SHINGRAN 8:7 - Jinghpaw Hanson Version Bible

⁷ Ya, shawng na wa pahtau dum dat wu ai: shaloi asai kayau ai sin hte awan htu wa ai; dai hpe ga ntsa de jahkrat dat yang, dinghta ga daw masum hta na daw mi hkru mat wa ai; nam maling hpun ni mung htam masum hta na htammi hkru mat wa ai; tsit lali ai tsingdu yawng gaw hkru mat wa ai.

Jinghpaw Common Language Bible 2009

⁷ Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.

SHINGRAN 8:7 ပူးပေါင်းရင်းမြစ်များ

SHAKAWN KUNGDAWN 105:32

Marang a malai sin jahkrat dat nna, Shanhte a mung hta e, wan rawt nga ai.

PRU MAT 9:33

Mawshe gaw Hpara-u kaw na pru nna mare shinggan rai jang Yehowa a man e shi a lata lalam wu ai: shaloi mu ngoi ai hte sin marang sim mat wa ai: ga de marang mung n htu sai.

ESAIA 28:2

Yu u, Madu gaw n-gun ja ai hte atsam rawng ai wa hpe hkang da nna, dai wa gaw, sin lawm ai jahten ai nbung laru adawt ai hte, hka hpungla kaba lim ai zawn, tinang a lata hte shanhte hpe ga du hkra kadawng kau na ra ai.

ESAIA 29:6

Zaw nawng zaw wa up ai Yehowa gaw, mu ngoi ai, nnang nawn nawn ai, wu kadu ai nsen hte rau, nbung laru, marang mawru, hkru kau ai wan shinglet hte, dai mare hpe kawan katsan yu na ra ai.

ESAIA 30:30

Yehowa mung shi a daru magam nsen dat dat nna, pawt sindawng ai, wan hkru ai, nbung bung ai, laru ru ai, sin marang hte shi a lahpum shada na ra ai.

ESAIA 32:19

Rai timung, sin hkrat ai hte dai maling kadawng daw nna, mare mung atsai awai shamyit kau ai hkrum na ra ai.

EZEKELA 38:22

Ngai gaw ana zinli hte mung, sat kau ai hte mung, shi hpe dawdan na nngai; shi a ntsa e mung, shi a hpyen masha ni a ntsa e mung, sin kaba, wan hte kan, tung hkra jahtu na nngai.

YOELA 2:30

Sumsing lamu hta e mung, ginding aga ntsa e mung, mauhpa amu ngu ai, asai, awan hte wan hkut shadaw hte hpe, ngai madun na nngai.

YAKU 1:11

Ajan gaw kahtet ai nbung hte rawt wa jang, dai tsingdu nywi mat wa ai rai nna, de a apu run hkrat wa ai hte, de a hkrang na ahpraw tsawm ai gaw hten mat wa ai: sut su ai wa mung, dai hte maren, shi a maw mamaw hta, wai mat wa na ra ai.

YAWSHU 10:11

Shing rai Israela man na shanhte hprawng wa ma yang, Bet-horon kaw na yu wa ai lam e, Yehowa gaw lamu de na lungdin kaba jahkrat bun wu ai rai nna, Azeka mare du hkra adup ai hte si shajang ma ai: Israela kashu kasha ni a nhtu hte si ai hta, sin marang e si ai mahtang grau law ma ai.

1 PETRU 1:24

Kaning rai nme law, “Ashan yawng gaw tsingdu zawn rai nga ai, Dai ni a hpung shingkang ting, tsingdu a apu zawn rai nga ai; Dai tsingdu gaw nywi mat wa ai rai nna, Apu ni mung, run hkrat mat wa ma ai.

SHINGRAN 12:4

Shi a nmai gaw lamu shagan htam masum hta na htammi magawn la nna, ga de jahkrat dat wu ai: kasha shangai magang ai num shangai ngut jang, shi a kasha hpe sha kau na nga, baren numraw gaw dai num a man e la tsap nga ai.

SHINGRAN 16:2

Shaloi shawng na wa pru sa nna, shi a gawm ga ntsa de ru bun dat wu ai: dai gaw, matse labye a masat dingsat kap ai hte shi a hkrang sumla nawku ai masha ni hta, matsat shabat re ai aju machyi ai hpye shanam ai ana byin wa ai.

SHINGRAN 16:21

Shaloi lamu de na joi mali tsa daram li ai sin kaba gaw masha ni a ntsa e htu bun nna, dai sin a ari majaw masha ni gaw Karai Kasang hpe matsa shatan ma ai: dai ari zinli gaw nachying yak kaba ai ari rai nga ai.

SHINGRAN 6:8

Shaloi ngai yu yang, yu u, atsit nsan ai gumra nga nga ai rai nna, dai hta jawn ai wa a amying gaw, Si du rai nga ai; katsan ga mung dai wa kaw hkan nang nga ai. Ri nhtu hte, hku hku ai hte, ana ahkya hte ga ntsa na matse labye zingri ai hte sat kau na matu, lamu ga daw mali hta na daw mi a ntsa e up ai ahkang, shanhte lu la ma ai.

SHINGRAN 7:1

Dai hpang lamu kasa mali gaw, lamu ga a njut mali hta tsap nga nna, ga ntsa e mung, nammukdara ntsa e mung, hpun magup a ntsa e mung, nbung n bung lu u ga, ga man mali maga de na nbung ni hpe manat shadang da nga ma ai gaw, ngai mu nngai.

SHINGRAN 9:15

Dai rai nna, shinggyim masha ni hpe htam masum hta na htammi sat kau na nga, ahkying, nhtoi, shata, shaning a matu hkyen tawn da ai lamu kasa mali hpe, raw dat wu ai.

SHINGRAN 9:18

Dai ni a n-gup hta na pru ai wan numli, wan hkut hte kan ngu ai tsin-yam masum a majaw, shinggyim masha htam masum hta na htammi si mat ai hkrum ma ai.

SHINGRAN 9:4

Dai ni gaw, ga ntsa na tsingdu hpe mung, tsit lali ai baw magup hpe mung, hpun magup hpe mung, naw madat da nna, tinang a lahtan hta Karai Kasang a dazik n kap ai masha ni hpe sha zingri mu ga, shanhte hpe jep dat wu ai: