SHINGRAN 9:2 - Jinghpaw Hanson Version Bible

² Shaloi, dai sung htum ai shara na nhkun hpe shi hpaw dat wu ai rai nna, wan htung kaba a wan hkut zawn, dai nhkun hta na wan hkut mawng lung wa ai hte, dai nhkun a wan hkut majaw, ajan hte lamu ganghkau lapran e nsin sin wa ai.

Jinghpaw Common Language Bible 2009

² Dai shagan gaw sung htum ai shara na nhkun hpe shi hpaw dat wu ai rai nna, wan hkut gaw wanhtung kaba kata na wan hkut zawn dai nhkun na mawng lung wa ai hte, dai nhkun kaw na wan hkut a majaw, jan hte lamu ganghkau gaw nsin sin mat wa ai.

SHINGRAN 9:2 ပူးပေါင်းရင်းမြစ်များ

NINGPAWT NINGHPANG 15:17

Jan shang mat nna nsin htat nga ai shaloi, yu u, wan hkut hku ai wan mang hte, wan tu ai shanan paw pru nna shan chyen ni a lapran hku lai mat wa ai.

NINGPAWT NINGHPANG 19:28

Sodom hte Gomora maga de mung, dai ginwang ting de mung shi mada yu wu yang, yu u, wan nhkut gaw wan nmang hta na hku ai wan hkut zawn dai mung ting hta nna mawng lung nga ai.

PRU MAT 19:18

Yehowa gaw wan galup ai hte Sina bum ntsa de yu hkrat wa ra ai majaw, dai bum ting wan hkut mawng nga ai: dai wan hkut gaw, wan htung na wan hkut zawn mawng lung nna bum ting mung ja ja ashun awam rai nga ai.

ESAIA 14:31

Chyinghka e, sharung shayawt nga u; mare e, hkrap ngu hkrap ngoi nga u: Hpilisti mung ting e, nang yawn du krung nga ndai: kaning rai nme law, dingdung maga de na wan hkut mawng nga ai; shi lai wa ai hku kadai mung n ngam nga ai.

Daniela 3:6

n naw n ku ai wa kadai mung, dai ahkying hta pyi, grung nga ai wan htung hta kabai bang kau ai hkrum na ra ai,” nga nna jahtau tsun ai.

YOELA 2:10

Dai ni a man e lamu ga ashun awam nga ai; sumsing lamu ni gari nga ai; ajan hte shata sin mat nna, shagan ni a nhtoi mat ma ai:

YOELA 2:2

dai nhtoi gaw nsin sin ai hte sin mak nna, sumwi mung ai hte chyang htat ai nhtoi, rai nga ai; bum ni a ntsa e jahpawt manap nhtoi pri rai nga ai zawn, law la ai hte n-gun atsam rawng ai amyu du ra ai: dai zawn re ai gaw, shawng de galoi n byin yu ai; shanhte a hpang e mung, prat shaning law law du hkra, byin yu na n rai.

YOELA 2:30

Sumsing lamu hta e mung, ginding aga ntsa e mung, mauhpa amu ngu ai, asai, awan hte wan hkut shadaw hte hpe, ngai madun na nngai.

KASA 2:19

Ntsa de sumsing lamu e mauhpa amu, Lawu na ga ntsa e, lamik kumla ngu ai, Asai, awan, nhkut salu hte hpe, ngai madun na nngai.

SHINGRAN 14:11

shanhte hpe nni nkri zingri ai hta na wan hkut gaw, htani htana prat dingsa amawng lung nga ai; dai matse labye hte shi a hkrang sumla hpe nawku ai ni hte, shi a amying a masat dingsat hkam la ai wa gaw, shani shana n ban n sa lu ma ai,” nga nna nsen kaba hte tsun nga ai.

SHINGRAN 16:10

Bai, manga ngu na wa shi a gawm dai matse labye a tingnyang ntsa de ru bun dat wu ai: shaloi shi a mungdan nsin chyip rai mat wa nna, mung masha ni gaw aju machyi la ai majaw, tinang a shinglet kawa udik nga ma ai:

SHINGRAN 8:12

Bai, mali ngu na lamu kasa pahtau dum dat wu ai: shaloi lamu a nhtoi hkum ni hta na htam masum hta na htammi sin mak mat nna, shani daw masum hta na daw mi nhtoi n htoi lu na hte, shana mung dai hte maren rai mat wa na matu, ajan gaw daw masum hta na daw mi, shata gaw daw masum hta na daw mi, shagan ni mung htam masum hta na htammi grawp nip mat wa ai.

SHINGRAN 9:1

Bai, manga ngu na lamu kasa pahtau dum dat wu ai: shaloi, lamu de na ga ntsa de di hkrat mat sai shagan langai mi ngai mu nngai: shi hpe dai sung htum ai shara na nhkun a sumsaw ap ya wu ai.

SHINGRAN 9:11

Dai ni a hkawhkam gaw sung htum ai shara na ngarai a kasa rai nga ai; shi a amying gaw, Hebre ga hte Abadon; bai, Heleni ga hte shi a amying Apolion rai nga ai.

SHINGRAN 9:17

Bai, dai shingran hta ning re ai gumra ni hte, dai ni hta jawn ai ni hpe ngai mu nngai; shanhte gaw wan, wakintu hte kan nsan ai sinda magap dagap ma ai: gumra ni a baw gaw hkanghkyi baw zawn san nna, n-gup hta na wan numli, wan hkut hte kan pru nga ai.