SHINGRAN 3:15 - Jinghpaw Hanson Version Bible

¹⁵ Na a arawn alai ngai chye nga nngai; nang katsi ai mung n rai, kahtet ai mung n rai nga ndai Nang katsi ai, shing n rai kahtet ai, mai rai nga ndai.

Jinghpaw Common Language Bible 2009

¹⁵ Nang hpa baw galaw sai lam ngai chye nngai. Nang gaw katsi ai mung n rai, kahtet ai mung n rai nga ndai, nang katsi ai shing n rai kahtet ai langai ngai rai na matu ngai ra sharawng nga nngai!

SHINGRAN 3:15 ပူးပေါင်းရင်းမြစ်များ

1 HKAWHKAM 18:21

Shaloi Elia gaw mung masha ni mahkra hpang de sit sa nna, “Nanhte gaw lam lahkawng a lapran e gade na hkra hpatwat hkawm nga na myit ta? Yehowa nan Karai Kasang rai nga yang, shi hpe hkan mu; Bala mahtang rai yang, shi hpe hkan mu,” ngu mu ai rai nna, mung masha ni gaw ga hkaw mi muk n htan mu ai.

GA SHAGAWP 23:26

Ngai sha e, na a myit masin, ngai hta manoi e; Ngai sa wa ai lam hpe, na a myi azi yu u ga.

HOSEA 10:2

Shanhte a myit masin bra nga ai; ya shanhte gaw mara kap na mara ai; shi gaw shanhte a tawn hkungri ni hpe run kau nna, shadaw sumla ni hpe agrawp kau na ra ai.

HOSEA 7:8

Ehprim gaw maigan amyu ni hte kayau nga ai; shi gaw, maga sha kabaw nna, n galau ai muk pa rai nga ai.

MAHTE 10:37

Kadai mung, ngai hpe tsawra ai hta, kanu kawa hpe grau nna tsawra ai wa gaw, ngai hte n ging n dan nga ai: ngai hpe tsawra ai hta, shayi shadang sha hpe grau nna tsawra ai wa mung, ngai hte n ging n dan nga ai.

MAHTE 24:12

Tara tawt lai ai amu law wa na majaw, masha law law a tsawra ai myit kawp mat na ra ai:

MAHTE 6:24

Kadai rai ting mung, madu lahkawng kaw chyang lu na n rai; shi langai mi hpe n dawng nna kaga hpe tsawra na wu ai; shing n rai langai mi hpe kasawt nna, kaga hpe n kaw n law di na wu ai; nanhte Karai Kasang hpe mung, mungkan a sutgan hpe mung, rau chyang lu na myit dai n rai.

ROMA 12:11

shakut sharang ai hta kadawn kanawn hkum rai myit; wenyi hta alet nga mu; dai Madu a bungli hpe a galaw nga mu;

1 KORINHTU 16:22

Marai langai ngai dai Madu hpe n tsaw n ra a yang gaw shi dagam dala hkrum u ga. Dai Madu du ru ga.

2 KORINHTU 12:20

Kaning rai nme law, nanhte hpang de ngai du yang, ngai ra ai hte maren nanhte n rai nga nna, nanhte ra ai hte maren ngai mung n rai nga na nhten, ngu nna ngai tsang nga nngai: gasat gala, manawn masham, n dawng n yawt ai, bra wa na lam, baw law ai ga, kadum kahte ai ga, grang ai ga hte kabrawng kabrang rai nga na hpe mung, ngai tsang nga nngai:

TARA JAHPRANG 5:29

Shanhte hte shanhte a kashu kasha prat dingsa ngamu ngamai lu hkra, ngai e hkrit hkungga nna ngai hkang da mada hkan sa mayu ai myit tutnawng rawng nga mu ga.

HPILIPI 1:9

Dai hta kaga, nanhte lam kaga ga hpe chye ginhka lu nna, Hkristu a nhtoi hta san seng ai hte mara n rawng lu ai sha,

2 HTESALONI 1:3

Hpunau ni e, nanhte a makam masham gaw kaba la wa nna, nanhte langai hte langai a tsawra ai myit gaw shada da e law htam jat wa ai majaw, ging dan nga ai hte maren, nanhte mahkra a matu mara Karai Kasang hpe tutnawng e shakawn kungdawn nga na, anhte ra nga ga ai.

YAKU 1:8

shi gaw myit mashe rawng nga ai rai nna, shi a lam shagu hta agyoi ai wa rai nga ai.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

SHINGRAN 2:2

Na a arawn alai, na a amu bungli hte na a hkam sharang ai hpe mung, n hkru n hkra re ai masha hpe nang n hkam lu ndai mung, kasa n re ai kasa hpyi hpun ai ni hpe nang san dinglik yu nna, shanhte a masu ai hpe shadan kau ya lu ndai mung, ngai chye nga nngai.

SHINGRAN 2:4

Rai timung, shawng na tsawra ai lam hpe nang kau da ndai majaw nang hta mara shagun shara ngai mu nngai.

SHINGRAN 3:1

Bai, Sardi mare na Hpung a kasa hpe ning nga ka dat u: Karai Kasang a wenyi sanit hte shagan sanit hpe lang ai wa gaw, ning nga nga ai: Na a arawn alai ngai chye nga nngai; nang gaw asak hkrung ai wa ngu timung, nang chyasi rai nga ndai.

SHINGRAN 3:16

Ya gaw, nang kahtet ai mung n rai, katsi ai mung n rai, lum nai rai nga ndai majaw, nye a n-gup hta na ngai nang hpe nhpat kau magang sade ai.