SHINGRAN 4:5 - Jinghpaw Hanson Version Bible

⁵ Dai tingnyang kaw na myihprap gala ai, mahku ngoi ai nsen hte mu ngoi ai gaw, pru nga ai. Dai tingnyang a man e mung, Karai Kasang a wenyi sanit ngu ai, wan pyengdin sanit tu nga ai:

Jinghpaw Common Language Bible 2009

⁵ Dai tingnyang kaw nna myihprap gala ai, ngoi agung ai nsen, mu ngoi ai zawn nga ai nsen ni ngoi pru wa ai. Dai tingnyang a man e mung, Karai Kasang a Wenyi sanit ngu ai shachyi tawn da ai wan shadaw sanit htoi tu nga ai.

SHINGRAN 4:5 ပူးပေါင်းရင်းမြစ်များ

NINGPAWT NINGHPANG 15:7

Bai shi tsun wu ai gaw, “Ndai mung hpe na a Sali wunli shatai na matu jaw na nga nna, Hkaladea masha ni nga ai Ura mare kaw nna nang hpe shaga woi wa ai Yehowa gaw ngai rai nga nngai,” ngu wu ai.

2 HKAWHKAM LABAU 4:20

tara hte maten, shingran gawk man e shatu na matu, ja jet pyengdin shadun hte de a pyengdin ni,

SHAKAWN KUNGDAWN 68:35

Karai Kasang e, na a htingnu ni hta, Hkrithpa wa nang rai nga ndai; Israela Karai Wa gaw shi a amyu hpe, N-gun lagaw hte atsam kaba jaw wu ai: Karai Kasang gaw, a nga u ga law.

PRU MAT 19:16

Ya masum ya ngu na jahpawt hta mu ngoi ai, myihprap gala ai hte ja ja htat ai sumwi dai bum ntsa e ka-up nga ai; nsen kaba hte nachying ngoi ai pahtau mung ngoi nga ai: dai dap e nga ai amyu masha ni mahkra gaw hkrit gari nga ma ai.

PRU MAT 20:18

Ya amyu masha ni nlang hte gaw, mu ngoi ai hte myihprap galam ai, pahtau ngoi wu ai hte wan hkut hku ai bum hpe mu ma ai; amyu masha ni dai hpe mu mu yang, hkrit gari ai hte tsan tsan e tsap nga ma ai.

PRU MAT 25:37

Dai hta shadun na pyengdin sanit mung, nang galaw lu na rai ndai: dai ku hta htoi nga na matu dai pyengdin hpe shatu tawn da na rai mu ai.

PRU MAT 37:23

Dai hta shadun na pyengdin sanit mung, de a lakap ni hte kap bang na wan ni mung, ja jet hte galaw wu ai.

EZEKELA 1:13

Bai dai dusat ni a ahpraw nsam gaw, grung nga ai wan n-ga hte htoi tu ai shanan zawn rai nga ai; dai wan gaw dusat ni a ka-ang e lung wa yu wa rai nga ai; dai hta n-ga dai wan gaw, htoi kabrim nga ai hte, de a kata de na myihprap gala nga ai.

YOELA 3:16

Yehowa gaw Ziun bum kaw na shabam nna, Yerusalem mare kaw nna, nsen sharawt na ra ai; sumsing lamu hte ginding aga ashun awam na ra ai: rai timung Yehowa gaw, shi amyu a shingbyi shingwung shara, Israela kashu kasha ni a ngang ai hpyen dap, tai na ra ai.

ZEHKARIA 4:2

“Nang hpa mu n ta?” nga nna ngai hpe san yang, ngai gaw, Ngai mada yu nna, “yu u, ja hte galaw ai pyengdin shadun hpe ngai mu nngai; de a matu e sau di langai mi hte pyengdin sanit rai nga ai; dai pyengdin langai hte langai a matu sau pyawng sanit matut nga ai:

MAHTE 25:1

Dai shaloi e sumsing lamu a mungdan gaw, tinang a pyengdin lang nna, la nnan hpe hkap bawp la na pru sa wa ai mahkawn shi hte bung na ra ai.

MAHTE 3:11

Ngai gaw, myit malai lu myit ga, hka hta nanhte hpe baptisma jaw made ai, rai timung, nye a hpang e du sa ai wa mahtang gaw, ngai hta n-gun grau ja ai rai nna, shi a kyepdin gun na pyi ngai n ging n dan nngai: dai wa gaw Chyoi pra ai Wenyi hta mung, wan hta mung nanhte hpe baptisma jaw na myit dai:

KASA 2:3

Bra karan ai wan shinglet zawn re ai mung, shanhte kaw dan pru nna, langai hte langai a ntsa e jung nga ai.

SHINGRAN 1:4

Ngai Yawhan gaw, Asia mung e nga ai Hpung sanit hte hpe, ga shana dat nngai; ndai aprat e, moi na aprat e anga nga nna, htawm hpang e du na ra ai wa kaw nna mung; shi a tingnyang man e nga ai wenyi sanit kaw nna mung;

SHINGRAN 10:3

hkanghkyi shabam ai zawn, nsen kaba hte jahtau dat wu ai; shi jahtau dat wu yang, dai mu ngoi ai mahku sanit tinang a nsen shapraw ma ai.

SHINGRAN 11:19

Shaloi sumsing lamu hta e Karai Kasang a nawku Htingnu hpaw malang nna, shi a Htingnu kata e, shi a ga shaka hte seng ai sumpu dan pru nga ai; shaloi jang, myihprap kala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 3:1

Bai, Sardi mare na Hpung a kasa hpe ning nga ka dat u: Karai Kasang a wenyi sanit hte shagan sanit hpe lang ai wa gaw, ning nga nga ai: Na a arawn alai ngai chye nga nngai; nang gaw asak hkrung ai wa ngu timung, nang chyasi rai nga ndai.

SHINGRAN 5:6

Shaloi, dai tingnyang hte dusat amyu mali a ka-ang e mung, dai salang ni a ka-ang e mung sat kau hkrum sai nsan ai Sagu Kasha langai mi tsap nga ai hpe, ngai mu nngai; dai Sagu Kasha gaw nrung sanit hte myi sanit tu nga ai; dai myi sanit gaw, dinghta ga ting hproi hkra shangun dat ai, Karai Kasang a wenyi sanit rai nga ai.

SHINGRAN 8:5

Bai, dai lamu kasa gaw dai n-gawt hpe la nna, tawn hkungri na wan jahpring la ngut jang, mungkan ga ntsa de dai hpe jahkrat dat wu ai: shaloi mu ngoi ai, wu kadu ai nsen, myihprap kala ai hte nnang nawn byin pru wa ai.