SHINGRAN 7:17 - Jinghpaw Hanson Version Bible

¹⁷ Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.

Jinghpaw Common Language Bible 2009

¹⁷ Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.

SHINGRAN 7:17 ပူးပေါင်းရင်းမြစ်များ

SHAKAWN KUNGDAWN 22:26

Matsan mayan ni hkru kat hkra lu sha lu na mara ai, Yehowa hpe hkan tam ai ni, shi hpe shakawn na mara ai; Nanhte a myit masin tutnawng e ahkrung nga malit ga.

SHAKAWN KUNGDAWN 23:5

Nye gumlau ni a man e, nye a matu sha ku nang lajang da ya nga ndai; Nye a baw hpe namman hte nang chya ya ndai, Nye a gawm a kabrat nga li ai.

SHAKAWN KUNGDAWN 28:9

Na a amyu hpe hkye hkrang lu u, Na a sali wunli hpe shaman ya e; Tutnawng e shanhte hpe woi rem nna pawn la mu law.

ESAIA 12:3

Dai re ai majaw nanhte gaw, hkye hkrang la ai hka htung ni hta, kabu gara ai myit hte, hka ja lu na marin dai.

ESAIA 25:6

Zaw nawng zaw wa up ai Yehowa gaw ndai bum ntsa e amyu baw yawng a matu sau ai lusha hte tsabyi machyan poi galaw na ra ai; dai poi hta laswi hpring ai sau ai baw hte, jet ai tsabyi machyan dingsa lusha na mara ai.

ESAIA 25:8

Shi gaw si hkrung si htan hpe mayu kau nu ai; Madu Yehowa gaw myi man shagu a myi prwi katsut kau na ra ai; shi a amyu hkrum ai kaya kahpa hpe mung, ga ntsa ting na shaprai kau na ra ai: dai lam Yehowa tsun da sai.

ESAIA 30:19

Yerusalem mare na Ziun bum ntsa e shanu nga ai amyu e, nang gaw htawm hpang de hkrap sa na, n rai; nang jahtau ai nsen majaw, shi teng teng gaja wa nang hpe matsan dum na ra ai; dai nsen hpe na jang, shi htan na ra ai.

ESAIA 30:25

Masha law law sat kau ai hte langchyi ni hpe kadawng kau ai shani e, tsaw ai bum shagu a ntsa e mung, tsaw ai kawng shagu a ntsa e mung, hka shi hka gai ni lwi na ra ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

ESAIA 40:11

Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

ESAIA 49:9

shing rai nang gaw, bawng dung ai ni hpe, “Pru wa mu,” nsin e dung nga ai ni hpe, “Dawng pru wa mu,” ngu nna tsun na maru ai. shanhte gaw hkrun lam e shat lusha nna, krin ai kawng shagu ntsa e, shanhte a matu udat shara tai na ra ai.

ESAIA 51:11

Shing rai, Yehowa a lata hte hkye mawai la hkrum ai ni bai wa nna, Ziun bum de mahkawn mangoi let du na mara ai: shanhte a baw ntsa e, prat dingsa na kabu gara ai gaw, mara nga na ra ai; shanhte gaw sharawng awng nna, ngwipyaw ai lu la na mara ai; yawn hkyen ai hte madai ai gaw hkoi mat na ra ai.

ESAIA 60:20

Ya kaw nna na a ajan shang na n rai, na a shata mung, si na n rai: Yehowa gaw na a htani htana nhtoi tai nna, nang sharung shayawt ai nhtoi ni lai mat sai.

ESAIA 65:19

Ngai gaw Yerusalem mare hta kabu gara nga nna, nye a amyu masha ni hta awng sharawng nga na nngai: dai mare hta htawm hpang e hkrap ngu hkrap ngoi ai nsen hte, hkrap shabam ai nsen, na lu na n rai.

YEREMIA 2:13

“Kaning rai nme law, nye a amyu gaw lam lahkawng hta shut masai: shanhte gaw, asak hka hpawk ngu ai, ngai hpe kau da nna, hka n rawng lu ai ntsin htung, gaja wa, ga mat ai ntsin htung, tawk manu ai.”

YEREMIA 31:9

Shanhte hkrap let wa na mara ai; akyu hpyi tawngban ai ni hpe, ngai woi wa na nngai; hka kau lam hte, ahtu kataw shara n nga ai, malang ai numda lam hku, ngai shanhte hpe lakawn wa na nngai; kaning rai nme law, ngai gaw Israela kawa rai nga nngai; Ehprim gaw nye a kasha alat rai nga ai.

EZEKELA 34:23

Sagu rem wa langai mi hpe mung ngai san da nna, sagu ni hpe shi rem nga na ra ai: dai wa gaw nye a shangun ma Dawi rai na ra ai: shi sagu ni hpe bau nna, dai ni a sagu rem wa tai na ra ai.

MIHKA 5:4

Dai wa gaw tsap nga nna, Yehowa a n-gun hte mung, shi a Karai Kasang Yehowa mying ningsang a daru magam hte mung, shi a sagu hpung hpe bau nga na ra ai: shanhte mung grin nga na mara ai: kaning rai nme law, shi gaw, lamu ga htum hkra ya galu kaba wa na ra ai.

MIHKA 7:14

Hkarmela bum na maling dinggram e shi hkrai shanu nga ai, na a amyu ngu ai, sali wunli sagu hpung hpe, na a dawhkrawng hte rem u: Bashan hte Gilead mung na udat shara hta moi shawng e sha lu ai zawn, shanhte bai sha lu mu ga.

MAHTE 2:6

“Yuda mung na, nang Betlehem e, Yuda agyi ni hta, kaji htum nga ndai n rai; Nye a amyu Israela hpe woi rem nga na Du gaw, Nang kaw nna pru wa na ra ai, nga ai,” ngu nna shi hpe tsun dan mu ai.

MAHTE 5:4

Yawn hkyen hkrum ai ni gaw, a lu ma ai; kaning rai nme law, shanhte shalan shabran ai hkrum na mara ai.

YAWHAN 10:11

Ngai gaw sagu rem wa kaja rai nngai: sagu rem wa kaja gaw, sagu ni a matu tinang a asak nawng ya kau lu ai.

YAWHAN 10:14

Ngai gaw sagu rem wa kaja rai nngai: nye Wa gaw ngai hpe chye ai rai nna, ngai mung Wa hpe chye nngai zawn,

YAWHAN 4:10

Shaloi Yesu gaw, Karai Kasang a kumhpa hte, “Ngai hpe ntsin jaw lu e, nga nna nang kaw hpyi ai wa hpe, nang chye wu taw gaw, nang shi kaw hpyi nna, shi gaw nang hpe hkrung ai ntsin jaw na nit dai,” ngu nna shi hpe htan wu ai.

YAWHAN 4:11

Dai numsha mung, “Madu e, nang ntsin ja na rai hpa mung n lu ndai, hka htung mung sung nga ai; dai re ai majaw dai hkrung ai ntsin gaw, nang kanang na lu n ta?

YAWHAN 4:14

dai ngai jaw ai ntsin gaw, dai wa hta htani htana asak a matu lwi pru ai hka hpawk tai na ra ai,” ngu nna shi hpe htan wu ai.

KASA 20:28

Karai Kasang gaw shi a sai hte mari la ai Hpung hpe yu lahku na matu, Chyoi pra ai Wenyi nanhte hpe Hpung up ni shatai manit dai majaw, nanhte gaw, tinang hkum dai hte, sagu hpung ting hpe, sadi sahka hte yu nga mu law.

1 PETRU 5:2

nanhte hte rau rai nga ai Karai Kasang a sagu hpung hpe arem nga mu; adip ahkrip re ai hku zawn n nawn ai sha, dingsa myit hte galaw nga mu; nsan n seng ai amyat majaw n re ai sha, htauli htaula myit hte galaw mu;

SHINGRAN 14:4

Dai ni gaw numsha hte awu asin n rai yu ai ni rai nga ma ai; shanhte gaw hkawn jet zawn rai nga ma ai; shanhte gaw Sagu Kasha sa wa ai shara shagu de hkan nang ai ni rai nga ma ai; dai ni gaw, Karai Kasang a matu mung, Sagu Kasha a matu mung, shawng si ai asi tai mu ga nga, shinggyim masha ni hta na mari la ai ni rai nga ma ai:

SHINGRAN 21:22

Dai mare kata e nawku Htingnu ngai n mu nngai; kaning rai nme law, Chyahtum chyalai n-gun rawng ai Madu Karai Kasang hte Sagu Kasha gaw, dai mare a nawku Htingnu rai nga ai.

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.

SHINGRAN 21:4

shi gaw shanhte a myi hta na myi prwi pru mapru katsut kau ya na ra ai: htawm hpang e si hkrung si htan n nga lu na sai; sharung shayawt ai, hkrap ngu hkrap ngoi ai, hki si ba si ai mung, n nga lu na sai: shawng na lam nga manga hte gaw lai mat wa sai” nga nna tsun ai, ngai na nngai.

SHINGRAN 21:6

Dai hta kaga shi gaw, “Dai hte gaw ngut mat sai; ngai gaw Alhpa hte Omega, apawt ningshawng mung, ahpang jahtum mung, rai nga nngai: hpang kara ai wa hpe asak hka hpawk na ntsin, manu jahpu n hpyi ai sha, ngai jaw na we ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

SHINGRAN 4:11

Anhte a Madu Karai Kasang e, nga yawng nga pra hte hpe nang hpan tawn da nna, dai hte gaw na a myit ra ai hku jaw e tai ma ai hte hpan tawn da hkrum ma ai majaw, nang gaw hpung shingkang, arawng sadang hte hpung shingkang lu la na ging dan nga ndai law, nga nna shakawn na ma ai.

SHINGRAN 5:6

Shaloi, dai tingnyang hte dusat amyu mali a ka-ang e mung, dai salang ni a ka-ang e mung sat kau hkrum sai nsan ai Sagu Kasha langai mi tsap nga ai hpe, ngai mu nngai; dai Sagu Kasha gaw nrung sanit hte myi sanit tu nga ai; dai myi sanit gaw, dinghta ga ting hproi hkra shangun dat ai, Karai Kasang a wenyi sanit rai nga ai.