SHINGRAN 4:10 - Jinghpaw Hanson Version Bible

¹⁰ dai salang hkun mali mung, tingnyang hta dung nga ai wa a man e dingnyawm nna, htani htana prat dingsa ahkrung nga ai wa hpe nawku let, dai tingnyang man e tinang ni a ja janmau ni hpe raw tawn da nna,

Jinghpaw Common Language Bible 2009

¹⁰ dai salang hkun mali mung, tingnyang hta dung nga nna htani htana prat dingsa ahkrung nga ai wa hpe dingnyawm nawku ma ai. Shanhte gaw, dai tingnyang a man e janmau ni hpe raw tawn da nna,

SHINGRAN 4:10 ပူးပေါင်းရင်းမြစ်များ

1 HKAWHKAM LABAU 29:20

Shaloi Dawi gaw, shawa hpawng ting hpe, “Nanhte a Karai Kasang Yehowa hpe ya shakawn kungdawn mu,” ngu mu yang, shawa hpawng ting gaw, shanhte a kaji kawa ni a Karai Kasang Yehowa hpe shakawn kungdawn nna, gum dagup let, Yehowa hpe mung, hkawhkam wa hpe mung, nawku mu ai.

2 HKAWHKAM LABAU 7:3

Shing rai wan yu hkrat wa nna, Yehowa hpung shingkang gaw dai nta ntsa e, ka-up nga yang, Israela masha ni yawng mada yu nna, nlung nep ai shara e tinang hkum ga de myi man gum dagup let, nawku nna, Yehowa mai kaja nga ai hte, shi a chyeju htani htana anga nga ai majaw, shi hpe shakawn kungdawn ma ai.

YOBA 1:20

Shaloi Yoba gaw rawt nna, shi a hpun nba gang je kau ai hte, shi a kara shangun kau nhtawm, ga de gum dagup let nawku nna,

SHAKAWN KUNGDAWN 115:1

Yehowa e, anhte hpe n rai, anhte hpe n rai: na a chyeju hte sadi sahka a majaw, Na a amying nsang hpe sha, arawng jaw u.

SHAKAWN KUNGDAWN 47:8

Karai Kasang gaw masha amyu ni hpe up nga ai, Karai Kasang gaw shi a chyoi pra ai tingnyang hta dung nga ai.

SHAKAWN KUNGDAWN 72:11

Hkawhkam yawng hte gaw shi hpe nawku nna, Masha amyu shagu shi hpe daw nga mu ga.

SHAKAWN KUNGDAWN 95:6

Sa marit, anhte a Hpan Wa Ningsang Yehowa a man e, Anhte dingnyawm let nawku nna lahput hput di nga ga!

ESAIA 6:1

Hkawhkam Uzia si ai shaning hta, Madu gaw, galu kaba nna tsaw htum ai tingnyang hta dung nga ai hpe ngai mu nngai; shi lawai ai hpun nba gaw nawku Htingnu ting hpring nga ai.

Daniela 12:7

Shaloi, ‘Dai gaw aten mi, aten lahkawng hte aten chyen mi na na ra ai; dai chyoi pra ai amyu a n-gun atsam hpe agrawp daw kau ngut jang, ndai amu yawng ngut wa na ra ai,’ nga nna lachyit nba bu hpun let hka ntsa e tsap nga ai wa gaw, sumsing lamu de hkra lata pai lata sharawt nna, htani htana ahkrung nga ai wa a amying gang let, dagam nga ai hpe, ngai na nngai.

Daniela 4:34

Ya dai aten ladaw gu jang, ngai Nebuhkadneza gaw, sumsing lamu de mada yu nna, nye a myit bai gring wa li ai: shing rai Tsaw Htum ai Wa hpe ngai shagrau sha-a nna, dinggrin ahkrung nga ai wa hpe shakawn nna hkungga lara nngai: shi a up hkang ai gaw, htani htana up hkang ai lam rai nga ai, shi a mungdan gaw, prat mi hte prat mi agrin nga ai;

MAHTE 2:11

Dai nta hta e shang bang wa ma yang, dai ma kaji hte shi a kanu Mari hpe, shanhte mu mu ai rai nna, lahput hput di let shi hpe nawku mu ai: tinang a sut sumpu hpaw nhtawm, shi hpe aja, lawban hte mura ngu ai kumhpa hpe sak mu ai.

LUKA 24:52

Shanhte chyawm gaw shi hpe nawku nna, nachying kabu gara let Yerusalem mare de bai wa nhtawm,

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

TARA JAHPRANG 32:40

Sumsing lamu de nye a lata ngai ladawn nna, Htani htana ahkrung nga ai wa ngai rai nga nngai hte maren:

SHINGRAN 10:6

sumsing lamu hte dai hta e nga ai, ginding aga hte dai hta e nga ai, nammukdara hte dai hta e rawng ai hte hpe hpan tawn da nna htani htana prat dingsa ahkrung nga ai wa hpe gang nna dagam wu ai gaw, Ahkying ladaw ngu ai n nga na sai;

SHINGRAN 11:16

Shaloi, Karai Kasang a man e, tinang a tingnyang ni hta dung nga ma ai salang hkun mali gaw, shanhte a myi man dagup let Karai Kasang hpe nawku nna,

SHINGRAN 15:4

Madu e, nang hpe n hkrit ai hte, na a amying nsang hpe n shagrau ai gaw kadai wa rai na a ta? Nang chyu sha chyoi pra nga ndai; na a dinghpring ai lam ni dan hkung nga ai majaw, masha amyu baw shagu na a man e sa nawku na mara ai law,” nga nna tsun ma ai.

SHINGRAN 15:7

Bai, dai dusat amyu mali hta na langai mi gaw, htani htana prat dingsa ahkrung nga ai Karai Kasang a sindawng kahtet ai hte hpring chyat re ai gawm sanit, dai lamu kasa sanit hte hpe ya mu ai.

SHINGRAN 19:4

Shaloi dai salang hkun mali hte dai dusat amyu mali hte gaw, dingnyawm dagup nna, tingnyang hta dung nga ai Karai Kasang hpe nawku let, “Amen, Haleluya,” nga ma ai.

SHINGRAN 4:2

Dai hte tsun ngut ai shaloi jang, wenyi hta ngai nawng mat wa nngai; shaloi, yu u, sumsing lamu hta e tingnyang dung nga ai rai nna, dai tingnyang hta marai langai mi dung nga ai.

SHINGRAN 4:4

Dai tingnyang grup yin e tingnyang hkun mali naw nga nga ai; dai tingnyang ni hta hpraw ai hpun palawng bu hpun nna, baw hta ja janmau gup ai salang hkun mali grup rai dung nga ma ai.

SHINGRAN 4:9

Dai dusat amyu mali gaw, tingnyang hta dung ai htani htana prat dingsa ahkrung nga ai wa kaw, hpung shingkang, arawng sadang hte chyeju jaw ma ai shaloi e,

SHINGRAN 5:14

Shaloi dai dusat amyu mali gaw, Amen, nga ma ai; salang ni mung dingnyawm nna nawku ma ai.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai; shanhte langai hte langai tingse hte chyoi pra ai ni a akyu hpyi ai ga ngu ai manam pyaw ai baw hte hpring chyat nga ai ja gawm lang nga ma ai:

SHINGRAN 7:11

Bai, dai tingnyang hte salang ni hte dusat amyu mali a grup yin e, lamu kasa ni nlang hte gaw kawan tsap nga ma ai; shaloi shanhte dai tingnyang nhpang e myi man dagup nna, Karai Kasang hpe nawku let,