SHINGRAN 9:5 - Jinghpaw Hanson Version Bible

⁵ rai timung, dazik n hkam la ai ni hpe si hkra di na ahkang gaw, shanhte n lu ma ai; shata manga tup zingri na ahkang sha lu ma ai: dai masha ni hkrum ai tsin-yam tsindam gaw, n-gawgawk e na ai zawn machyi ai tsin-yam tsindam rai nga ai.

Jinghpaw Common Language Bible 2009

⁵ Dinggam-yaw ni, dai masha ni hpe shata manga zingri zingrat na hta lai nna sat na ahkang n jaw da mu ai. Dai zingri zingrat ai a machyi ai gaw, n-gaw-gawk na ai zawn nga nna machyi nga ai.

SHINGRAN 9:5 ပူးပေါင်းရင်းမြစ်များ

2 HKAWHKAM LABAU 10:11

nye wa gaw nanhte hpe li la ai kandang shagun da timung, ngai nanhte a kandang hta naw jat na we ai; nye wa gaw, nanhte hpe ri lasik hte kayat ai; ngai mahtang nanhte hpe hpri n-gawgawk hte kayat na made ai,” ngu nna tsun u, ngu mu ai.

2 HKAWHKAM LABAU 10:14

shabrang ni shi hpe hpaji daw ya ai ga hku hkan nna, “Nye wa gaw nanhte a kandang hpe shali timung, ngai dai hta naw jat na we ai; nye wa gaw nanhte hpe ri lasik hte kayat ai, ngai mahtang hpri n-gawgawk hte kayat na made ai,” ngu nna shanhte hpe tsun dat mu ai.

YOBA 2:6

Shing rai Yehowa gaw, “yu u, shi na a lata e rai nga ai; shi a asak hpe sha shalawt da u,” ngu nna Satan hpe tsun wu ai.

EZEKELA 2:6

Nang mung, masha kasha e, ju hpun hte tsamat hkrum nna, n-gawgawk hte shanu nga timung, shanhte hpe hkum hkrit, shanhte a ga hpe hkum kamang et; shanhte gumlau ai amyu rai nga timung, shanhte a ga hpe hkum hkrit, shanhte a n yawt ai myi man hpe hkum mak mat et.

Daniela 7:6

Dai hpang ngai mada yu yang, yu u, rawnggawk hte bung ai dusat kaga paw pru nga ai: dai gaw de a marung ntsa e u singkaw mali tu nga ai: dai dusat gaw, baw mali mung tu nna, up ai ahkang aya lu la nga ai.

YAWHAN 19:11

Yesu gaw, “Nang hpe ntsa de nna, ahkang jaw da sai n rai taw gaw, nye a ntsa e hpa ahkang mung, nang n lu na ndai: dai majaw ngai hpe nang kaw sa ap ya ai wa gaw, yubak grau kaba lu ai,” ngu nna, shi hpe htan wu ai.

SHINGRAN 11:7

Shan lahkawng tinang a sakse ga hkam ngut jang, sung htum ai shara de na lung wa ai matse labye gaw, shan hpe gasat nna dang kau na hte, shan hpe sat kau na ra ai.

SHINGRAN 13:5

Ga kaba hte shatan nhkan tsun chye ai n-gup shi hpe jaw da sai rai nna, shata mali shi lahkawng tup amu galaw na ahkang shi hpe ap ya nu ai.

SHINGRAN 13:7

[Chyoi pra ai ni hpe gasat dang kau na ahkang mung, shi hpe jaw wu ai]; baw lakung shagu, amyu baw shabu, ga baw amyu shagu hte mungdan shagu a ntsa e up na ahkang mung shi hpe jaw wu ai.

SHINGRAN 9:10

Dai ni a nmai gaw n-gawgawk a palen tu ai nmai hte bung nga ai; masha ni hpe shata manga tup zingri na ahkang tinang a nmai ni hta rawng nga malu ai.

SHINGRAN 9:3

Dai wan hkut hta na mung, ga ntsa de dinggam-yaw pru wa nna, ga na n-gawgawk lu ai ahkang zawn, dai ni hpe mung ahkang jaw mu ai.