SHINGRAN 9:20 - Jinghpaw Hanson Version Bible

²⁰ Rai timung, ndai tsin-yam tsindam hta na lawt lu nna, naw ngam nga ai shinggyim masha ni gaw, ji nat hpe mung, myi n mu, na n na lu ai hte n chye hkawm ai, aja, gumhpraw, magri, nlung hte hpun sumla ni hpe mung, n naw n ku ai nga na hpe, tinang lata a amu bungli hta na myit malai n lu ma ai:

Jinghpaw Common Language Bible 2009

²⁰ Ndai tsin-yam tsindam hta na lawt lu nna naw ngam nga ai shinggyim masha ni gaw, shanhte galaw ai amu kaw na myit malai n lu ma ai. Shanhte gaw jinat ni hpe mung, myi n mu, na n na lu ai hte n chye hkawm ai, ja, gumhpraw, magri, nlung hte hpun sumla ni hpe nawku ai lam hpe mung n jahkring kau ma ai.

SHINGRAN 9:20 ပူးပေါင်းရင်းမြစ်များ

2 HKAWHKAM 22:17

hpa majaw nga yang, shanhte ngai hpe kau da nna, shanhte a lata e galaw ai amu hte ngai hpe pawt sindawng shangun na nga, Hpara shaje ni a man e manam pyaw ai baw nat nawng ya ma ai. Dai re ai majaw ndai shara a lam nye a pawt sindawng ai wan grung nga nna krip wa na n rai.

2 HKAWHKAM LABAU 28:22

Ndai hkawhkam Ahaza gaw, ndai aten e nde wa tsin-yam tsindam hkrum timung, Yehowa hpe grau nna shut kau nga ai.

2 HKAWHKAM LABAU 34:25

Hpa majaw nga yang, shanhte ngai hpe kau da nna, shanhte a lata e galaw ai amu hte ngai hpe pawt sindawng shangun na nga, Hpara shaje ni a man e manam pyaw ai baw nat nawng ya ma ai; dai re ai majaw, ndai shara a lam nye a pawt sindawng ai wan grung nga nna, krip wa na n rai, nga ai.

SHAKAWN KUNGDAWN 106:37

Shanhte gaw tinang a shayi shadang sha ni hpe, Nat ni hpe nawng ya kau mu ai.

ESAIA 2:8

Bai shanhte a mungdan gaw hpara sumla ni hte hpring nga ai; shanhte gaw tinang lata a amu hte, tinang layung ni shachyen ai amu hpe, nawku ma ai.

ESAIA 41:7

Shing rai lasama gaw janghkam wa hpe, sumdu lang ai wa gaw ndup wa hpe, shadaw let, “Dai gaw namsan kaja rai nga ai,” nga nna tsun ma ai: n shamu n shamawt lu hkra, shi dai sumla hpe hpri masen hte dit shakap nga ai.

YEREMIA 1:16

Mung masha ni gaw ngai hpe kau da ai hte, hpara kaga hpe lawban nat nawng nna, tinang a lata hte galaw ai rai hpe nawku ai mara mahkra a majaw, ngai shanhte hpe dawdan nna ari jaw na mawe ai.

YEREMIA 25:6

hpara kaga ni hpe hkum daw jau, hkum nawku myit; tinang lata e galaw ai arai hte, ngai hpe hkum pawt bu shangun myit; shing rai ngai nanhte hpe zingri na n rai, nga nna htawn tsun ma ai.

YEREMIA 44:8

nanhte sa shingbyi nga ai Egutu mung hta, hpara kaga ni hpe manam pyaw ai baw nat nawng ya let, tinang lata galaw ai amu hte ngai hpe pawt sindawng shangun ai majaw, nanhte hta langai mi n ngam nga lu na matu, Yuda amyu lasha, numsha, ma kaji ni hte chyu chyu ai ma chyangai ni mahkra hpe shaza kau hkra, ndai yubak kaba hpe, tinang myit masin hta, hpa majaw galaw nga myit ta?

YEREMIA 5:3

Yehowa e, na a myi kangka lam hpe tau yu nga ai, n rai ni? Nang shanhte hpe kayat timung, shanhte hpa n nawn ma ai; shaza kau timung, sharin achyin ai n hkam hkraw ma ai: tinang a myi man hpe nlung hta grau shaja ma ai; shanhte bai wa na, n hkraw ma ai.

YEREMIA 51:17

Masha shagu myit n gring nna n chye na ma ai; janghkam shagu tinang a sumla majaw kaya hkrum ma ai: kaning rai nme law, shi jaw ai sumla gaw, sawt ai hkrai rai nga nna, dai ni hta nsoi nsa n rawng ma ai.

Daniela 5:23

sumsing lamu na Madu hpe nang shinggan kau nna, shi a nta na gawm ni hpe, na a man de jashawn nhtawm, nang hte na a agyi salang ni, numdung num ni hte lashi num ni, dai gawm ni hta tsabyi jahku lu nga ma hka; dai hta n-ga, myi n mu, na n na, hpa mung n chye ai gumhpraw, aja, magri, ahpri, hpun hte nlung hpara ni hpe nang shakawn kungdawn nna, na nsoi nsa Madu ngu ai, na a lam yawng hpajang tawn da ai Karai Kasang hpe, nang shagrau sha-a ai n rai:

Daniela 5:4

Gaja wa shanhte tsabyi jahku lu nna, aja, gumhpraw, magri, hpri, hpun hte nlung e tawk galaw ai hpara ni hpe, shakawn kungdawn ma ai.

JAW JAU 17:7

Dai hta kaga, namla hpe tinang a hkungga sa jaw nna, hpye ai amu hkan galaw ai zawn, htawm hpang de galaw lu na n rai. Dai gaw, shanhte a shu mashi shu masha prat dingsa madat mara nga na ga matsun rai nga ai.

MIHKA 5:13

na a tawk ai sumla ni hte, na a shadaw ni hpe, na a ka-ang na ngai jahtum kau nna, nang gaw htawm hpang e, na a lata hte galaw ai arai ni hpe, nawku lu na n rai;

MAHTE 21:32

Kaning rai nme law, Yawhan gaw dinghpring ai lam hpe hkan let, nanhte kaw du sai rai timung, nanhte shi hpe n kam mu ai; kang hta ai ni hte shawa num ni chyawm gaw, shi hpe kamsham ma ai: nanhte mahtang dai hpe mu myit timung, shi hpe kamsham na matu, myit malai bai lu na myit dai n rai.

KASA 17:29

Shing rai, anhte Karai Kasang a amyu matu ni rai nga ga ai majaw, Karai Kasang ngu ai hpe, masha a hpaji lata hte tawk ka ai aja, gumhpraw, nlung sumla hte bung ai, ngu nna n mai myit la ga ai.

KASA 19:26

Rai timung ya gaw, Ehpesu mare hta sha nrai sa, Asi mung ting ganoi rai hkra, ndai Pawlu ngu ai wa e, masha lata hte shachyaw ai baw Karai Kasang n re ai, nga nna masha law law hpe gunglau ai hte myit shayit kau ya manu ai, nanhte nan mu nga chye nga myit dai.

KASA 7:41

Dai nhtoi hte hta shanhte dumsu kasha sumla galaw nna, dai sumla hpe hkungga jaw let, tinang a lata hte galaw ai amu hta kabu gara nga ma ai.

2 KORINHTU 12:21

nanhte hpang de ngai bai du ai shaloi, nye a Karai Kasang gaw nanhte a man e ngai hpe shagrit nhtawm, shawng e yubak galaw nna, tinang galaw ai n se ai lam hte, shut hpyit nna ngang ai amu a lam hta, myit n malai ai law law hte a majaw ngai myit yawn ai hkrum na nngai hpe mung, myit tsang nga nngai.

TARA JAHPRANG 31:29

Kaning rai nme law, ngai si mat ai hpang nanhte gaja wa htak mat nna, ngai hkang da ai lam hta na dam mat wa na marin dai gaw, ngai chye nga nngai; Yehowa a man e shut hpyit nna tinang lata e galaw ai amu hte shi hpe shapawt ai majaw, htawm hpang prat e nanhte ruyak tsin-yam hte kadup na marin dai,” ngu nna shadum da wu ai.

TARA JAHPRANG 32:17

Karai Kasang n re ai nat ni hpe nau, Tinang n chye ai Hpara ni hpe jau mu ai: Kaji kawa ni n hkrit n kang yu ai, Ya sha shang ai Hpara ni hpe jaw jau mu ai.

TARA JAHPRANG 4:28

Dai hkan e myi n mu, na n na, n lu n sha chye ai hte manam n chye ai, masha lata hte tawk la ai hpun hpara nlung hpara re ai ni hpe nanhte nawku lu na marin dai.

1 TIMOHTI 4:1

Rai timung, htawm hpang prat e nkau mi gaw makam masham lam hta na htak wa nhtawm, masu magaw ga tsun ai hpyi hpun ai ni a marang e

SHINGRAN 15:1

Bai, sumsing lamu hta e galu kaba nna mau ging ai mauhpa amu kaga hpe ngai mu nngai; ari zinli sanit lang ai lamu kasa sanit rai nga ma ai: dai ari zinli ni gaw jahtum na ari rai nga ai; kaning rai nme law, Karai Kasang a pawt bu ai gaw dai hte hte ngut wa na ra ai.

SHINGRAN 16:8

Bai, mali ngu na wa shi a gawm ajan hta ru bun dat wu ai: shaloi jan gaw masha ni hpe wan hte jahkat na ahkang lu la wu ai.

SHINGRAN 9:19

Kaning rai nme law, dai gumra ni a nmai gaw lapu zawn san ai hte, baw tu nna, dai hte achye chye lu ai majaw, dai ni a atsam gaw n-gup hte nmai hta rawng malu ai.

SHINGRAN 9:21

masha sat ai amu hta na mung, mandan lakle amu hta na mung, num shut hpyit ai amu hta na mung, lagu lagut re ai amu hta na mung, shanhte myit malai n lu ma ai.