TARA AGYI 19:3 - Jinghpaw Hanson Version Bible

³ Shaloi madu wa gaw shi hpe sa nem la na nga, shangun ma langai mi hte lawze lahkawng woi nna, rawt sa wa ai: shi du jang lashi num dai gaw kawa nta de shi hpe woi shawn wa ai rai nna, kawa gaw kahkri wa hpe mu jang, kabu gara ai hte hkap hkalum la wu ai.

Jinghpaw Common Language Bible 2009

³ Dai hpang dai wa gaw shi a nta de bai nhtang wa lu na matu shi hpe shalen la na nga, shi hpang de hkan sa na daw dan wu ai. Shi hte rau shi a shangun ma langai, lawze lahkawng woi nna rawt sa mat wa wu ai. Dai numsha mung Lewi wa hpe nta de woi shang wa ai rai nna shi a kawa dai wa hpe mu ai shaloi, shi hpe kabu gara ai hte hkalum la wu ai.

TARA AGYI 19:3 ပူးပေါင်းရင်းမြစ်များ

NINGPAWT NINGHPANG 34:3

Dai wa a myit gaw Yaku a shayi sha Dina hta a noi nga ai rai nna, dai mahkawn hpe tsawra ai hte nja nhpra ga a tsun nga ai.

NINGPAWT NINGHPANG 50:21

Dai majaw myit hkum ru myit; nanhte hte nanhte a ma kaji ni hpe ngai bau nga na made ai, nga nna shanhte hpe shalan shabran ga hte shangwi shapyaw wu ai.

YEREMIA 3:1

Masha langai ngai, madu jan hpe kabai kau nna, num dai pru nhtawm, kaga wa hte nga sha ai hpang, shawng na madu wa gaw, dai num hpe bai kahkyin la mai a ni? shing rai galaw ai mungdan gaw, awu asin rai nga ai, n rai ni? nga nna masha ni tsun ninglen, nang gaw sumtsaw sumra law law hte mazum timung, ngai hpang de bai wa rit law, nga nna Yehowa tsun ai.

HOSEA 2:14

Da ndai gaw nye a sumtsaw sumra ni ngai hpe jaw ai kumhpa rai nga ai, nga nna shi lakap tsun ai tsabyi ru ni hte lakum hpun ni hpe, ngai shamyit kau nna, nam mali shatai kau ai hte, pa ga na ashu ashan ni, dai hpe sha kau na mara ai.

HOSEA 2:16

“Shing rai, yu u, ngai shi hpe shalen nna, nam mali hku woi wa let, ngwipyaw ga shi hpe tsun na nngai.

JAW JAU 19:17

Na a hpunau wa hpe n dawng n yawt rai lu na n rai: na a manang wa lu ai mara nang hta n hkra hkra, nang shi hpe teng teng shadum jahprang na rai ndai.

JAW JAU 20:10

Masha wa a num shaw ai wa gaw, shi shaw ai num hte rau sat kau ai teng teng hkrum lu na rai mu ai. Tinang kawa a madu jan hte nga sha ai wa gaw, dai jan hte rau sat kau ai teng teng hkrum na rai ma ai: shan lahkawng gaw si ging ai yubak lu ma ai.

BU HKAWM 22:22

Shing rai hkan sa wa ai majaw, Karai Kasang masin pawt nna, Yehowa a lamu kasa gaw shi hpe ban shadang na nga lam e tsap nga ai. Shi chyawm gaw lawze jawn nna, shi a shangun ma lahkawng hte sa wa nga ai.

MAHTE 1:19

Shi a madu wa Yawsep chyawm gaw, dingman nga ai rai nna, shi hpe n shabrawng mayu wu ai majaw, shi e lagyim dat kau na maw nga ai.

YAWHAN 8:11

numsha gaw, “Madu e, gade e muk n jeyang nngai,” ngu nna htan wu ai. Shaloi Yesu gaw, Ngai mung nang hpe n jeyang na nngai: wa nu; ya kaw nna yubak hkum galaw nit, ngu nna tsun dat wu ai.]

GALATI 6:1

Hpunau ni e, masha langai ngai n dum shami e yubak galaw hkrup a yang gaw, Wenyi rawng ai ni nanhte gaw, shing re ai wa hpe shingdi ai myit hte shadaw shalan rai nga mu: nang mung agung alau n hkrum u ga, tinang dai sadi nga u.

TARA AGYI 15:1

Dai hpang, hkaulan mam dan ai ta e, Samson gaw, bainam kasha dun let, shi a madu jan hpe kawan ai sa wa ai; ya shi gaw, “Gawk kata e nye a madu jan kaw ngai shang nga n ga,” ngu wu yang, katsa wa chyawm gaw n hkraw ai hte,

TARA AGYI 19:2

Lashi num dai gaw madu wa hpe shut kau nna, Yuda mung Betlehem mare na kawa nta de hprawng mat wa nhtawm, shata mali nga nga mat ai.

TARA AGYI 19:26

Nhtoi htoi jang numsha gaw wa nna, shi a madu wa nga ai nta chyinghka lam e nhtoi leng hkra taw nga ai.

TARA AGYI 19:4

Katsa mung kahkri wa hpe hkum da wu ai rai nna, shi gaw lu let sha let, masum ya tup chyai nga ma ai.