TARA AGYI 12:3 - Jinghpaw Hanson Version Bible

³ Nanhte ngai e n hkye la sai, ngai mu chye jang, ngai nye a asak nawng kau nna, Amon a kashu kasha ni hpe gasat sa wa nngai; Yehowa mung shanhte hpe nye a lata hta ap kau ni ai: dai she rai yang me, ngai hpe gasat na, dai ni hpa rai sa wa myit ta?” ngu nna htan wu ai.

Jinghpaw Common Language Bible 2009

³ Nanhte ngai kaw n sa myit dai hpe ngai mu ai shaloi, ngai gaw nye a asak dan let shanhte hpe htim gasat na matu lamu ga jarit hpe lai di mat wa nngai; dai Madu mung shanhte hpe gasat dang kau na awng padang ngai hpe jaw ni ai. Shing re ai mi, ya nanhte ngai hpe gasat na matu hpa majaw sa wa nga myit ni?,” ngu nna tsun wu ai.

TARA AGYI 12:3 ပူးပေါင်းရင်းမြစ်များ

2 HKAWHKAM LABAU 13:12

Yu mu, Karai Kasang anhte a hpaawn wa rai nga nna, shi a hkinjawng ni mung pahtau dum let nanhte hpe shadum na nga, anhte hta rai nga ma ai. Israela masha ni e, kaji kaw ni a Karai kasang Yehowa hpe hkum dai myit, hkap daw yang sum na myit dai ngu mu ai.

YOBA 13:14

Ngai hpa majaw nye ashan hpe lahpawt nna gare makrang let, nye a asak hpe, nye a lata hta latup nga na rai ta?

SHAKAWN KUNGDAWN 119:109

Nye a myit masin gaw nye a lata hta anga nga li timung, Na a tara hpe ngai malap mali kau na nngai n rai.

ROMA 16:4

shan gaw nye a asak a matu tinang du baw shatawng kau manu ai rai nna, ngai hkrai sha n rai, maigan na Hpung ni yawng hte mung, shan hpe shakawn ga ai: shan a nta e shanu ai Hpung hpe mung shakram ya mi.

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.

TARA AGYI 11:27

Dai re ai majaw ngai nang hpe n shut nngai; nang mahtang ngai e sa gasat ai, shut ndai; tara agyi Yehowa gaw, Israela kashu kasha ni hte Amon kashu kasha ni a lapran e, dai ni tara agyi tai u ga,” ngu nna htet dat wu ai.

TARA AGYI 12:2

Yephta gaw, “Ngai hte nye a masha ni Amon kashu kasha ni hte amu kaba rawng nga yang, nanhte hpe ngai jahpu timung, shanhte a lata na nanhte ngai hpe n hkye la myit dai.

TARA AGYI 12:4

Shing rai, Yephta Gilead masha ni mahkra hpe shaga la nna, Ehprim hpe gasat mu ai: Ehprim masha ni Gilead masha ni hpe, Nanhte Gilead masha gaw, Ehprim hta na ran pru nna, Ehprim hte Manashe amyu hta hkran ai ni sha rai myit dai,” ngu nna jahpoi mu ai majaw, Ehprim masha ni hpe sat mu ai.

TARA AGYI 9:17

Nye wa nanhte a matu majan gun nna, tinang asak pyi n lahpawt hkra, Midian masha lata na nanhte hpe hkye la manit dai:

1 SAMUELA 19:5

shi a asak pyi n lahpawt hkra, Hpilisti wa hpe sat kau nna Yehowa Israela amyu ting a matu hkye hkrang la ai lam kaba Hpaw ya ma ni ai: nang mu nna kabu nit dai: dai rai yang, mara kata ai, Dawi hpe sat nna, mara n rawng ai sai hpa majaw hkaw kau na rai ta?” ngu nna kawa Shawlu hpe tsun wu ai.

1 SAMUELA 28:21

Dai numsha gaw Shawlu hpang de sa nna, shi nau myit ru ai mu jang, “Yu u, na a mayam jan na ga madat ni ai; tinang asak pyi n lahpawt hkra, nang tsun ai hku hkan galaw ni ai.