SHINGRAN 9:18 - Jinghpaw Hanson Version Bible

¹⁸ Dai ni a n-gup hta na pru ai wan numli, wan hkut hte kan ngu ai tsin-yam masum a majaw, shinggyim masha htam masum hta na htammi si mat ai hkrum ma ai.

Jinghpaw Common Language Bible 2009

¹⁸ Dai gumra ni a n-gup hta na pru ai, wan numli, wan hkut hte kan ngu ai tsin-yam masum a majaw, shinggyim masha htam masum hta na htam mi sat kau ai hkrum ma ai.

SHINGRAN 9:18 ပူးပေါင်းရင်းမြစ်များ

SHINGRAN 8:10

Bai, masum ngu na lamu kasa pahtau dum dat wu ai: shaloi shanan zawn htoi tu ai shagan kaba lamu de na di hkrat wa nna, hka nu ni htam masum hta na htammi hte hka npun ni a ntsa e hkrat taw nga ai:

SHINGRAN 8:11

dai shagan a amying gaw, lashi pila lap ngu ai rai nga ai; hka htam masum hta na htammi lashi pila lap tai mat wa ai; dai hka hpawng ni grai hka mat wa nna, dai hka lu ai a majaw masha law law wa si mat wa ai.

SHINGRAN 8:12

Bai, mali ngu na lamu kasa pahtau dum dat wu ai: shaloi lamu a nhtoi hkum ni hta na htam masum hta na htammi sin mak mat nna, shani daw masum hta na daw mi nhtoi n htoi lu na hte, shana mung dai hte maren rai mat wa na matu, ajan gaw daw masum hta na daw mi, shata gaw daw masum hta na daw mi, shagan ni mung htam masum hta na htammi grawp nip mat wa ai.

SHINGRAN 8:7

Ya, shawng na wa pahtau dum dat wu ai: shaloi asai kayau ai sin hte awan htu wa ai; dai hpe ga ntsa de jahkrat dat yang, dinghta ga daw masum hta na daw mi hkru mat wa ai; nam maling hpun ni mung htam masum hta na htammi hkru mat wa ai; tsit lali ai tsingdu yawng gaw hkru mat wa ai.

SHINGRAN 8:8

Bai, lahkawng ngu na lamu kasa pahtau dum dat wu ai: shaloi, wan hkru ai nsan ai bum kaba hpe nammukdara de jahkrat dat wu ai: dai rai nna nammukdara daw masum hta na daw mi, asai tai mat wa ai;

SHINGRAN 8:9

nammukdara na hkrung ai baw, htam masum hta na htammi mung si mat wa ai; sanghpaw li ni mung, htam masum hta na htammi grawp mat wa ai.

SHINGRAN 9:15

Dai rai nna, shinggyim masha ni hpe htam masum hta na htammi sat kau na nga, ahkying, nhtoi, shata, shaning a matu hkyen tawn da ai lamu kasa mali hpe, raw dat wu ai.

SHINGRAN 9:17

Bai, dai shingran hta ning re ai gumra ni hte, dai ni hta jawn ai ni hpe ngai mu nngai; shanhte gaw wan, wakintu hte kan nsan ai sinda magap dagap ma ai: gumra ni a baw gaw hkanghkyi baw zawn san nna, n-gup hta na wan numli, wan hkut hte kan pru nga ai.

SHINGRAN 9:19

Kaning rai nme law, dai gumra ni a nmai gaw lapu zawn san ai hte, baw tu nna, dai hte achye chye lu ai majaw, dai ni a atsam gaw n-gup hte nmai hta rawng malu ai.