SHINGRAN 5:5 - Jinghpaw Hanson Version Bible

⁵ Dai rai nna, salang ni hta na langai mi gaw, Hkum hkrap et; yu u, Yuda amyu hta na hkanghkyi ngu ai Dawi a aru madung gaw, dai laika hte de a dazik sanit hpe hpaw lu hkra dang kau nu ai, nga nna ngai hpe tsun dan nngai.

Jinghpaw Common Language Bible 2009

⁵ Dai rai nna, salang ni hta na langai mi gaw, “Hkum hkrap et. Yu u! Yuda amyu hta na hkanghkyi ngu ai Dawi a amyu kaba matu mara gaw, awng padang lu nna dai dazik sanit hpe gaw kau nna laika shabawn hpe hpaw lu sai,” nga nna tsun ai.

SHINGRAN 5:5 ပူးပေါင်းရင်းမြစ်များ

1 HKAWHKAM 10:20

N-gum kru a maga mi hte maga mi yawng hpawn hkanghkyi shi lahkawng tsap nga ma ai: dai zawn re ai gaw gara mungdan hta mung n galaw yu ma ai.

2 HKAWHKAM LABAU 9:18

Tingnyang de lung wa na matu lakang n-gam kru rai nga nna, tingnyang hte matut ai lagaw kabye shara aja rai nga ai; dung shara maga mi hte maga mi de lata mara shara rawng nna, de a makau e hkanghkyi lahkawng tsap nga ma ai.

YOBA 41:15

Ngang ngang la da nna, dazik hte tawk da ai zawn, shi a hkum sep n-gang ni, shi a gumrawng shara rai nga ai.

ESAIA 11:1

Rai timung, Yese amyu a ndu hta nnaw rawt nna, shi a aru ni hta na makrung gaw, asi si na ra ai.

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

YEREMIA 31:16

Bai Yehowa ning nga ai: Nang hkrap ai nsen ngap u; myi prwi hkum pru et; nang galaw ai amu hte maren shabrai hkam la na rin dai; na nsha ni gaw hpyen ni a mung na, bai nhtang wa na mara ai.

Daniela 7:16

Shing rai makau e tsap nga ai ni hta na langai mi hpang de ngai sit sa nna, ‘Ndai lam yawng mayawng hpa nga ai rai ta?’ ngu nna san we yang, dai wa gaw,

BU HKAWM 24:9

Hkanghkyi hte hkanghkyi kanu zawn, shi hpum let gyem nga ai: Kadai wa shi hpe shatu wam na a ta? Nang hpe shaman ai wa gaw shaman chyeju lu la u ga, Nang hpe matsa ai wa gaw, matsa hkrum sha u ga,” nga ai.

LUKA 23:28

Yesu gaw shanhte hpang de kayin nna, “Yerusalem shayi sha ni e, nye a majaw hkum hkrap myit: nanhte hkum dai hte, nanhte a nshu nsha ni a matu hkrap nga mu:

LUKA 7:13

Madu gaw dai numsha hpe mu jang, shi hpe matsan yu dum nna, Hkum hkrap et, shi hpe ngu wu ai.

LUKA 8:52

Nlang hte gaw dai ma a majaw hkrap ngu hkrap ngoi nga nna sharung shayawt nga ma ai. Shi chyawm gaw, “Hkum hkrap myit, shi si ai n rai, yup pyaw nga ai,” ngu mu ai.

YAWHAN 20:13

Dai yan gaw, “Numsha e, hpa rai hkrap nga n ta?” ngu nna san mu ai: shi gaw, “Nye Madu hpe la mat wa nna, kanang tawn da ma ai mung, n chye nngai majaw rai nngai,” ngu nna shan hpe htan mu ai.

ROMA 1:3

Karai Kasang a tsawra ai ni hte, chyoi pra ai masha tai mu ga shaga tawn da ai, Roma mare na yawng hte hpe, ga shana dat nngai.

ROMA 15:12

Bai Esaia gaw, Yese kaw nna kying ai ru npawt hte, Maigan amyu ni hpe up na paw pru ai wa rai na ra ai: Dai wa hpe maigan amyu ni myit mada na mara ai,” nga ai.

HEBRE 7:14

Gaja wa, anhte a Madu, Yuda amyu hta na paw pru wa sai gaw, dan dan leng leng rai nga ai; dai amyu hpe hkinjawng aya a lam Mawshe gaw hpa mung n tsun da wu ai.

SHINGRAN 1:1

Da ndai gaw, ahkying ladaw gade n na yang, byin wa na ra ai lam ni hpe, Hkristu a shangun ma ni e madun dan na matu, Karai Kasang gaw dai Madu hpe jaw dat ai, Yesu Hkristu a shingran ga rai nga ai; dai Madu gaw shagun dat nna shi a lamu Kasa a lata hte shi a shangun ma Yawhan hpe dai shingran ga shadan dan wu ai:

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”

SHINGRAN 3:21

Ngai dang lu nna, nye Wa a tingnyang e shi hte rau dung nga lu ai zawn, dang lu ai wa gaw, nye a tingnyang e ngai hte rau dung nga lu na ahkang, ngai jaw na we ai.

SHINGRAN 4:10

dai salang hkun mali mung, tingnyang hta dung nga ai wa a man e dingnyawm nna, htani htana prat dingsa ahkrung nga ai wa hpe nawku let, dai tingnyang man e tinang ni a ja janmau ni hpe raw tawn da nna,

SHINGRAN 4:4

Dai tingnyang grup yin e tingnyang hkun mali naw nga nga ai; dai tingnyang ni hta hpraw ai hpun palawng bu hpun nna, baw hta ja janmau gup ai salang hkun mali grup rai dung nga ma ai.

SHINGRAN 5:4

Dai laika hpaw nna dai hpe yu ging ai wa langai mi mung n mu tam ai majaw, ngai grai wa hkrap nngai.

SHINGRAN 6:1

Dai Sagu Kasha gaw, dazik sanit hta na langai mi hpaw dai ai shaloi, ngai hkan yu yang, dusat amyu mali hta na langai mi, mu ngoi ai nsen zawn nga ai hte, Sa rit, nga nna tsun ai gaw, ngai na nngai.

SHINGRAN 7:13

Shaloi salang ni hta na langai mi, Hpun palawng ahpraw bu hpun ai, ndai ni gaw, kadai ni rai nga ma ta? kanang nna pru wa ma ta? nga nna ngai hpe hkap san nngai.