SHINGRAN 8:12 - Jinghpaw Hanson Version Bible

¹² Bai, mali ngu na lamu kasa pahtau dum dat wu ai: shaloi lamu a nhtoi hkum ni hta na htam masum hta na htammi sin mak mat nna, shani daw masum hta na daw mi nhtoi n htoi lu na hte, shana mung dai hte maren rai mat wa na matu, ajan gaw daw masum hta na daw mi, shata gaw daw masum hta na daw mi, shagan ni mung htam masum hta na htammi grawp nip mat wa ai.

Jinghpaw Common Language Bible 2009

¹² Bai, mali ngu na lamu kasa gaw shi a pahtau dum dat wu ai. Shaloi, jan a htam masum na htam mi, shagan ni htam masum a htam mi grawp hten nip mat wa nna, shanhte a nhtoi gaw htam masum na htam mi sin mak mat wa ai hte, shani a htam masum na htam mi, shana a htam masum na htam mi nhtoi n lu mat ai.

SHINGRAN 8:12 ပူးပေါင်းရင်းမြစ်များ

ESAIA 13:10

Kaning rai nme law, sumsing lamu na shagan ni hte, de a maka kumla ni gaw nhtoi htoi na n rai; ajan pru timung nsin sin nna, shata gaw nhtoi n htoi nga ai.

ESAIA 24:23

Dai shaloi e shata gaw mak mat nna, ajan gaw kaya kahpa hkrum na ra ai; kaning rai nme law, Zaw nawng zaw wa up ai Yehowa gaw Ziun bum ntsa Yerusalem mare hta up nga nna, shi a salang ni a man e arawng sadang dan hkung nga na ra ai.

YEREMIA 4:23

Ginding aga hpe ngai mada yu yang, dai gaw akrin ayang hte asan awan rai nga ai; sumsing lamu hpe mada yu yang, nhtoi n nga ai.

YOELA 2:10

Dai ni a man e lamu ga ashun awam nga ai; sumsing lamu ni gari nga ai; ajan hte shata sin mat nna, shagan ni a nhtoi mat ma ai:

YOELA 2:31

Galu kaba re ai hte, hkrit mai ai, Yehowa a nhtoi garai n du yang, ajan hpe nsin hte, shata hpe asai hte, galai kau na ra ai.

YOELA 3:15

Ajan hte shata sin mat nna, shagan ni n htoi mat ma ai.

AMO LAIKA (AMOS) 8:9

Madu Yehowa ning nga ai: Dai aten hta, ngai gaw, shani ka-ang e jan shang shangun nna, lamu san ai shani hta mungkan ga hpe jasin kau na nngai.

MAHTE 24:29

Bai, dai nhtoi ni a ru tsang ai hpang jang jan gaw nip mat wa nna, shata mung n htoi mat na ra ai; shagan ni mung, lamu de na di hkrat mat nna, sumsing lamu a atsam ni gaw gari wa na mara ai.

MAHTE 27:45

Ya, ahkying kru kaw nna, ahkying jahku du hkra, mung ting hta e nsin chyip rai mat ai.

MARKU 13:24

Bai, ru tsang ai hpang na nhtoi hte hta e, jan gaw sin mat wa nna, shata mung nip mat na ra ai;

MARKU 15:33

Ya ahkying kru du yang, dai kaw nna ahkying jahku du hkra, mung ting hta e nsin chyip rai mat ai.

LUKA 21:25

Dai shaloi e jan, shata, shagan ni hta lamik kumla dan pru na ra ai, nammukdara hte hka leng ni a wu kadu ai nsen majaw, ga ntsa e, mung masha amyu ni myit mau ai hte ru tsang hkrum na mara ai:

KASA 2:20

Galu kaba re ai hte dan hkung ai shani ngu ai, Dai madu a nhtoi, garai n du yang, Ajan hpe ningsin hte, Shata hpe asai hte, galai kau na ra ai.

2 KORINHTU 4:4

Karai Kasang a hkrang bung sumla ngu ai, Hkristu a hpung shingkang rawng ai kabu gara shiga a nhtoi gaw, n kam n sham ai ni hta n htoi tu u ga she, ndai mungkan ga na Hpara gaw, shanhte a myit mang ai hku shakyaw shamak kau ya manu ai.

SHINGRAN 12:4

Shi a nmai gaw lamu shagan htam masum hta na htammi magawn la nna, ga de jahkrat dat wu ai: kasha shangai magang ai num shangai ngut jang, shi a kasha hpe sha kau na nga, baren numraw gaw dai num a man e la tsap nga ai.

SHINGRAN 16:10

Bai, manga ngu na wa shi a gawm dai matse labye a tingnyang ntsa de ru bun dat wu ai: shaloi shi a mungdan nsin chyip rai mat wa nna, mung masha ni gaw aju machyi la ai majaw, tinang a shinglet kawa udik nga ma ai:

SHINGRAN 6:12

Bai, kru ngu na dazik hpe hpaw dat wu yang, ngai mu nngai gaw, nnang nawn kaba a nawn wa ai; ajan gaw amun chyang hte da ai sumpan zawn asin amang nsan mat nna, shata hkum ting mung asai zawn san mat wa ai;

SHINGRAN 9:15

Dai rai nna, shinggyim masha ni hpe htam masum hta na htammi sat kau na nga, ahkying, nhtoi, shata, shaning a matu hkyen tawn da ai lamu kasa mali hpe, raw dat wu ai.

SHINGRAN 9:18

Dai ni a n-gup hta na pru ai wan numli, wan hkut hte kan ngu ai tsin-yam masum a majaw, shinggyim masha htam masum hta na htammi si mat ai hkrum ma ai.