SHINGRAN 5:8 - Jinghpaw Hanson Version Bible

⁸ Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai; shanhte langai hte langai tingse hte chyoi pra ai ni a akyu hpyi ai ga ngu ai manam pyaw ai baw hte hpring chyat nga ai ja gawm lang nga ma ai:

Jinghpaw Common Language Bible 2009

⁸ Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.

SHINGRAN 5:8 ပူးပေါင်းရင်းမြစ်များ

SHAKAWN KUNGDAWN 141:2

Ngai akyu hpyi ai ga, na a man e, manam pyaw ai baw zawn, Ngai lata ladawn ai gaw, shana na hkungga zawn, rai nga u ga.

SHAKAWN KUNGDAWN 150:3

Pahtau a ngoi ai mahku hte, Shi hpe shakawn kungdawn mu; Tingse hte madum pyiman hte, Shi hpe shakawn kungdawn mu.

SHAKAWN KUNGDAWN 33:2

Tingse dum let Yehowa a chyeju shakawn mu, Sumri shi rawng ai duria hte shi a matu dum mu.

SHAKAWN KUNGDAWN 43:4

Shaloi Karai Kasang a tawn hkungri hte, Ngai nachying sharawng awng ai Karai Wa kaw, ngai shang wa nna, Karai Kasang e, nye a Karai Kasang e, Tingse hte nang hpe mahkawn mangoi na nngai.

SHAKAWN KUNGDAWN 81:2

Mahkawn mangoi nna, shupsheng dum mu, Pyaw ai tingse hte doria hpe dum mu.

BU HKAWM 7:62

shekela shi li ai ja chyaw langai mi hte, dai hta jahpring dat ai manam pyaw ai baw;

YAWHAN 1:29

Hpang shani e Yawhan gaw, shi hpang de Yesu sa wa ai hpe, hkap mu wu yang, “Mungkan ga a yubak gun la kau ya ai, Karai Kasang a Sagu Kasha hpe yu yu mu!

YAWHAN 5:23

Kasha wa hpe n hkungga ai wa gaw, shi e shangun dat ai Kawa hpe mung n hkungga ai rai nga ai.

HEBRE 1:6

Dai hta kaga, dai Kasha alat hpe mungkan ga de bai jashawn dat ai shaloi e, “Karai Kasang a lamu kasa ni yawng shi hpe nawku mu ga,” nga dat ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.

SHINGRAN 15:2

Bai, wan hte kayau ai pat nawng zawn re ai, ngai mu nngai: dai matse labye hte shi a hkrang sumla kaw na mung, shi amying a nambat kaw na mung, dang pru wa ai ni gaw, Karai Kasang a tingse lang let, dai pat nawng makau e tsap nga ma ai.

SHINGRAN 15:7

Bai, dai dusat amyu mali hta na langai mi gaw, htani htana prat dingsa ahkrung nga ai Karai Kasang a sindawng kahtet ai hte hpring chyat re ai gawm sanit, dai lamu kasa sanit hte hpe ya mu ai.

SHINGRAN 19:4

Shaloi dai salang hkun mali hte dai dusat amyu mali hte gaw, dingnyawm dagup nna, tingnyang hta dung nga ai Karai Kasang hpe nawku let, “Amen, Haleluya,” nga ma ai.

SHINGRAN 4:10

dai salang hkun mali mung, tingnyang hta dung nga ai wa a man e dingnyawm nna, htani htana prat dingsa ahkrung nga ai wa hpe nawku let, dai tingnyang man e tinang ni a ja janmau ni hpe raw tawn da nna,

SHINGRAN 4:4

Dai tingnyang grup yin e tingnyang hkun mali naw nga nga ai; dai tingnyang ni hta hpraw ai hpun palawng bu hpun nna, baw hta ja janmau gup ai salang hkun mali grup rai dung nga ma ai.

SHINGRAN 4:6

bai, dai tingnyang man e, pat seng nsan ai nawng ing nga ai; dai tingnyang a kata e mung, grup yin e mung, shingdu aman grup ting myi tu ai dusat amyu mali nga nga ma ai.

SHINGRAN 4:8

Dai dusat amyu mali gaw singkaw kru hpra hpra tu nna, hkum grup e mung, kata e mung, myi hkrai pri rai nga ai: shanhte gaw shani shana n sim n na, ning nga, Moi na aprat e, ya na aprat e, htawm hpang na aprat e dinggrin anga nga ai, Chyahtum chyalai n-gun rawng ai Madu Karai Kasang gaw, chyoi pra, chyoi pra, chyoi pra a rai nga ai law, nga nna tsun nga ma ai.

SHINGRAN 5:11

Dai shaloi ngai yu yang, tingnyang grup yin e, lamu kasa ga daga hte, dusat amyu mali hte salang ni a nsen hpe ngai na nngai; dai ni gaw mun mi lang mun mi, hkying mi lang hkying mi law nga ma ai rai nna,

SHINGRAN 5:12

shanhte gaw Sat kau hkrum ai Sagu Kasha gaw, hpung shingkang, sutgan, hpaji byeng-ya, n-gun lagaw, arawng sadang, hpung shingkang hte shakawn kungdawn ai hpe hkam la na, ging dan nga ai law, nga nna nsen kaba hte tsun shakawn nga ma ai.

SHINGRAN 5:14

Shaloi dai dusat amyu mali gaw, Amen, nga ma ai; salang ni mung dingnyawm nna nawku ma ai.

SHINGRAN 5:6

Shaloi, dai tingnyang hte dusat amyu mali a ka-ang e mung, dai salang ni a ka-ang e mung sat kau hkrum sai nsan ai Sagu Kasha langai mi tsap nga ai hpe, ngai mu nngai; dai Sagu Kasha gaw nrung sanit hte myi sanit tu nga ai; dai myi sanit gaw, dinghta ga ting hproi hkra shangun dat ai, Karai Kasang a wenyi sanit rai nga ai.

SHINGRAN 6:1

Dai Sagu Kasha gaw, dazik sanit hta na langai mi hpaw dai ai shaloi, ngai hkan yu yang, dusat amyu mali hta na langai mi, mu ngoi ai nsen zawn nga ai hte, Sa rit, nga nna tsun ai gaw, ngai na nngai.