TARA AGYI 16:3 - Jinghpaw Hanson Version Bible

³ Samson chyawm gaw yuptung du hkra yup la nhtawm, yuptung e rawt nna, mare chyinghka ni hpe hkadun lahkawng hte htinggrang pawn malaw la nna, lahpa hta mara hpai wa nhtawm, Hebron mare tawtap na bum jinghkang e wa tawn kau wu ai.

Jinghpaw Common Language Bible 2009

³ Rai ti mung, Samson chyawm gaw yuptung du hkra sha yup ra e nga nga wu ai. Dai hpang shi rawt nna mare chyinghka hpe hkadun ni, shadaw ni, htinggrang hte yawng mayawng hte hpe baw la nhtawm shi a lahpa hta mara nna Hebron mare hpe praw rai mu mada lu ai kawng pungding de lung wa ai lam de hpai tawn kau wu ai.

TARA AGYI 16:3 ပူးပေါင်းရင်းမြစ်များ

SHAKAWN KUNGDAWN 107:16

Magri chyinghka ni hpe shi agrawp kau nna, hpri htinggrang ni hpe kahtum kadaw di kau nu ai.

MIHKA 2:13

Lam hpaw ai wa gaw, shanhte a shawng e lung wa sai; shanhte ru kabang wa ai hte, chyinghka de du nna, dai hku pru wa masai: shanhte a hkawhkam wa gaw, shanhte a shawng e sa wa nna, Yehowa gaw shanhte a baw rai nga ai.

KASA 2:24

rai timung, si hkrung si htan a nni, nkri hpe Karai Kasang raw kau ya nna, shi hpe jahkrung sharawt nu ai. Kaning rai nme law, dai nni nkri gaw shi hpe hkang shadang lu ai n rai.

TARA AGYI 16:2

Shaloi, Samson du ra ai, nga nna Gaza masha ni hpe shana ma yang, shanhte shi e wang tawn ai hte, shana tup mare chyinghka e lagyim hkap nga nna, “Nhtoi htoi jang she shi hpe sat na ga ai,” nga nna tsun let, shana tup asim sha nga ma ai.

TARA AGYI 16:4

Dai hpang Samson gaw, Sorek kadit e nga ai, Delila mying ai num langai mi hpe tsawra wu ai.