SHINGRAN 5:6 - Jinghpaw Hanson Version Bible

⁶ Shaloi, dai tingnyang hte dusat amyu mali a ka-ang e mung, dai salang ni a ka-ang e mung sat kau hkrum sai nsan ai Sagu Kasha langai mi tsap nga ai hpe, ngai mu nngai; dai Sagu Kasha gaw nrung sanit hte myi sanit tu nga ai; dai myi sanit gaw, dinghta ga ting hproi hkra shangun dat ai, Karai Kasang a wenyi sanit rai nga ai.

Jinghpaw Common Language Bible 2009

⁶ Shaloi, Sagu Kasha langai mi gaw, hkrung ai dusat amyu mali hte salang ni shinggrup tawn ai tingnyang a ka-ang e tsap nga ai hpe ngai mu nngai. Shi gaw hkungga nawng na matu sat kau hkrum sai Sagu Kasha hte bung nga ai. Shi hta nrung sanit hte myi sanit tu nga ai. Shanhte gaw dinghta ga hproi hkra shangun dat hkrum ai Karai Kasang a Wenyi sanit hte rai nga ma ai.

SHINGRAN 5:6 ပူးပေါင်းရင်းမြစ်များ

2 HKAWHKAM LABAU 16:9

Kaning rai nme law, Yehowa gaw, dinghpring ai ni a matu, ngang ai shingbyi shara tai na nga, shi a myi mungkan ting hproi hkra mada yu nga ai: nang chyawm gaw ndai lan hta ngawk ai hku galaw kau nu ai; dai majaw ya kaw nna hpyen majan a pru nga na sai, ngu wu ai.

Daniela 7:14

Masha amyu baw shagu hte, ga amyu myu tsun ai ni yawng, shi hpe daw jau na matu, up ai ahkang aya, hpung shingkang hte mungdan, shi hpe ap ya wu ai: shi a up hkang ai gaw n htum n wai, htani htana prat dingsa up hkang ai lam rai nga nna, shi a mungdan gaw hten byak lu ai mungdan n rai.”

Daniela 8:3

Shaloi ngai dap mada yu yang, yu u, nrung lahkawng tu ai sagu la langai mi, dai hka kau e tsap nga ai; dai nrung lahkawng galu nga timung, langai mi grau galu nna, dai gaw hpang e tu ai nrung rai nga ai.

MIHKA 4:13

Ziun shayi sha e, rawt nna kabye u; na a nrung hpe, hpri, na lahkru hpe, magri, ngai shatai nna, nang gaw amyu baw law law hpe dup mani kau na mu ai: shanhte a sutgan hpe Yehowa a matu, shanhte a arung arai hpe, ginding aga ting a Madu ngu ai wa a matu, ngai majai kau na nngai.

HABAKU 3:4

Shi a ahpraw nsam gaw, ahtoi zawn rai nga ai; Shi a lata na, jan lagaw htoi pru nna, Shi a hpung shingkang, de a npu e shanu nga ai.

ZEHKARIA 3:9

Yoshua man e ngai shadun da ai nlung hpe mada yu mu; nlung langai mi hta myi sanit tu nga ai; yu u, dai hta tawk ang ai hpe ngai tawk ka da nna, lani mi hta sha dai mungdan a shut ai mara hpe, htawm kau na nngai,’ nga nna Zaw nawng zaw wa up ai Yehowa tsun ai.

ZEHKARIA 4:10

Kaning rai nme law, amu kaji shabyin ai nhtoi hta, n kaw n law di ai, kadai wa rai ta? Zerubabela lata hta dai shadawn sumri lang nga ai hpe, shanhte mu jang, ndai sanit kabu na mara ai; dai pyengdin sanit chyawm gaw mungkan ting hta hproi gat ai Yehowa a myi rai nga ai, nga ai.”

BU HKAWM 7:39

wan nat hkungga matu usu uram langai mi, sagu la langai mi, ladu hkrum ai sagu la kasha langai mi;

BU HKAWM 7:57

wan nat hkungga matu usu uram langai mi, sagu la langai mi, ladu hkrum ai sagu la kasha langai mi;

LUKA 1:69

Chyaloi nhkoi nna shi a chyoi pra ai myihtoi ni a n-gup hte tsun da ai hte maren, Gumlau ni hte n dawng ai ni yawng a lata na hkye hkrang la ai lam hpaw na hte,

YAWHAN 1:29

Hpang shani e Yawhan gaw, shi hpang de Yesu sa wa ai hpe, hkap mu wu yang, “Mungkan ga a yubak gun la kau ya ai, Karai Kasang a Sagu Kasha hpe yu yu mu!

YAWHAN 1:36

Yesu lai sa wa nga yang, Yawhan gaw shi hpe mada yu nna, “Karai Kasang a Sagu Kasha hpe yu yu mu!” ngu mu ai.

KASA 8:32

Shi hti ai laika a ga gaw ndai rai nga ai, “Sat na matu sagu hpe zawn, shi hpe dun sa wa nu ai; Sagu kasha gaw mun rep ai wa a man e atsin sha nga ai zawn, Shi mung n shaga ai sha nga ai.

SHINGRAN 1:4

Ngai Yawhan gaw, Asia mung e nga ai Hpung sanit hte hpe, ga shana dat nngai; ndai aprat e, moi na aprat e anga nga nna, htawm hpang e du na ra ai wa kaw nna mung; shi a tingnyang man e nga ai wenyi sanit kaw nna mung;

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.

SHINGRAN 14:1

Bai, yu u, dai Sagu Kasha gaw Ziun bum ntsa e tsap nga ai hpe ngai mu nngai; shi a amying hte shi Kawa a amying tinang a lahtan hta ka kap ai masha sen mi mun mali e hkying mali mung, shi hte rau tsap nga ma ai.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

SHINGRAN 21:22

Dai mare kata e nawku Htingnu ngai n mu nngai; kaning rai nme law, Chyahtum chyalai n-gun rawng ai Madu Karai Kasang hte Sagu Kasha gaw, dai mare a nawku Htingnu rai nga ai.

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

SHINGRAN 22:3

Dagam dala ngu ai hpa mung htawm hpang n nga na ra ai; Karai Kasang hte Sagu Kasha a tingnyang gaw, dai mare kata e anga nga na ra ai rai nna, shi a shangun ma ni shi hpe daw jau na mara ai:

SHINGRAN 4:8

Dai dusat amyu mali gaw singkaw kru hpra hpra tu nna, hkum grup e mung, kata e mung, myi hkrai pri rai nga ai: shanhte gaw shani shana n sim n na, ning nga, Moi na aprat e, ya na aprat e, htawm hpang na aprat e dinggrin anga nga ai, Chyahtum chyalai n-gun rawng ai Madu Karai Kasang gaw, chyoi pra, chyoi pra, chyoi pra a rai nga ai law, nga nna tsun nga ma ai.

SHINGRAN 5:11

Dai shaloi ngai yu yang, tingnyang grup yin e, lamu kasa ga daga hte, dusat amyu mali hte salang ni a nsen hpe ngai na nngai; dai ni gaw mun mi lang mun mi, hkying mi lang hkying mi law nga ma ai rai nna,

SHINGRAN 5:12

shanhte gaw Sat kau hkrum ai Sagu Kasha gaw, hpung shingkang, sutgan, hpaji byeng-ya, n-gun lagaw, arawng sadang, hpung shingkang hte shakawn kungdawn ai hpe hkam la na, ging dan nga ai law, nga nna nsen kaba hte tsun shakawn nga ma ai.

SHINGRAN 5:13

Dai hta n-ga, lamu lahta tang na mung, ginding aga ntsa na mung, aga lawu tsang na mung, nammukdara kata na mung, de a shara magup hkan e rawng nga ma ai hpan tawn da ai arai yawng mayawng hte gaw, Tingnyang hta dung nga ai wa hte, dai Sagu Kasha gaw, htani htana prat dingsa, shakawn kungdawn ai, arawng sadang, hpung shingkang hte daru magam, anga nga u ga law, nga nna shanhte tsun ma ai mung, ngai na nngai.

SHINGRAN 5:14

Shaloi dai dusat amyu mali gaw, Amen, nga ma ai; salang ni mung dingnyawm nna nawku ma ai.

SHINGRAN 6:16

bum ni hte lunghkrung ni hpe shaga nna, Anhte a ntsa e hkrat bun mi; tingnyang hta dung ai wa a myit man hte, Sagu Kasha a pawt bu ai hta na anhte hpe magap maga la mi;

1 SAMUELA 2:10

Yehowa hpe daw ai ni, agrawp kau ai hkrum na mu ai; shanhte a ntsa e mu shangoi dat na wu ai: Yehowa lamu ga htum hkra tara dara nna shi a hkawhkam wa hpe n-gun shaja na wu ai, Shi a Namman chya ai wa a nrung sharawt ya na wu ai,” nga nna shakawn wu ai.