TARA AGYI 14:3 - Jinghpaw Hanson Version Bible

³ Kanu yan Kawa chyawm gaw, “Matu n gadoi ai Hpilisti amyu num nang sa la na gaw, anhte amyu shada hta na, na a mayu kasha num langai mi mung n nga sa ni?” ngu mu timung, Samson mahtang, “Nan dai she hpyi ya mi, ngai grai ra da we ai,” ngu nna kawa hpe tsun wu ai.

Jinghpaw Common Language Bible 2009

³ Rai ti mung shi a kanu yan kawa chyawm gaw shi hpe, “Nang gaw hpa majaw madu jan langai lu la na matu tara maigan amyu Hpilisti masha ni kaw sa ra nga n ni? Nang gaw anhte a lakung lama hta na mung, anhte a amyu masha ni yawng hta na numsha langai mi hpe mung n mu tam lu sani?,” ngu nna san wu ai. Rai ti mung Samson gaw shi a kawa hpe, “Nye a matu nan hpyi ya na ngai ra sharawng ai gaw shi langai sha rai nga ai. Ngai shi hpe ra nngai,” ngu nna tsun wu ai.

TARA AGYI 14:3 ပူးပေါင်းရင်းမြစ်များ

NINGPAWT NINGHPANG 13:8

Dai rai nna Abram gaw Lawt hpe, “An gaw hpunau rai nga ga ai majaw, ngai hte na a lapran e mung, nye a nga rem ma ni hte na a nga rem ma ni a lapran e mung, ga law ga la n nga u ga;

NINGPAWT NINGHPANG 21:27

Shaloi Abraham gaw sagu hte dumsu la nhtawm, Abimelek hpe jaw nna shan lahkawng gaw ga shaka tawn da ma ai.

NINGPAWT NINGHPANG 34:14

Anhte a kajan hpe matu n gadoi ai ni e jaw ya ai lam gaw, anhte a matu kaya shara nga ai re ai majaw n ya sha lu ga ai:

2 SAMUELA 1:20

Hpilisti shayi sha ni n kabu lu mu ga, Matu n gadoi ai amyu a num ni n awng lu mu ga, Ashi dai hpe Gat mare hta e hkum tsun myit, Ashkelon mare lam hkan e, hkum kajai myit.

YAWSHU 23:12

Dai n rai, nanhte loi mi sha htak mat wa nna, ya nanhte hta naw ngam nga ai ndai amyu ni hte makyit mahkai let, num la num ya rai nna, shanhte hte kanawn mazum myit yang gaw, nanhte a Karai Kasang Yehowa htawm hpang de ndai amyu ni hpe nanhte a man na shaden kau ya sa na n rai:

TARA AGYI 14:2

Shaloi shi bai wa nna kanu kawa hpe, “Timna e Hpilisti num langai mi mu da se ai; nye matu hpyi ya mi,” ngu nna tsun wu ai.

TARA AGYI 15:18

Dai hpang shi grai hpang kara nna, Yehowa hpe hpyi wu ai gaw, “Nde wa kaba ai hkye la ai lam, nang na a mayam wa lata hte hpaw ya nhtawm, ya hpang kara ai hte ngai si wa nna, matu n gadoi ai ni a lata de shang mat na rai ni?” ngu wu ai.

1 SAMUELA 14:6

Ya Yonahtan gaw, “Sa, wora, matu n gadoi ai masha ni a dap de sa saga; Yehowa an hpe a karum na ra ai; Yehowa hkye hkrang la ai lam gaw, masha law ai n law ai hta, hkan ai n rai,” ngu nna shi a ri nhtu lang ai wa hpe tsun wu ai.

1 SAMUELA 17:26

Dawi mung, Dai Hpilisti wa hpe sat kau nna, Israela amyu hkrum ai kaya shara yeng kau ai wa, hpa lu la na da aw? Dinggrin anga nga ai Karai Kasang a luksuk ni hpe roi lu ai gaw, ndai matu n gadoi ai Hpilisti wa gaw, kadai wa rai ta?” ngu nna shi a makau e tsap nga ai ni hpe san wu ai.

1 SAMUELA 17:36

Shing rai, na a mayam hkanghkyi hpe mung, tsap hpe mung sat kau lu ai: dai matu n gadoi ai Hpilisti wa mung, ahkrung nga ai Karai Kasang a hpyen laba ni hpe jahpoi ai majaw, dai zawn rai na ra ai,” ngu wu ai.

1 SAMUELA 31:4

Dai rai nna Shawlu gaw shi a ri nhtu gun hpai ai wa hpe, “Ndai matu n gadoi ai ni gaw ngai e na sa galun lu nna ngai e n roi lu ma ai du hkra, na nhtu shaw nna ngai e galun ya e,” ngu wu timung, dai wa gaw grai hkrit nga ai majaw n hkraw nga ai. Dai rai nna Shawlu gaw shi a nhtu dai la nna, dai hta abraw ju si wu ai.