SHINGRAN 6:14 - Jinghpaw Hanson Version Bible

¹⁴ sumsing lamu gaw katsu kau ai laika zawn htawt kau ai hkrum nna, bum ni hte zunlawng ni nlang hte mung, tinang a shara kaw nna sit kau ai hkrum ma ai.

Jinghpaw Common Language Bible 2009

¹⁴ Sumsing lamu gaw katsu kau ai laika shabawn zawn, mat mat wa nna, bum ni hte zunlawng ni nga manga hte mung, tinang a shara hta na sit kau ai hkrum ma ai.

SHINGRAN 6:14 ပူးပေါင်းရင်းမြစ်များ

SHAKAWN KUNGDAWN 102:26

Dai ni hten wa ma timung, nang agrin nga ndai; Yawng gaw hpun nba zawn dingsa mat ma ai; Nang dai hte hpe nba zawn galai kau nna, Dai ni galai mat ma ai.

ESAIA 34:4

Sumsing lamu na wunawng wuwa ni yawng, hten mat nna, sumsing lamu gaw laika katsu zawn katsu mat na ra ai; de a wunawng wuwa ni yawng tsabyi ru, lap nyui mat ai hte, lakum lap ru hkrat ai zawn, run hkrat mat na mara ai.

ESAIA 54:10

Bum ni sit wa nna, kawng ni htawt mat lu timung, nye a n-gaw nwai ai myit nang kaw na sit lu na n rai, nye a ngwipyaw ai ga shaka hpe mung, dawm la lu na n rai, nga nna nang hpe matsan dum ai Yehowa tsun nga ai.

YEREMIA 3:23

Gaja wa, kawng ni hte bum ni a wu ngoi ai gaw, kaman lila rai nga ai: gaja wa, anhte a Karai Kasang Yehowa gaw, Israela amyu hpe hkye hkrang la ai lam rai nga ai.

YEREMIA 51:25

Yehowa ning nga ai: jahten shabyak myit rawng nna, lamu ga ting hpe jahten shabyak ai bum e, yu u, ngai nang hpe hkap daw na nngai; ngai gaw, nye a lata na a ntsa e ladawn let, lunghkrung kaw nna, nang hpe galau jahkrat kau nna, hkru hkat mat ai bum nang hpe shatai na ndai.

EZEKELA 38:20

nammukdara nga ni, ntsa malen u ni, nam na ashu ashan ni, ga ntsa e gumrawt hkawm ai baw amyu myu hte, ga ntsa e nga ai masha yawng mayawng hte gaw, nye a man e gari awam na mara ai: bum ni gaw gyi mat nna, hkaraw nhkap ni ru hkrat wa ai hte, bunghku ni yawng kadawng mat na mara ai.

NAHUM 1:5

Shi a majaw bum ni ashun awam nna, kawng ni byawng mat nga ai; lamu ga gaw, gaja wa, mungkan ga hte dai hta nga manga yawng, shi a man e shamu nga ma ai.

HABAKU 3:10

Bum ni nang hpe mu nna, hkrit gari nga ma ai; Hka hpungla ni lai mat wa ai; Sung htum ai shara gaw wu kadu let, Tinang a lata hpe ladawn nga ai.

HABAKU 3:6

Shi tsap nna, lamu ga hpe shadawn wu ai; Shi mada yu nna, maigan amyu ni hpe shabra nu ai: Dinggrin anga nga ai bum ni gaw, ayai mat wa ai; Htani htana kawng ni gaw, gum dagup nga ma ai: Moi chyaloi nhkoi na zawn, shi bai pru nga ai.

2 PETRU 3:10

Dai Madu a nhtoi chyawm gaw, lagu lagut zawn du na ra ai; dai nhtoi hta e sumsing lamu ni kadu ai nsen hte lai mat wa nna, arai guji guyang ni, kahtet lai ai hte krawp ayai mat wa nna, aga hte dai hta e nga ai yawng mayawng hte gaw, hkru hkat mat na ra ai.

SHINGRAN 16:20

Zunlawng ni yawng hprawng mat nna, bum ni mung n nga mat ma ai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.

SHINGRAN 21:1

Shaloi, sumsing lamu ningnan, ginding aga ningnan, ngai mu nngai; shawng na lamu hte shawng na aga gaw lai mat wa sai: nammukdara mung dai kaw nna n nga sai.