TARA AGYI 1:1 - Jinghpaw Hanson Version Bible

¹ Ya Yawshu si mat ai hpang, Israela kashu kasha ni gaw Yehowa hpe, “Hkanani masha ni hpe sa gasat na, anhte hpe kadai mahtang woi shawng na rai ta?” ngu nna san mu ai.

Jinghpaw Common Language Bible 2009

¹ Yawshu si mat ai hpang Israela amyu masha ni gaw dai Madu hpe, “Anhte a amyu bawsang ni hta na kadai mahtang Hkanani masha ni hpe shawng sa gasat ang na ga ta?,” ngu nna san ma ai.

TARA AGYI 1:1 ပူးပေါင်းရင်းမြစ်များ

1 HKAWHKAM 22:5

Bai Yehosahpat gaw, “Dai ni jang anhte Yehowa hpe ga naw san yu ga,” ngu nna Israela hkawhkam wa hpe tsun wu ai.

PRU MAT 18:15

Mawshe gaw, “Dai amyu masha ni Karai Kasang hpe san yu na nga, ngai kaw sa ma ai majaw, rai nga ai;

PRU MAT 28:30

Dai tara madun ya ai sinda magap kata e, Urim hte Htumim nang bang da na rai wu ai; Arun gaw Yehowa a man de shang ai shaloi, shi a masin hta dai Urim hte Htumim rawng nga na rai nna, Arun gaw shi a masin hta Israela kashu kasha ni a matu jeyang ai lam Yehowa a man e tutnawng e gun ya nga na rai wu ai.”

BU HKAWM 27:21

Dai wa hkinjawng Eleaza a man e sa tsap jang, hkinjawng wa gaw shi a matu Yehowa a man e ra ai lam hpe Urim hte san ya na rai wu ai: dai wa a hpajang ai hte maren Israela kashu kasha ni hpung nlang hte gaw, shi hte rau pru wa shang wa rai na rai ma ai,” ngu wu ai.

TARA AGYI 1:27

Manashe masha ni chyawm gaw, Bet-shean hte de a kahtawng ni, Tanak hte de a kahtawng ni, Dora hte de a kahtawng ni, Iblam hte de a kahtawng ni, Megido hte de a kahtawng ni hta nga ai masha ni hpe n shachyut kau mu ai rai nna, Hkanani masha ni dai mung hta nga nga ma ai.

TARA AGYI 2:21

ngai mung, Yawshu si mat ai shaloi, naw ngam ai masha amyu langai ngai hpe shanhte kaw na n shachyut kau ya na ni ai:

TARA AGYI 2:8

Shaloi Yehowa a shangun kasa, Nun a kasha Yawshu gaw, asak latsa e shi ning du nna, si mat sai.

TARA AGYI 2:9

Shi hpe Ehprim bum ga, Gasha kawng dingdung maga e nga ai, shi a lamu ga sali Timnat-here mare ginwang na ga hta makoi mayang mu ai.

TARA AGYI 20:18

Ya Israela amyu masha ni rawt nna, Betela de lung wa nhtawm Karai Kasang hpe hpaji hpyi mu ai gaw, “Ben-yamin amyu masha ni hpe gasat na anhte hta kadai mahtang shawng na rai ta?” ngu nna san mu ai. Shaloi Yehowa gaw, “Yuda mahtang shawng u ga,” ngu wu ai.

TARA AGYI 20:23

Yehowa kaw mung shanhte sa nna, shana de du hkra hkrap let, “Anhte a kanau Ben-yamin hpe, naw gasat na rai ni?” ngu nna Yehowa hpe san wu yang, Yehowa mung, “Sa gasat mu,” ngu dat wu ai.

TARA AGYI 20:27

Dai prat e Karai Kasang a ga shaka sumpu dai yang nga nga ai hte, Arun a kashu Eleaza kasha Hpinehat dai sumpu a man e amu gun hpai nga ai rai nna,

TARA AGYI 20:28

Israela kashu kasha ni gaw, “Anhte a kanau Ben-yamin hpe bai sa gasat na rai kun, tawn da sa na rai kun?” ngu nna Yehowa hpe san mu ai; Yehowa gaw, “Lung ma su; hpawt ni nhtoi shanhte hpe nanhte a lata de ap kau na we ai,” ngu dat mu ai.

1 SAMUELA 10:22

Dai re ai majaw shanhte, “Dai wa nang de n sa a ni?” Ngu nna Yehowa hpe naw san mu yang, Yehowa gaw, “Yu mu, shi, arai ni a kata e makoi nga ai,” ngu nna tsun dan wu ai.