SHINGRAN 3:19 - Jinghpaw Hanson Version Bible

¹⁹ Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.

Jinghpaw Common Language Bible 2009

¹⁹ Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.

SHINGRAN 3:19 ပူးပေါင်းရင်းမြစ်များ

2 SAMUELA 7:14

Ngai gaw shi a kawa tai nna, shi gaw nye a kasha rai na ra ai: shi n shawp ai amu galaw yang, shinggyim masha lang ga ai lasik hte ngai sharin na we ai; shinggyim masha kayat ai hku kayat na we ai:

YOBA 5:17

Karai wa e mara madun ya hkrum ai wa gaw a nga ai; dai rai nna, n-gun chyalai rawng ai Madu sharin ai ga hpe, n gawn n sawn hkum rai et.

SHAKAWN KUNGDAWN 39:11

Yubak majaw nang daru nna, masha hpe ari jaw yang, nang shi a hpung hpe manut sha ai nba zawn, di kau ya wu ai: Masha mahkra gaw kaman lila sha rai nga ma ai. [Selah.]

SHAKAWN KUNGDAWN 6:1

Yehowa e, na a masin pawt ai hte ngai hpe ari hkum jaw e, Na a myit kahtet ai hte ngai hpe hkum sharin ya et.

SHAKAWN KUNGDAWN 69:9

Na nta hta manoi ai nja nhpra myit ngai hpe sha kau nna, Nang hpe shatan ai ni a ga, nye a ntsa e mara nga ai.

SHAKAWN KUNGDAWN 94:10

Masha wa hpe chye chyang ai lam sharin ya nna, Amyu baw ni hpe ari jaw ai wa gaw, n daru lu na rai ni?

GA SHAGAWP 15:10

Lam yit ai wa gaw ari kaba hkrum na ra ai; shadum jahprang ai n dawng n yawt ai wa gaw, si na ra ai.

GA SHAGAWP 15:32

Sharin achyin ai ga shinggan kau ai wa gaw, tinang a asak hpe n kaw n law di kau wu ai; Madat mara ai wa chyawm gaw, nyan lu la nga ai.

GA SHAGAWP 22:15

Angawk ai myit gaw, ma kaji a myit hta manoi nga ai; Rai timung, sharin ai shingna gaw, dai hpe tsan tsan shapraw kau nga ai.

ESAIA 26:16

Yehowa e shanhte nni nkri hkrum yang, nang hta myit manoi nga masai; nang shanhte hpe shari yang, shanhte hpyi madai masai.

YEREMIA 10:24

Yehowa e, ngai hpe sharin e; rai timung, ngai n htum mat hkra, na a pawt sindawng ai hte n rai; shadawn sharam hte sha, sharin e.

YEREMIA 2:30

Ngai gaw be be kaman sha nanhte a kashu kasha ni hpe ari jaw ni ai: shanhte gaw sharin achyin ai n hkam la ma ai; nanhte a nhtu gaw, amya sha ai hkanghkyi zawn, nanhte a myihtoi ni hpe shaza kau manu ai.

YEREMIA 30:11

Nang hpe hkye hkrang la na nga, ngai nang hte rau rai nga nngai; nang hpe dumbru dumbra nga shangun ai mungdan ni yawng hpe, ngai jahtum kau na nngai; nang hpe chyawm gaw, jahtum kau na n rai; rai timung, ngai nang hpe mara n kap ai wa n ngu lu nna, nang hpe ram ram naw shari na de ai, nga nna Yehowa tsun ai.

YEREMIA 31:18

Ehprim mahtang, Nang ngai hpe gaja wa sharin nit dai; ngai gaw, garai n bik ai usu zawn, sharin ai hkrum ni ai; ngai hpe lau la e; shing rai yang, ngai nhtang wa na nngai: nang gaw nye a Karai Kasang Yehowa rai nga ndai.

YEREMIA 7:28

Dai rai nna nang gaw, Ndai amyu gaw tinang a Karai Kasang Yehowa a nsen hpe n madat ai hte, sharin achyin n hkam la ai amyu, kangka hpe jahten nna, tengman ai ga n chye tsun ai amyu rai nga ai, ngu nna shanhte hpe tsun u.”

ZEHPANI 3:2

Shi gaw Yehowa nsen hpe, n madat nga ai; sharin achyin ai, n hkam la nga ai; Yehowa hpe shamyet shanat nga ai, n rai; shi a Karai kasang hpang de sit wa ai, n rai.

MAHTE 25:7

Shaloi jang dai mahkawn ni nlang rawt nna, tinang a pyengdin hpe lajang ma ai.

YAWHAN 2:17

Dai shaloi, “Na nta hta manoi ai nja nhpra myit gaw, ngai e sha kau na ra ai,” nga nna ka da ai ga hpe, sape ni dum ma ai.

ROMA 12:11

shakut sharang ai hta kadawn kanawn hkum rai myit; wenyi hta alet nga mu; dai Madu a bungli hpe a galaw nga mu;

1 KORINHTU 11:32

Tara dara ai hkrum ga yang mung, mungkan masha ni hte rau dawdan ai n hkrum u ga she, dai Madu a lata hte anhte sharin achyin ai hkrum ga ai.

2 KORINHTU 6:9

hkalem sha ai ni zawn rai timung, tengman nga ga ai ni; gade e n dum n chye ai ni zawn rai timung, kajai gumhkawng hkrum ai ni; si hkrung si htan hkrum ai ni rai timung, yu mu, anhte ahkrung nga ga ai;

2 KORINHTU 7:11

Bai, Karai Kasang ra ai hte shayawn hkrum ai lam hta nan, da hpran shakang na lam mung, mara nem na lam mung, masin rawt na lam mung, hkrit kang na lam mung, myit marit ai lam mung, nja nhpra ai lam hte mara htang na lam, gade wa shachyen jat wa ai gaw, yu yu mu: nanhte ndai amu hta mara n rawng nga myit dai gaw, lam shagu hta dan nga myit dai.

GALATI 4:18

Ngai nanhte hte rau nga nga yang sha, kaja ai lam hpe myit tsang mai na n rai; galoi rai timung kaja ai lam hpe myit tsang nga na, mai kaja nga ai.

TARA JAHPRANG 8:5

kawa gaw kasha hpe sharin shaga ai zawn, na a Karai Kasang Yehowa nang hpe sharin la nit dai gaw, na kraw lawang hta matsing gun nga u.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

YAKU 1:12

Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

SHINGRAN 2:5

Dai re ai majaw, nang garai n hkrat yang na shara hpe bai dum u; myit malai lu u, shawng na arawn alai bai hkan u: shing n rai yang, ngai nang kaw du nna, nang myit malai n lu yang gaw, na a pyengdin hpe de a shara na sit kau ya na de ai.