TARA AGYI 1:4 - Jinghpaw Hanson Version Bible

⁴ Shing rai Yuda hpyen rawt wu ai. Yehowa mung, Hkanani hte Perizi masha ni hpe shi a lata hta ap wu ai rai nna, shanhte gaw Bezek mare e masha mun mi hpe gasat kau mu ai.

Jinghpaw Common Language Bible 2009

⁴ Yuda amyu bawsang ni majan pa de rau rawt sa wa ma ai. Dai Madu gaw Hkanani hte Perizi masha ni hpe gasat dang kau na awng padang shanhte hpe jaw wu ai rai nna Bezek mare e masha mun mi hpe gasat kau ma ai.

TARA AGYI 1:4 ပူးပေါင်းရင်းမြစ်များ

1 HKAWHKAM 22:15

Ya shi gaw hkawhkam kaw du yang hkawhkam wa gaw, “Mihkaia e, an gaw Ramot-gilead de hpyen gasat na matu, sa mai n sa mai na kun?” ngu nna sa wu yang, shi gaw, “Lung gasat nna, awng wa nu; Yehowa dai mare hpe hkawhkam wa a lata de ap ya na ra ai,” ngu wu ai.

1 HKAWHKAM 22:6

Shaloi Israela hkawhkam gaw myihtoi mali tsa daram jahpawng tawn nhtawm, “Ngai gaw Ramot-gilead de hpyen gasat na, sa mai n sa mai na a kun?” Ngu nna shanhte hpe san yu mu yang, shanhte gaw, “Lung wa su; Yehowa Madu dai mare hpe hkawhkam wa a lata de ap ya na ra ai,” ngu nna htan mu ai.

SHAKAWN KUNGDAWN 44:2

Na a lata masha amyu ni hpe shaden kau nna, Ji woi ni hpe hkai da mu ai: Amyu baw ni hpe nang zingri kau nna, Ji wa ni hpe shabran dat mu ai.

SHAKAWN KUNGDAWN 78:55

Masha amyu ni hpe shi shanhte a man na shaden kau ya nna, Shanhte a sali wunli hpe karan ya mu ai: Shanhte a sum ni hta e, Israela amyu ni nga nga ma ai.

TARA JAHPRANG 7:2

na lata de ap ya ndai shaloi, shanhte hpe atsai awai sat kau na rai myit dai: shanhte hte ga shaka nang tawn da lu na n rai; matsan dum ai myit mung madun lu na n rai:

TARA JAHPRANG 9:3

Dai rai nna, na a Karai Kasang Yehowa gaw, grung ai wan zawn, na a shawng e langang sa wa ai wa rai nga ai hpe dai ni chye nga u: shi nan shanhte hpe jahten kau nna na a man e shagrit kau na ru ai: shing rai nang shanhte hpe shaden kau lu nna, Yehowa nang hpe tsun ai hte maren, nang shanhte hpe alawan shamyit kau lu na rin dai.

TARA AGYI 1:3

Shaloi Yuda gaw shi a kahpu Simun hpe, “Hkanani masha ni hpe sa gasat na, nye a hkambum ga de ngai hpe naw sa karum rit; dai hpang na a hkambum ga de mung ngai hkan nang na nngai,” ngu wu ai. Simun mung, shi kaw hkan nang sa wa ai.

TARA AGYI 1:5

Adoni-bezek hpe Bezek mare e shanhte mu hkrup mu ai; shanhte shi hpe gasat nna Hkanani hte Perizi masha ni hpe dang kau mu ai.

TARA AGYI 11:32

Shing rai, Amon kashu kasha ni hpe gasat na matu, Yephta rawt sa wa ai rai nna, Yehowa mung shanhte hpe shi a lata hta ap kau wu ai.

TARA AGYI 3:5

Israela kashu kasha ni chyawm gaw, Hkanani, Hiti, Amori, Perizi, Hiwi hte Yebusi amyu ni hte rau nga nga nna,

1 SAMUELA 11:8

Shi gaw Bezek shara e shanhte hpe hti yu wu yang, Israela kashu kasha ni hta na sen masum, Yuda amyu hta na mun masum, du ma ai.

1 SAMUELA 14:10

shing n rai, Du marit, nga ma yang gaw, an mahtang lung ga; Yehowa shanhte hpe an a lata hta ap ma ni ai: kumla gaw dai hku rai na rai nga ai,” ngu wu ai.

1 SAMUELA 14:6

Ya Yonahtan gaw, “Sa, wora, matu n gadoi ai masha ni a dap de sa saga; Yehowa an hpe a karum na ra ai; Yehowa hkye hkrang la ai lam gaw, masha law ai n law ai hta, hkan ai n rai,” ngu nna shi a ri nhtu lang ai wa hpe tsun wu ai.