TARA AGYI 11:3 - Jinghpaw Hanson Version Bible

³ Shaloi Yephta gaw kahpu kanau ni kaw na pru wa nna, Toba mung e nga nga ai: pagawn para re ai masha mung, shi kaw sa zup nna, shi kaw hkan nang ma ai.

Jinghpaw Common Language Bible 2009

³ Yephta gaw shi a kahpu kanau ni kaw na hprawng mat wa nhtawm Toba mung e sa nga nga wu ai. Dai yang na pagawn para rai nga hkawm ai masha hpung mi hpe shi yu sharawng wu ai rai nna shanhte mung shi hte rau brak hkawm nga ma ai.

TARA AGYI 11:3 ပူးပေါင်းရင်းမြစ်များ

2 SAMUELA 10:6

Shing rai Ammon a kashu kasha ni gaw, Dawi a man e matsat shabat rai nga ai lam shanhte dum chye la yang shanhte masha shangun dat nna, Bet–rehoba mare na Suri masha ni hte, Zoba mare na Suri masha mun lahkawng, Mahka hkawhkam kaw na masha hkying mi Toba a mare na masha mun lahkawng e hkying lahkawng saw la ma ai.

2 SAMUELA 10:8

Shing rai Ammon masha ni pru nna mare chyinghka lam e hpyen hkyen ma ai. Zoba, Rehoba, Toba mung hkan na sa ai Suri masha ni hte, Mahka hkawhkam a masha ni gaw, pa e kaga hkrai rai nga ma ai.

KASA 17:5

Yuda masha ni chyawm gaw myit manawn nna, pagawn para re ai masha ni hta na n hkru ai masha nkau mi hpe saw la nhtawm, masha jahpawng tawn nna, mare ting hpe kabrawng shangun mu ai; shing rai, Yasun a nta hpe adip nna, shawa masha ni hpang de shan hpe shapraw ya na hku, tam ma ai,

TARA AGYI 11:2

Gilead a madu jan mung shadang sha shangai wu ai: dai shadang sha ni kaba wa jang, “Nang gaw lik nga kasha rai ndai majaw, anhte matu hta sali jawm dagraw lu na n rai,” ngu nna Yephta hpe shachyut kau mu ai.

TARA AGYI 9:4

Bala-berit nta na gumhpraw lap sanit shi shaw ya dat wu ai: shaloi Abimelek gaw gumhpraw jaw nna, pagawn para re ai masha hpe saw wu ai.

1 SAMUELA 22:2

Amu hkrum ai ni, ahka kap ai ni hte myit karen ai ni nlang hte shi kaw sa zup nna, shi shanhte a agyi tai nga ai; shing ai marai mali tsa daram shi kaw hkan nang ma ai.

1 SAMUELA 27:2

Shaloi Dawi hte shi kaw hkan nang ai masha kru tsa hte gaw rawt nna, Gat hkawhkam Mohka a kasha Ahkisha hpang de rap mat wa ma ai.