SHINGRAN 6:9 - Jinghpaw Hanson Version Bible

⁹ Bai, manga ngu na dazik hpe hpaw dat wu yang, Karai Kasang a mungga a majaw mung, tinang hkan nang ai sakse lam a majaw mung, sat kau hkrum ai ni a tsu ni hpe, dai tawn hkungri npu e, ngai mu nngai.

Jinghpaw Common Language Bible 2009

⁹ Bai, Sagu Kasha gaw, manga ngu na dazik hpe hpaw dat wu yang, Karai Kasang a mungga hkaw tsun ai majaw mung, kangka sadi dung ai hte sakse hkam ai majaw mung, sat kau hkrum ai ni a Wenyi ni hpe tawn hkungri a npu e, ngai mu nngai.

SHINGRAN 6:9 ပူးပေါင်းရင်းမြစ်များ

NINGPAWT NINGHPANG 4:10

Shaloi Yehowa gaw, “Nang hpa di nu ta? Nnau wa a asai nsen gaw ga de nna ngai hpe jahtau nga ai.

PRU MAT 29:12

Dai usu sai la nna tawn hkungri a nrung ni hta na a nrung ni hta chya nhtawm, dai ngam nga ai sai mahkra hpe gaw tawn hkungri a ninghpang e ru hkaw na rai wu ai.

JAW JAU 4:7

Bai hkinjawng wa gaw, dai sai hta na, shawa sum kata Yehowa a man na manam pyaw nat ai hkungri a nrung ni hta chya na rai wu ai: ngam ai asai yawng hpe gaw, shawa sum chyinghka ang na wan nat hkungri a lagaw ninghpang e ru hkaw na rai wu ai.

YAWHAN 16:2

Shanhte gaw tara jawng ni hta nna, nanhte hpe shapraw kau na mara ai: gaja wa nan, nanhte hpe sat kau lu ai wa kadai mung, Karai Kasang a magam hpe gun hpai nngai, nga nna myit la ai aten du wa ra ai.

2 KORINHTU 5:8

gaja wa anhte myit kaba nga ga ai rai nna, dai hkumhkrang hta n shanu ai sha, dai Madu kaw shanu lu u ga anhte grau nna ra nga ga ai.

HPILIPI 1:23

Lam lahkawng a hpatwat e ngai rai nga nngai: lai nna Hkristu hte rau nga na, ngai ra nga nngai: dai gaw grau kaja nga ai;

HPILIPI 2:17

Dai hta n-ga nanhte a makam masham a hkungga hte daw jau ai a ntsa e, ngai hpe dumhpung zawn ru jaw ma timung, ngai kabu nga nna, nanhte mahkra hte rau a kabu nga nngai.

2 TIMOHTI 1:8

Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

2 TIMOHTI 4:6

Kaning rai nme law, ya e pyi hkungga zawn nawng kau ai ngai hkrum nna, ngai pru lai mat wa na aten du magang ra ai.

HEBRE 12:23

sumsing lamu na jahpan hta lawm ai shawa zuphpawng hte kasha alat ni a Hpung de mung, yawng mayawng a tara agyi wa Karai Kasang hpang de mung, jahkum shatsup hkrum sai dinghpring ai ni a wenyi ni hpang de mung,

SHINGRAN 1:2

Yawhan mung, Karai Kasang a mungga hte, Yesu Hkristu hte seng ai sakse a lam mu mamu hte hpe sakse hkam ya wu ai.

SHINGRAN 1:9

Yesu a nni nkri hta mung, mungdan hta mung, hkam sharang ai hta mung nanhte a kanawn manang rai nga ai, nanhte a hpunau wa, ngai Yawhan gaw, Karai Kasang a mungga hte Yesu a sakse majaw, Patmu ngu ai zunlawng hta nga nga nngai.

SHINGRAN 14:18

Bai, wan hpe up ai ahkang lu ai lamu kasa kaga gaw, tawn hkungri de na pru nna, dai ai nhkyau lang ai wa hpe nsen kaba hte jahtau let, Na a dai ai nhkyau dat dat nna, aga na tsabyi ru a asi sumbaw hpe gadoi shingkyin la u; de a tsabyi si myin sai, ngu wu ai.

SHINGRAN 16:7

Bai, dai tawn hkungri na mung, “Rai sa, Chyahtum chyalai n-gun rawng ai Madu Karai Kasang e, na a jeyang ai lam ni gaw tengman ai hte dinghpring nga lit dai law,” nga nna tsun ai, ngai na nngai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

SHINGRAN 20:4

Bai, magam tingnyang ni ngai mu nngai: dai tingnyang ni hta dung nga ai ni gaw tara dara na ahkang lu ma ai: dai hta kaga, Yesu a lam sakse hkam ai majaw mung, Karai Kasang a mungga majaw mung htau sat kau hkrum ai ni hte, dai matse labye hpe mung, shi a hkrang sumla hpe mung n naw n ku ai hte, shi a masat dingsat hpe tinang a lahtan hte lata hta n hkam la ai ni a tsu ni hpe, ngai mu nngai: shanhte gaw hkrung nga let, shaning hkying mi tup Hkristu hte rau up nga ma ai:

SHINGRAN 8:3

Bai, manam pyaw ai baw nat ai n-gawt lang ai lamu kasa kaga, dai tawn hkungri makau e sa tsap nga ai; dai tingnyang man e nga ai aja hkungri ntsa e, chyoi pra ai ni yawng hte a akyu hpyi ai ga hte rau nawng jau u ga nga, manam pyaw ai baw law law dai wa hpe ya wu ai.

SHINGRAN 9:13

Bai, kru ngu na lamu kasa pahtau dum dat wu ai; shaloi, Karai Kasang a man e nga ai aja hkungri a nrung ni hta na nsen langai mi pru nna.