TARA AGYI 13:3 - Jinghpaw Hanson Version Bible

³ Ya Yehowa a lamu kasa gaw dai numsha kaw dan pru nna, “Ya, yu u, nang maudung dung nna, kasha n shaprat ndai rai timung, nang na-um nasin rai nna, shadang sha shangai na rin dai.

Jinghpaw Common Language Bible 2009

³ Dai Madu a lamu kasa gaw shi kaw dan pru nna, “Nang gaw kashu kasha galoi mung n lu yu nga ti mung, kade n na yang, na-um nasin rai nna shadang sha shangai na rin dai.

TARA AGYI 13:3 ပူးပေါင်းရင်းမြစ်များ

NINGPAWT NINGHPANG 17:16

Shi hpe ngai shaman ya nna, shi hta na ngai nang hpe shadang sha langai mi jaw na de ai: rai sa, ngai shi hpe shaman ya nna, shi gaw amyu myu a kanu tai na ra ai; shi hta nna mung amyu baw ni a hkawhkam hkawseng pru shajang na mara ai,” ngu wu ai.

NINGPAWT NINGHPANG 18:10

Shanhte hta na langai wa gaw, “Nhtoi gu jang nang hpang de ngai teng teng bai du na ring ngai rai nna, na a madu jan Sara gaw shadang sha lu na ra ai,” ngu nna tsun wu ai. Shing nga tsun ai wa a shingdu de chyinghka makau e Sara nga nga ai rai nna ga dai na wu ai.

NINGPAWT NINGHPANG 18:14

Yehowa n di lu ai amu lama mi nga a ni? Nhtoi gu jang ngai nang hpang de bai du na ring ngai rai nna, Sara gaw shadang sha lu na ra ai,” ngu wu ai.

2 HKAWHKAM 4:16

Shing rai myihtoi wa gaw, “Nang htaning, ndai aten hta e, shadang sha ba na rin dai,” ngu wu ai. Numsha gaw, “Nye madu, Karai Kasang a masha wa e, na nchyang jan hpe masu ga hkum tsun et,” ngu nna htan wu ai.

LUKA 1:11

Shaloi dai Madu a lamu kasa gaw, manam pyaw nat ai hkungri a hkra maga de, shi hpe tsap shadan dan wu ai.

LUKA 1:13

Dai lamu kasa chyawm gaw, “Zakari e, hkum hkrit et; nang hpyi ai ga madat ya nit dai rai nna, na madu jan Elisabet gaw na a matu shadang sha shangai na ra ai; shi a amying Yawhan ngu nna, nang shamying ya na ru ai;

TARA AGYI 13:10

Dai rai nna numsha gaw alawan gat wa nna, shi a madu wa hpe, “Ma ni ngai kaw dan pru ai wa, ya bai sa ra ai,” ngu nna tsun wu ai.

TARA AGYI 13:15

Bai Mano gaw Yehowa a kasa hpe Na a matu bainam kasha langai mi sat shadu lu hkra, nang hpe naw hkum de ga, ngu wu yang,

TARA AGYI 13:6

Shaloi dai numsha gaw madu wa hpang de wa nna, “Yehowa a kasa myi man zawn hkrithpa myi man man ai, Karai Kasang a masha langai mi ngai kaw sa pru ai; shi kanang na sa ai mung ngai n san yu we ai; shi mung shi amying ngai e n tsun dan ai:

TARA AGYI 13:8

Dai rai nna Mano gaw Yehowa hpe, Madu e, nang shangun dat ai Karai Kasang a masha hpe, an hpang de bai shangun dat nna, ya shangai na ra ai ma hta na an kaning rai galaw na naw sa sharin ya mi, ngu na hpyi nem wu ai.

TARA AGYI 2:1

Shaloi Yehowa a kasa gaw, Gilgala shara kaw nna, Bohkim shara de lung wa nna, “Ngai nanhte hpe Egutu mung na woi shapraw wa ai hte, nanhte a nji nwa ni hpe dagam shaka da ai mung hta shawn tawn masade ai; nanhte hte tawn da ai ga shaka dai hpe ngai galoi mung n hpya na nngai:

TARA AGYI 6:14

Shaloi Yehowa shi hpe galaw yu nna, “Nang hta rawng ai nsam hte sa nna, Israela masha ni hpe Midian masha ni a lata na hkye la su: ngai nang hpe shangun dat se ai, n rai ni?” ngu wu ai.

1 SAMUELA 1:20

Shing rai Hana na-um nasin rai nna, nhtoi gu jang shadang sha shangai wu ai; dai wa hpe Yehowa kaw hpyi la ai re ai majaw, Samuela ngu nna shamying wu ai.