SHINGRAN 6:12 - Jinghpaw Hanson Version Bible

¹² Bai, kru ngu na dazik hpe hpaw dat wu yang, ngai mu nngai gaw, nnang nawn kaba a nawn wa ai; ajan gaw amun chyang hte da ai sumpan zawn asin amang nsan mat nna, shata hkum ting mung asai zawn san mat wa ai;

Jinghpaw Common Language Bible 2009

¹² Bai, Sagu Kasha gaw kru ngu na dazik hpe hpaw dat ai hpe ngai mu nngai. Shaloi nnang nawn grai ja hkra nawn wa nna, jan gaw ahtat awat re ai buri sumpan chyang zawn chyang mat nna, shata hkum ting mung, asai zawn hkyeng mat ai.

SHINGRAN 6:12 ပူးပေါင်းရင်းမြစ်များ

ESAIA 24:23

Dai shaloi e shata gaw mak mat nna, ajan gaw kaya kahpa hkrum na ra ai; kaning rai nme law, Zaw nawng zaw wa up ai Yehowa gaw Ziun bum ntsa Yerusalem mare hta up nga nna, shi a salang ni a man e arawng sadang dan hkung nga na ra ai.

ESAIA 29:6

Zaw nawng zaw wa up ai Yehowa gaw, mu ngoi ai, nnang nawn nawn ai, wu kadu ai nsen hte rau, nbung laru, marang mawru, hkru kau ai wan shinglet hte, dai mare hpe kawan katsan yu na ra ai.

ESAIA 34:4

Sumsing lamu na wunawng wuwa ni yawng, hten mat nna, sumsing lamu gaw laika katsu zawn katsu mat na ra ai; de a wunawng wuwa ni yawng tsabyi ru, lap nyui mat ai hte, lakum lap ru hkrat ai zawn, run hkrat mat na mara ai.

ESAIA 50:3

Ngai gaw sumsing lamu hpe chyang ai hpun nba hte jahpun nna, lachyit sumpan hte htinggrum nngai.

YOELA 2:10

Dai ni a man e lamu ga ashun awam nga ai; sumsing lamu ni gari nga ai; ajan hte shata sin mat nna, shagan ni a nhtoi mat ma ai:

YOELA 3:15

Ajan hte shata sin mat nna, shagan ni n htoi mat ma ai.

AMO LAIKA (AMOS) 1:1

Yuda hkawhkam Uzia hte, Israela hkawhkam Yosha a kasha Yeroboam a lakhtak e, dai nnang nawn garai n nawn yang, ni ning a shawng e, sagu rem ai ni hta lawm ai, Tekoa masha Amo gaw, Israela hpe lakap nna mu ai mungga, da ndai rai nga ai.

AMO LAIKA (AMOS) 8:9

Madu Yehowa ning nga ai: Dai aten hta, ngai gaw, shani ka-ang e jan shang shangun nna, lamu san ai shani hta mungkan ga hpe jasin kau na nngai.

ZEHKARIA 14:5

Shing rai nanhte gaw, nye a bum yan a lapran kadit lam hku hprawng wa na marin dai; kaning rai nme law, dai bum lapran a kadit gaw, Azela shara du hkra dam na ra ai: gaja wa, Yuda hkawhkam Uzia lakhtak e, dai nnang nawn majaw, nanhte hprawng gat ai hte maren, bai hprawng gat na marin dai; nye a Karai Kasang Yehowa gaw sa du nna, chyoi pra ai ni yawng shi hte rau lawm na mara ai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Kaning rai nme law, nan hta dan ai magam bungli ni hpe, Turu hte Sidun mare yan hta dan yu taw gaw, dai yan gaw moi moi e nan lachyit nba hte dap hta e, myit malai lu boi na masai.

MAHTE 24:29

Bai, dai nhtoi ni a ru tsang ai hpang jang jan gaw nip mat wa nna, shata mung n htoi mat na ra ai; shagan ni mung, lamu de na di hkrat mat nna, sumsing lamu a atsam ni gaw gari wa na mara ai.

MAHTE 24:7

Bai, amyu mi hte amyu mi, mung mi hte mung mi shada da gumlau hkat na mara ai: hku hku ai hte nnang nawn, shara kaga kaga hta e byin wa na ra ai:

MAHTE 27:45

Ya, ahkying kru kaw nna, ahkying jahku du hkra, mung ting hta e nsin chyip rai mat ai.

MAHTE 27:54

Ya hpyen latsa up ai bu hte shi hte rau Yesu hpe sin nga ai ni, dai nnang nawn hte byin mabyin ni hpe mu mu yang shanhte hkrit kahpra nna, Gaja wa, ndai wa gaw Karai Kasang a Kasha nan rai nga ai, nga ma ai.

MAHTE 28:2

Shaloi, yu mu, nnang nawn kaba nawn wa ai: kaning rai nme law, dai Madu a lamu kasa langai mi, lamu de na yu hkrat wa nna dai nlung hpe sa galau kau nhtawm, dai hta e dung nga ai.

MARKU 15:33

Ya ahkying kru du yang, dai kaw nna ahkying jahku du hkra, mung ting hta e nsin chyip rai mat ai.

SHINGRAN 11:13

Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.

SHINGRAN 16:18

dai hta kaga, myihprap kala ai, nsen kadu ai hte mu ngoi ai byin wa ai; nnang nawn kaba mung byin wa ai; ga ntsa e masha nnan lat kaw nna dai zawn kaba ai hte ja la ai nnang nawn gaw, galoi mung n byin yu ai.

SHINGRAN 16:8

Bai, mali ngu na wa shi a gawm ajan hta ru bun dat wu ai: shaloi jan gaw masha ni hpe wan hte jahkat na ahkang lu la wu ai.

SHINGRAN 8:12

Bai, mali ngu na lamu kasa pahtau dum dat wu ai: shaloi lamu a nhtoi hkum ni hta na htam masum hta na htammi sin mak mat nna, shani daw masum hta na daw mi nhtoi n htoi lu na hte, shana mung dai hte maren rai mat wa na matu, ajan gaw daw masum hta na daw mi, shata gaw daw masum hta na daw mi, shagan ni mung htam masum hta na htammi grawp nip mat wa ai.

SHINGRAN 8:5

Bai, dai lamu kasa gaw dai n-gawt hpe la nna, tawn hkungri na wan jahpring la ngut jang, mungkan ga ntsa de dai hpe jahkrat dat wu ai: shaloi mu ngoi ai, wu kadu ai nsen, myihprap kala ai hte nnang nawn byin pru wa ai.