SHINGRAN 3:8 - Jinghpaw Hanson Version Bible

⁸ Na a arawn alai ngai chye nga nngai; yu u, kadai mung n la da lu ai chyinghka na a man e ngai hpaw malang da se ai; nang n-gun loi mi rawng ndai, nye a mungga hpe nang hkan nang nit dai, nye a amying nsang hpe mung nang n nyet kau nit dai, ngai chye nga nngai.

Jinghpaw Common Language Bible 2009

⁸ Nang galaw nga ai amu hpe ngai chye nngai. Nang n-gun atsam loi mi sha rawng ti mung, nye a sharin shaga ai ga hpe nang hkan nang nna, nye a ntsa e sadi dung nit dai hpe ngai chye nga nngai. Na a man e kadai mung n la da lu ai chyinghka langai mi ngai hpaw malang da se ai.

SHINGRAN 3:8 ပူးပေါင်းရင်းမြစ်များ

GA SHAGAWP 30:9

Matsan mayan rai yang, ngai lagu nna, Nye a Karai Kasang a amying hpe awu asin n di kau u ga mung, Asak bau ram ai shat sha karan jaw e law.

Daniela 11:34

Ya shanhte kadawng wa jang, karum ai lam kaji mi, shanhte a matu, pru na ra ai: rai timung, masha law law wa hkalem hkalau ai hku hkan nang nna, shanhte hte matut manoi na mara ai.

LUKA 12:9

masha ni a man e ngai hpe nyet kau ai wa chyawm gaw, Karai Kasang a lamu kasa ni a man e nyet kau ai hkrum na wu ai.

YAWHAN 15:20

Mayam gaw madu hta grau kaba ai n rai, ngu nna ngai nanhte e tsun ai ga hpe dum nga mu: ngai hpe pyi zingri zingrat ma ai rai yang gaw, nanhte hpe mung zingri zingrat na mara ai: nye a ga madat mara ma ai rai yang gaw nanhte a ga hpe mung madat mara ya na mara ai.

YAWHAN 17:6

Mungkan ga na nang ngai e ap ya ai masha ni hpe, na a amying ningsang ngai shadan ya se ai; shanhte gaw na a ni rai ma ai rai nna, nang shanhte hpe ngai e jaw nit dai; shanhte mung na a mungga hkan shatup masai.

KASA 14:27

Shan du wa jang, Hpung masha ni hpe jahpawng tawn nna, Karai Kasang shan hta galaw ai lam yawng mayawng mung, maigan amyu ni hpe dai makam masham lam chyinghka hpaw ya wu ai mung, hkai dan mu ai.

1 KORINHTU 16:9

Kaning rai nme law, kaba la ai hte hpuwang rawng ai chyinghka gaw nye a matu hpaw malang nga ai rai nna, hpyen ni mung law law nga ma ai.

2 KORINHTU 2:12

Dai hta kaga, Hkristu a kabu gara shiga a lam, Troa mare de ngai sa du yang, dai Madu a marang e nye a matu chyinghka hpaw malang nga timung,

HPILIPI 4:13

ngai hpe n-gun lagaw shaja ya ai wa a majaw, lam shagu hpe ngai hkam lu nngai.

KOLOSE 4:3

Hkristu a sung htum ai ga a majaw ngai gyit hkang da ai hkrum rai timung, dai sung htum ai ga tsun dan lu u ga, Karai Kasang gaw mungga a lam anhte a matu mara chyinghka hpaw malang nga na hte,

1 TIMOHTI 5:8

Marai langai ngai tinang hte seng ai ni hpe n bau ai hta n-ga, tinang a nta na ni hpe n bau ai wa gaw, dai makam masham hpe nyet kau nna, n kam n sham ga ai wa hta grau nna n hkru nga ai.

2 TIMOHTI 4:7

Ngai gaw kaja ai gasat gala gasat ngut se ai: gat shingjawng ai lam htum hkra gat shadu se ai; dai makam masham hpe ngai a manoi nga ni ai:

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

SHINGRAN 2:2

Na a arawn alai, na a amu bungli hte na a hkam sharang ai hpe mung, n hkru n hkra re ai masha hpe nang n hkam lu ndai mung, kasa n re ai kasa hpyi hpun ai ni hpe nang san dinglik yu nna, shanhte a masu ai hpe shadan kau ya lu ndai mung, ngai chye nga nngai.

SHINGRAN 22:7

“Yu u, ngai alawan du na ring ngai: Ndai laika hta rawng ai myihtoi ga hpe hkan nang nga ai wa gaw, a lu ai,” nga nna ngai hpe tsun nngai.

SHINGRAN 3:1

Bai, Sardi mare na Hpung a kasa hpe ning nga ka dat u: Karai Kasang a wenyi sanit hte shagan sanit hpe lang ai wa gaw, ning nga nga ai: Na a arawn alai ngai chye nga nngai; nang gaw asak hkrung ai wa ngu timung, nang chyasi rai nga ndai.

SHINGRAN 3:10

Ngai hte seng ai shakut sharang ai lam a mungga hpe nang hkan nang ndai majaw, ga ntsa e nga ai ni hpe chyam dinglik yu na matu, dinghta ga hproi hkra du na ra ai chyam dinglik yu ai nhtoi hta na, ngai nang hpe makawp maga na de ai.

SHINGRAN 3:15

Na a arawn alai ngai chye nga nngai; nang katsi ai mung n rai, kahtet ai mung n rai nga ndai Nang katsi ai, shing n rai kahtet ai, mai rai nga ndai.

SHINGRAN 3:7

Bai, Hpiladehpi mare na Hpung a kasa hpe ning ngu ka dat u: Chyoi pra ai wa, tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa, ning nga nga ai: