SHINGRAN 4:9 - Jinghpaw Hanson Version Bible

⁹ Dai dusat amyu mali gaw, tingnyang hta dung ai htani htana prat dingsa ahkrung nga ai wa kaw, hpung shingkang, arawng sadang hte chyeju jaw ma ai shaloi e,

Jinghpaw Common Language Bible 2009

⁹ Dai dusat mali gaw, tingnyang hta dung nga nna htani htana prat dingsa asak hkrung nga ai Madu a hpung shingkang arawng sadang hte chyeju hpe mahkawn shakawn ai shaloi,

SHINGRAN 4:9 ပူးပေါင်းရင်းမြစ်များ

SHAKAWN KUNGDAWN 47:8

Karai Kasang gaw masha amyu ni hpe up nga ai, Karai Kasang gaw shi a chyoi pra ai tingnyang hta dung nga ai.

SHAKAWN KUNGDAWN 48:14

Kaning rai nme law, dai Karai Kasang gaw, Htani htana e anhte a Karai Kasang rai nga ai: Si hkra shi anhte hpe woi wa na mi ai law.

PRU MAT 15:18

Yehowa gaw htani htana prat dingsa a up nga na ra ai, nga ma ai.

ESAIA 6:1

Hkawhkam Uzia si ai shaning hta, Madu gaw, galu kaba nna tsaw htum ai tingnyang hta dung nga ai hpe ngai mu nngai; shi lawai ai hpun nba gaw nawku Htingnu ting hpring nga ai.

Daniela 12:7

Shaloi, ‘Dai gaw aten mi, aten lahkawng hte aten chyen mi na na ra ai; dai chyoi pra ai amyu a n-gun atsam hpe agrawp daw kau ngut jang, ndai amu yawng ngut wa na ra ai,’ nga nna lachyit nba bu hpun let hka ntsa e tsap nga ai wa gaw, sumsing lamu de hkra lata pai lata sharawt nna, htani htana ahkrung nga ai wa a amying gang let, dagam nga ai hpe, ngai na nngai.

Daniela 4:34

Ya dai aten ladaw gu jang, ngai Nebuhkadneza gaw, sumsing lamu de mada yu nna, nye a myit bai gring wa li ai: shing rai Tsaw Htum ai Wa hpe ngai shagrau sha-a nna, dinggrin ahkrung nga ai wa hpe shakawn nna hkungga lara nngai: shi a up hkang ai gaw, htani htana up hkang ai lam rai nga ai, shi a mungdan gaw, prat mi hte prat mi agrin nga ai;

TARA JAHPRANG 32:40

Sumsing lamu de nye a lata ngai ladawn nna, Htani htana ahkrung nga ai wa ngai rai nga nngai hte maren:

HEBRE 7:25

Dai rai nna, shi gaw shinggyim masha ni a matu mara tawngban ya nga na, tutnawng e ahkrung nga ai majaw, shi a marang e Karai Kasang kaw sit shang wa ai ni hpe hkum tsup wa hkra, mawai la lu na atsam, shi lu nga ai.

HEBRE 7:8

Nang e gaw, si chye ai ni htamshi hta htammi, hkam la ma ai; wonang chyawm gaw, sakse nga ai hte maren ahkrung nga ai wa gaw, hkam la nu ai.

SHINGRAN 1:18

ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.

SHINGRAN 10:6

sumsing lamu hte dai hta e nga ai, ginding aga hte dai hta e nga ai, nammukdara hte dai hta e rawng ai hte hpe hpan tawn da nna htani htana prat dingsa ahkrung nga ai wa hpe gang nna dagam wu ai gaw, Ahkying ladaw ngu ai n nga na sai;

SHINGRAN 15:7

Bai, dai dusat amyu mali hta na langai mi gaw, htani htana prat dingsa ahkrung nga ai Karai Kasang a sindawng kahtet ai hte hpring chyat re ai gawm sanit, dai lamu kasa sanit hte hpe ya mu ai.

SHINGRAN 21:5

Dai tingnyang hta dung nga ai wa mung, “Yu u, arai yawng mayawng hpe ngai ningnan bai gaw da nngai,” nga nna tsun ai. Bai shi gaw, “Ka da u; ndai ga gaw kangka re ai ga, tengman ai ga rai nga ai,” nga nna tsun ai.

SHINGRAN 4:2

Dai hte tsun ngut ai shaloi jang, wenyi hta ngai nawng mat wa nngai; shaloi, yu u, sumsing lamu hta e tingnyang dung nga ai rai nna, dai tingnyang hta marai langai mi dung nga ai.

SHINGRAN 4:8

Dai dusat amyu mali gaw singkaw kru hpra hpra tu nna, hkum grup e mung, kata e mung, myi hkrai pri rai nga ai: shanhte gaw shani shana n sim n na, ning nga, Moi na aprat e, ya na aprat e, htawm hpang na aprat e dinggrin anga nga ai, Chyahtum chyalai n-gun rawng ai Madu Karai Kasang gaw, chyoi pra, chyoi pra, chyoi pra a rai nga ai law, nga nna tsun nga ma ai.

SHINGRAN 5:1

Bai, tingnyang hta dung nga ai wa a hkra lata hta, kata e mung ntsa e mung ka da nna, dazik sanit hte shakap da sai laika shabawn hpe ngai mu nngai.

SHINGRAN 6:16

bum ni hte lunghkrung ni hpe shaga nna, Anhte a ntsa e hkrat bun mi; tingnyang hta dung ai wa a myit man hte, Sagu Kasha a pawt bu ai hta na anhte hpe magap maga la mi;

SHINGRAN 7:15

Dai re ai majaw, shanhte gaw Karai Kasang a tingnyang man e ningngai nga lu ma ai hte, shi a nawku Htingnu hta shani shana shi hpe daw jau nga ma ai: tingnyang hta dung ai wa mung, shanhte a ntsa e shi a sum hpyan ka-up na ra ai.