TARA AGYI 1:2 - Jinghpaw Hanson Version Bible

² Yehowa gaw, “Yuda mahtang woi shawng na re ai: shi a lata dai mungdan hpe ngai ap kau se ai,” ngu nna tsun wu ai.

Jinghpaw Common Language Bible 2009

² Dai Madu gaw, “Yuda amyu bawsang shawng sa na rai nga ai. Ngai gaw shanhte hpe mungdan up hkang na ahkang jaw na mawe ai,” ngu nna htan wu ai.

TARA AGYI 1:2 ပူးပေါင်းရင်းမြစ်များ

BU HKAWM 2:3

Shing rai jan pru sinpraw man de but de na ni gaw Yuda dawnghkawn hte seng ai hpung daw wa ni rai na rai ma ai: Yuda amyu hta na agyi gaw Aminadab a kasha Nashon rai nga ai.

BU HKAWM 7:12

Ya nnan shani e kumhpa sak jaw ai gaw, Yuda amyu Aminadab a kasha Nashon rai nga ai:

HEBRE 7:14

Gaja wa, anhte a Madu, Yuda amyu hta na paw pru wa sai gaw, dan dan leng leng rai nga ai; dai amyu hpe hkinjawng aya a lam Mawshe gaw hpa mung n tsun da wu ai.

YAWSHU 2:24

Gaja wa teng teng, Yehowa gaw wora mung ting anhte hpe ap ya ma ni ai: anhte a man e mung, mung masha ni nlang yaw mat masai, ngu nna Yawshu hpe wa tsun dan mu ai.

SHINGRAN 5:5

Dai rai nna, salang ni hta na langai mi gaw, Hkum hkrap et; yu u, Yuda amyu hta na hkanghkyi ngu ai Dawi a aru madung gaw, dai laika hte de a dazik sanit hpe hpaw lu hkra dang kau nu ai, nga nna ngai hpe tsun dan nngai.

TARA AGYI 1:3

Shaloi Yuda gaw shi a kahpu Simun hpe, “Hkanani masha ni hpe sa gasat na, nye a hkambum ga de ngai hpe naw sa karum rit; dai hpang na a hkambum ga de mung ngai hkan nang na nngai,” ngu wu ai. Simun mung, shi kaw hkan nang sa wa ai.

TARA AGYI 20:18

Ya Israela amyu masha ni rawt nna, Betela de lung wa nhtawm Karai Kasang hpe hpaji hpyi mu ai gaw, “Ben-yamin amyu masha ni hpe gasat na anhte hta kadai mahtang shawng na rai ta?” ngu nna san mu ai. Shaloi Yehowa gaw, “Yuda mahtang shawng u ga,” ngu wu ai.

TARA AGYI 20:28

Israela kashu kasha ni gaw, “Anhte a kanau Ben-yamin hpe bai sa gasat na rai kun, tawn da sa na rai kun?” ngu nna Yehowa hpe san mu ai; Yehowa gaw, “Lung ma su; hpawt ni nhtoi shanhte hpe nanhte a lata de ap kau na we ai,” ngu dat mu ai.