lata de ap kau mu ai; shing di timung, shanhte myit kayin nna nang hpe jahtau shaga yang, nang gaw lamu de nna madat mara ya nna, na a chyeju hte maren law law lang shanhte hpe shaw hkrang la mu ai.