SHINGRAN 3:14 - Jinghpaw Hanson Version Bible

¹⁴ Bai, Ladoki mare na Hpung a kasa hpe ning ngu ka dat u: Kangka re ai hte tengman ai sakse wa, Karai Kasang hpan tawn da ai a npawt nhpang, Amen ngu ai wa, ning nga nga ai:

Jinghpaw Common Language Bible 2009

¹⁴ “Ladoki mare na hpung a lamu kasa hpe ning ngu ka dat u: “Ndai gaw kangka ai hte teng man ai sakse wa, Karai Kasang hpan tawn da ai yawng mayawng a npawt, Amen ngu ai wa kaw na mungga rai nga ai.

SHINGRAN 3:14 ပူးပေါင်းရင်းမြစ်များ

NINGPAWT NINGHPANG 49:3

Rubin e, nang ngai sha alat rai ndai, Nye a nsam hte nye a n-gun ningshawng, Grau ai arawng, hpung shingkang ningtawn, nang rai nga ndai:-

GA SHAGAWP 14:5

Tengman ai sakse wa masu ga n tsun nga ai; Masu ai sakse wa chyawm gaw masu ga tsun nga ai.

GA SHAGAWP 8:22

Yehowa gaw, moi chyaloi nhkoi na amu garai n galaw nga yang, Shi ngai hpe npawt madung shatai nga ai.

ESAIA 55:4

Yu u, amyu baw ni a sakse wa tai na mung, amyu baw ni a du hte up hkang ai wa tai na mung, ngai shi hpe san da ni ai.

ESAIA 65:16

shing rai, shawng na aru ara hpe malap kau ai hte, ngai dai hpe n mu nga ai majaw, ga ntsa e tinang hkum hpe shaman ai wa gaw, tengman ai Karai Kasang hta hpa nna shaman na ra ai; lamu ga hta dagam ai wa gaw, tengman ai Karai Kasang hta hpa nna dagam na ra ai,” nga nna tsun ai.

YEREMIA 42:5

Dai rai nna shanhte gaw, Na a Karai Kasang Yehowa, na a n-gup hte anhte hpe htet da mada hte maren, anhte galaw na ga ai, nga nna Yehowa gaw anhte a matu tengman ai hte kangka ai sakse tai nga u ga;

YAWHAN 1:3

Arai yawng mayawng gaw shi a marang e tai nga ai; nga manga hta shi n lawm ai tai wa ai gaw, langai mi muk n nga ai.

YAWHAN 8:14

Shaloi Yesu gaw, “Ngai dai nye a lam sakse hkam yang pyi, nye a sakse teng nga li ai: ngai kanang na pru sa nna, gade rai wa na mung, ngai chye nngai: nanhte chyawm gaw, ngai kanang na pru sa nna, gade rai wa na mung n chye myit dai.

2 KORINHTU 1:20

Karai Kasang a ndat ga gade law nga rai timung, shi hta e, Rai sa, hkrai rai nga ai; dai rai nna, anhte a lata e Karai Kasang a hpung shingkang pru u ga, shi a jaw e, Amen, ngu ai mung rai nga ai.

TARA JAHPRANG 21:17

n tsaw ai num a kasha hpe alat aya yin nna, sali wunli htam lahkawng jaw na rai wu ai: kaning rai nme law, dai wa mahtang she kawa n-gun ningshawng rai nga ai rai nna, alat aya gaw shi a rai nga ai.

KOLOSE 1:15

Shi gaw myi e n mu lu ai Karai Kasang a hkrang bung sumla rai nga ai hte, hpan da ai arai yawng mayawng hta alat rai nga ai.

KOLOSE 1:18

Dai Hpung ngu ai hkumhkrang a baw, shi rai nga ai. Shi nan lam shagu hta grau ai nhtung nhka tai wa u ga, shi gaw npawt nhpang hte si mat ai ni kaw na alat ningshawng rai nga ai.

KOLOSE 2:1

Kaning rai nme law, nanhte hte Ladoki masha ni a matu mung, nye a myi man n mu yu ai ni yawng a matu mung, Hkristu ngu ai Karai Kasang a sung htum ai lam shanhte chye chyang lu hkra, tsawra ai myit hte makyit mahkai nna zai byeng-ya ting ngu ai hkum tsup re ai sutgan hpe lu la let,

KOLOSE 4:16

Ndai shagun dat ai laika hpe nanhte hti ngut jang, Ladoki a Hpung masha ni hpe hti shangun nna, Ladoki ni kaw shagun ai laika mung nanhte hti yu mu.

SHINGRAN 1:11

Hpung sanit hpang de shagun dat u, nga nna nye a shingdu de hpahtau zawn ngoi ai nsen kaba ngai na nngai.

SHINGRAN 1:5

kangka re ai sakse wa, si mat ai ni hta na kasha alat, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwipyaw ai gaw nanhte hta anga nga malit ga. Anhte hpe tsawra nna, shi hkum nan a asai hte anhte a yubak kaw na anhte hpe raw dat mi ai hte,

SHINGRAN 19:11

Bai, sumsing lamu hpaw malang nga ai hpe, ngai mu nngai, shaloi, yu mu, gumra ahpraw dan pru nna dai hta jawn ai wa gaw, Kangka hte Tengman ngu ai wa rai nga ai; shi gaw dinghpring ai hku tara dara ai hte majan gasat nga ai.

SHINGRAN 2:1

Ehpesu mare na Hpung a kasa hpe ning ngu ka dat u; Hkra lata hta dai shagan sanit lang da nna, aja pyengdin sanit ni a ka-ang e hkawm sa ai wa ning nga nga ai:

SHINGRAN 21:6

Dai hta kaga shi gaw, “Dai hte gaw ngut mat sai; ngai gaw Alhpa hte Omega, apawt ningshawng mung, ahpang jahtum mung, rai nga nngai: hpang kara ai wa hpe asak hka hpawk na ntsin, manu jahpu n hpyi ai sha, ngai jaw na we ai.

SHINGRAN 22:13

Ngai gaw Alhpa hte Omega, ningshawng wa hte jahtum wa, apawt ningshawng mung, ahpang jahtum mung, ngai rai nga nngai.

SHINGRAN 22:6

Bai shi gaw, “Ndai ga gaw kangka re ai ga, tengman ai ga rai nga ai: myihtoi ni a wenyi ni hpe up ai Madu Karai Kasang gaw, ahkying ladaw gade n na yang byin wa na ra ai lam ni hpe, shi a shangun ma ni kaw madun dan na matu, shi a lamu Kasa shangun dat nu ai.”

SHINGRAN 3:7

Bai, Hpiladehpi mare na Hpung a kasa hpe ning ngu ka dat u: Chyoi pra ai wa, tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa, ning nga nga ai: