SHINGRAN 3:17 - Jinghpaw Hanson Version Bible

¹⁷ Kaning rai nme law, Ngai gaw sut su nga nngai, ngai hta sut ring gan chying sali ai, ngai hpa n ra ni ai, nga ninglen, tsin-yam tsindam hkrum ai wa, chyaren garen ai wa, matsan mayan, myi kyaw ai hte singgu krin re ai wa, nang rai nga ndai hpe, nang n chye n hka!

Jinghpaw Common Language Bible 2009

¹⁷ Nang gaw, ‘Ngai sut su nga nngai, ngai hta sut ring gan chying sali ai; ngai hta ra ai lam yawng ngai lu se ai,’ nga nna tsun nga ndai. Rai ti mung nang gaw, gade wa tsin-yam tsindam hte chyaren karen ai wa, matsan mayan myi kyaw ai hte singgu krin re ai wa nang rai nga ndai hpe nang n chye nga n hka!

SHINGRAN 3:17 ပူးပေါင်းရင်းမြစ်များ

NINGPAWT NINGHPANG 3:7

Dai Shaloi shan a myi hpaw malu ai rai nna, singgu krin rai nga ma ai gaw chye ma ai; shaloi shan gaw lakum lap chywi matut nna tinang a matu dangpai galaw ma ai.

PRU MAT 32:35

Shing rai Arun hte amyu masha ni dai dumsu kasha galaw ma ai majaw Yehowa shanhte hpe ari jaw wu ai.

GA SHAGAWP 13:7

Langai ngai gaw sut mahkawng timung, hpa n lu nga ai; Langai ngai gaw gam jaw kau timung, sut kaba lu nga ai.

GA SHAGAWP 30:9

Matsan mayan rai yang, ngai lagu nna, Nye a Karai Kasang a amying hpe awu asin n di kau u ga mung, Asak bau ram ai shat sha karan jaw e law.

ESAIA 42:19

Nye mayam wa hta kaga, myi hten ai wa kadai rai ta? ngai shangun dat ai kasa zawn, kadai na lahpang a ta? nye jinghku wa zawn, kadai myi hten a ta? Yehowa a mayam zawn kadai myi hten a ta?

YEREMIA 2:31

Amyu masha ni e, Yehowa a ga hpe sumru yu mu: ngai gaw Israela amyu a matu nam mali, shing n rai, nsin htat ai mungdan tai yu ni ni? nye a amyu masha ni gaw, Anhte prang mat saga ai; nang hpang de bai wa na n rai, nga nna hpa majaw tsun nga ma ta?

HOSEA 12:8

“Shi gaw Hkanan masha rai nga ai; n man ai joi shi lang nga ai: maw sha map sha ai amu, shi sharawng nga ai.

ZEHKARIA 11:5

sagu madu ni gaw sagu ni hpe sat kau timung, mara nga ai, n nawn ma ai: dut sha kau ai ni mung, ‘Ngai sut su nngai majaw, Yehowa a nga u ga,’ nga ma ai: tinang amyu sagu rem ni pyi, sagu ni hpe matsan n dum ma ai.

MAHTE 5:3

Wenyi hta matsan mayan rai nga ai ni gaw, a lu ma ai; kaning rai nme law, sumsing lamu a mungdan, shanhte a mungdan rai nga malu ai.

MAHTE 9:12

Shi gaw dai na jang, “N-gun ja ai ni tsi sara n ra ma ai; machyi ai ni sha ra ma ai.

LUKA 1:53

Kawsi hkrum ai ni hpe kaja ai hte jahkru shakat nna, sut su ai ni hpe kaman dat dat nu ai.

LUKA 6:24

“Rai timung, sut su ai ni nanhte dingnye lu myit dai: kaning rai nme law, nanhte gaw tinang a shalan shabran ai lu la manit dai.

ROMA 11:20

Rai taw, rai u ga; shanhte gaw n kam n sham ai majaw gyi kau ai hkrum ma ai, nang mahtang gaw makam masham hte ngang hkang nga ndai. Myit hkum kaba et, hkrit kang nga u:

ROMA 11:25

Dai rai nna, hpunau ni e, nanhte tinang a hpaji n machyu myit ga, ndai sung htum ai lam hpe nanhte n chye nga na, ngai n ra nngai; dai gaw, maigan amyu ni garai n shang hkum ai du hkra, Israela masha nkau mi myit shanuk kau ai hkrum ma ai, nga ai:

ROMA 12:3

Dai rai nna, kadai mung tinang hkum hpe shadawn sharam ai hta nau wa n rai dum ai sha, Karai Kasang gaw langai hte langai hpe makam masham ren di nna karan jaw ai hte maren, mai myit ai lam chyu sha myit nga n ga, ngu nna ngai hpe jaw ai chyeju hte, nanhte kaw na langai hte langai hte hpe, ngai tsun dat nngai.

ROMA 7:24

Chyum sha hkrum ai ngai wa e, ndai si shangun ai hkumhkrang hta na, ngai hpe kadai wa mawai la na law e?

2 PETRU 1:9

Dai hte hpe kata nga ai wa chyawm gaw, myi hten ai hte myi pat kau ai masha rai nga ai rai nna, shi a moi na yubak dingsa hpe jasan jaseng kau ai lam nan, malap mali di kau nu ai.

SHINGRAN 16:15

Yu mu, lagu lagut zawn ngai du ring ngai. Masha a man e singgu krin n hkawm na hte, tinang a kaya hpa n dawng lu ga, a maja nga let tinang a labu palawng sin nga ai wa gaw, a lu ai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai timung, nang sut su nga ndai: Yuda masha ngu ai, rai timung, Yuda masha n teng ai sha, Satan a nawku jawng ngu ai ni a shatan nhkan ai hpe, ngai chye nga nngai.

SHINGRAN 3:16

Ya gaw, nang kahtet ai mung n rai, katsi ai mung n rai, lum nai rai nga ndai majaw, nye a n-gup hta na ngai nang hpe nhpat kau magang sade ai.