TARA AGYI 10:4 - Jinghpaw Hanson Version Bible

⁴ Dai wa gaw shadang sha sumshi lu nna, shanhte gaw lawze kasha sumshi jawn ai hte mare sumshi up ma ai: dai mare ni gaw Gilead mung e nga ai rai nna, dai ni du hkra, Hawot-Ya-ira ngu nna shamying mu ai.

Jinghpaw Common Language Bible 2009

⁴ Shi gaw shadang sha sumshi lu ai rai nna, dai ni lawze sumshi jawn ma ai. Gilead mung hta mare sumshi lu ma ai majaw dai ni du hkra Yaira a kahtawng ni ngu nna shamying da nga ma ai.

TARA AGYI 10:4 ပူးပေါင်းရင်းမြစ်များ

2 SAMUELA 16:2

Shaloi hkawhkam wa gaw Ziba hpe, “Hpa di na ngu nna arai dai ni la sa n ta?” ngu nna san wu yang, Ziba gaw, “Lawze yan gaw, hkawhkam a masha ni jawn na matu; muk hte namsi gaw ali ama ni sha na matu; tsabyi jahku mung, nam hkan e hki ba ai ni lu na matu rai nga ai,” ngu nna htan wu ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

BU HKAWM 32:41

Manashe a lakung hta na Ya-ira ngu ai wa mung dai mung na mare ni hpe lu la nna, Hawot-Ya-ira ngu nna shamying wu ai.

TARA JAHPRANG 3:14

Manashe a kasha Ya-ira gaw Argoba ginwang ting hpe, Geshuri hte Mahkahti masha ni a lamu ga jarit du hkra madu la nhtawm, shi a mying hkan nna, dai ni du hkra dai Bashan mung a mare ni hpe Hawot-Ya-ira ngu nna shamying da wu ai.)

TARA AGYI 10:3

Shi a hpang e, Gilead masha Ya-ira paw pru nna, Israela amyu hpe hkun lahkawng ning tara dara ya wu ai.

TARA AGYI 10:5

Ya-ira mung si mat nna, shi e Kamon shara e lup makoi mu ai.

TARA AGYI 12:14

Dai wa gaw kasha mali shi hte kashu sumshi lu nna, shanhte gaw lawze kasha sanit shi jawn ma ai: shi gaw Israela hpe matsat ning tup tara dara ya wu ai.

TARA AGYI 5:10

Lawze hpraw jawn ai ni, Panep mani hta dung ai ni hte, Hkrun lam hkawm ai ni e, tsun dan mu.