SHINGRAN 4:7 - Jinghpaw Hanson Version Bible

⁷ Langai ngu na dusat amyu gaw, hkanghkyi hte bung nga ai; lahkawng ngu na dusat amyu gaw, dumsu kasha hte bung nga ai; masum ngu na dusat amyu gaw, shinggyim masha a myi man man nga ai; mali ngu na dusat amyu gaw, pyen nga ai langda hte bung nga ai.

Jinghpaw Common Language Bible 2009

⁷ Langai ngu na dusat amyu gaw, hkanghkyi hte bung nga ai; lahkawng ngu na dusat amyu gaw, dumsu usu hte bung nga ai; masum ngu na dusat amyu gaw, shinggyim masha a myiman hte bung nga ai; mali ngu na dusat amyu gaw, pyen nga ai langda hte bung nga ai.

SHINGRAN 4:7 ပူးပေါင်းရင်းမြစ်များ

NINGPAWT NINGHPANG 49:9

Yuda gaw hkanghkyi hkalung rai nga ai: Ngai sha e, htim sha ai kaw na nang lung wa wa rai ndai: Hkanghkyi hte hkanghkyi kanu zawn, shi hpum let gyem nga ai: shi hpe kadai wa shatu gwi na a ta?

2 SAMUELA 1:23

Shawlu yan Yonahtan, hkrung nga dingsa tsawra nja, Si wa sai mung n daw n hka; Shan gaw, wa hpai kalang hta grau laram, Hkanghkyi hta n-gun grau ningtsam rai ma ai.

GA SHAGAWP 28:2

Mung hten wa yang, du ni law ma ai; Myit gawp ai hte chye chyang ai wa a jaw e, mungdan grin nga lu ai.

ESAIA 40:31

Yehowa hpe ala nga ai ni chyawm gaw, n-gun lu la nna, kalang zawn singkaw nnan hte pyen lung na mara ai: shanhte gat timung, hki ba na n rai, hkawm timung, n-gun yawm na n rai.

EZEKELA 1:10

Dai mali gaw, myi man maga de, masha myi man, hkra maga de hkanghkyi myi man, pai maga de usu myi man tu nna, dai mali gaw langda myi man mung tu ma ai.

EZEKELA 1:8

Hkum man mali a singkaw npu e, masha lata tu nga ai; dai dusat mali a myi man hte singkaw ni gaw ning rai nga ai:

EZEKELA 10:14

Langai hte langai, myi man mali li tu nga ai; man mi gaw, Hkerub myi man; man mi gaw, masha myi man; man mi gaw hkanghkyi myi man; man mi gaw langda myi man, rai nga ai.

EZEKELA 10:21

Langai hte langai myi man mali li, singkaw mali li tu nna, singkaw npu e masha lata nsan ai tu ma ai.

Daniela 7:4

Shawng na dusat gaw, hkanghkyi hte bung nna, langda singkaw tu nga ai: ngai mada yu nga yang, shi a singkaw hpe baw kau nna, ga de na shalun la hkrum ai hte, masha zawn lagaw lahkawng hte tsap shangun nna, masha myit mung dai wa hpe bang ya nga ai.

OBEDIA 1:4

Langda hte maren nang tsaw nga nna, shagan ni a lapran e na a tsip tsip lu timung, dai kaw nna ngai nang hpe jahkrat kau na de ai, nga nna Yehowa tsun ai.

BU HKAWM 23:24

Yu u, dai amyu gaw hkanghkyi kanu zawn rawt na ra ai; Hkanghkyi zawn shingkang dat na ra ai: Htim la lu ai shan hpe garai n sha. Kawa tawn ai shan a sai garai n chyu lu lu gaw, shi hpum na ra ai n rai,” nga ai.

BU HKAWM 24:9

Hkanghkyi hte hkanghkyi kanu zawn, shi hpum let gyem nga ai: Kadai wa shi hpe shatu wam na a ta? Nang hpe shaman ai wa gaw shaman chyeju lu la u ga, Nang hpe matsa ai wa gaw, matsa hkrum sha u ga,” nga ai.

1 KORINHTU 14:20

Hpunau ni e, myit mang ai lam hta ma kaji hkum tai myit; n hkru n hkra ai lam hta she ma kaji tai nga mu; myit mang ai lam hta chyawm gaw, myit su ai ni tai nga mu.

TARA JAHPRANG 28:49

Yehowa gaw, kalang htim ai zawn larau ai masha amyu mi, tsan ai shara lamu ga htum na, nang hpang de sa gasat shangun na ra ai; dai amyu a shaga ai ga nang chye na na n rai:

SHINGRAN 4:6

bai, dai tingnyang man e, pat seng nsan ai nawng ing nga ai; dai tingnyang a kata e mung, grup yin e mung, shingdu aman grup ting myi tu ai dusat amyu mali nga nga ma ai.

SHINGRAN 6:3

Bai, lahkawng ngu na dazik hpe hpaw dat wu yang, lahkawng ngu na dusat amyu gaw, Sa rit, nga nna tsun ai, ngai na nngai.

SHINGRAN 6:5

Bai, masum ngu na dazik hpe hpaw dat wu yang, masum ngu na dusat amyu gaw, Sa rit, nga nna tsun ai, ngai na nngai. Shaloi ngai yu yang, yu u, gumra achyang nga nga ai; dai hta jawn ai wa gaw shi a lata hta joi lang nga ai rai nna,

SHINGRAN 6:7

Bai, mali ngu na dazik hpe hpaw dat wu yang, mali ngu na dusat amyu a nsen gaw, Sa rit, nga nna tsun ai, ngai na nngai.