SHINGRAN 9:19 - Jinghpaw Hanson Version Bible

¹⁹ Kaning rai nme law, dai gumra ni a nmai gaw lapu zawn san ai hte, baw tu nna, dai hte achye chye lu ai majaw, dai ni a atsam gaw n-gup hte nmai hta rawng malu ai.

Jinghpaw Common Language Bible 2009

¹⁹ Hpa majaw nga yang, dai gumra ni a atsam gaw, shanhte a n-gup ni hte shanhte a nmai hta rawng nga malu ai. Shanhte a nmai ni gaw lapu hte bung nna baw ni tu nga malu ai rai nna, dai hte masha ni hpe achye ma ai.

SHINGRAN 9:19 ပူးပေါင်းရင်းမြစ်များ

ESAIA 9:15

Dai amyu hpe woi awn ai ni, shanhte hpe lam shayit mu ai; shanhte hpe hkan nang ai ni mung, shamyit kau ai hkrum ma ai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

SHINGRAN 9:10

Dai ni a nmai gaw n-gawgawk a palen tu ai nmai hte bung nga ai; masha ni hpe shata manga tup zingri na ahkang tinang a nmai ni hta rawng nga malu ai.

SHINGRAN 9:18

Dai ni a n-gup hta na pru ai wan numli, wan hkut hte kan ngu ai tsin-yam masum a majaw, shinggyim masha htam masum hta na htammi si mat ai hkrum ma ai.

SHINGRAN 9:20

Rai timung, ndai tsin-yam tsindam hta na lawt lu nna, naw ngam nga ai shinggyim masha ni gaw, ji nat hpe mung, myi n mu, na n na lu ai hte n chye hkawm ai, aja, gumhpraw, magri, nlung hte hpun sumla ni hpe mung, n naw n ku ai nga na hpe, tinang lata a amu bungli hta na myit malai n lu ma ai: