SHINGRAN 22:7 - Jinghpaw Hanson Version Bible

⁷ “Yu u, ngai alawan du na ring ngai: Ndai laika hta rawng ai myihtoi ga hpe hkan nang nga ai wa gaw, a lu ai,” nga nna ngai hpe tsun nngai.

Jinghpaw Common Language Bible 2009

⁷ Madu Yesu gaw, “Madat u! Ngai alawan du na ring ngai! Ndai laika hta rawng ai myihtoi ga ni hpe madat mara hkan sa ai wa gaw a lu ai!,” nga nna ngai hpe tsun ai.

SHINGRAN 22:7 ပူးပေါင်းရင်းမြစ်များ

SHINGRAN 1:11

Hpung sanit hpang de shagun dat u, nga nna nye a shingdu de hpahtau zawn ngoi ai nsen kaba ngai na nngai.

SHINGRAN 1:3

Ahkying ladaw ni wa magang ra ai majaw, ndai ga hpe hti dan ai wa hte, ndai myihtoi ga hte hpe madat mara nna dai hta ka da mada hpe hkan galaw ai ni gaw, a lu ma ai.

SHINGRAN 16:15

Yu mu, lagu lagut zawn ngai du ring ngai. Masha a man e singgu krin n hkawm na hte, tinang a kaya hpa n dawng lu ga, a maja nga let tinang a labu palawng sin nga ai wa gaw, a lu ai.

SHINGRAN 2:16

Dai re ai majaw myit malai lu u; shing n rai yang, ngai nang kaw alawan du nna, nye a n-gup nna pru ai ntawng nhtu hte shan hte hpe gasat na we ai.

SHINGRAN 22:12

Yu u, ngai alawan du na ring ngai; langai hte langai hpe tinang a amu hte maren bai htang jaw na, ging dan ai shabrai ngai lang da we ai.

SHINGRAN 22:18

Ndai laika hta rawng ai myihtoi ga na lu ai ni yawng hte hpe ngai sakse hkam dat nngai gaw, Ndai ga hte hta kahtap jat ai wa kadai hpe mung, ndai laika hta ka da ai ari zinli ni, Karai Kasang shi a ntsa e kahtap jaw na ra ai:

SHINGRAN 22:19

ndai laika hta rawng ai myihtoi ga hta na shaw kau ai wa kadai hpe mung, ndai laika hta ka da ai asak jahkrung ai hpun hte chyoi pra ai mare kaw na, shi hte seng ai wunli wun-gau hpe, Karai Kasang shaw kau ya na ra ai.

SHINGRAN 22:20

Ndai lam hte hpe sakse hkam ya ai wa gaw, “Rai sa; ngai alawan du na ring ngai,” nga ai. Amen. Madu Yesu e, Yu wa rit law.

SHINGRAN 22:21

Madu Yesu Hkristu a chyeju gaw, chyoi pra ai ni hte rau anga nga u ga law. Amen.

SHINGRAN 3:11

Ngai alawan du na ring ngai; na a janmau hpe kadai mung n la kau ya u ga, nang lu ai made hpe a sin nga u.

SHINGRAN 3:3

Dai re ai majaw, nang kaning rai hkam la lu ai hte, na la lu ai lam hpe bai dum u; dai hta hkan nang nga nna, myit malai lu u. Nang n maja nga taw gaw, lagu lagut zawn ngai du na ring ngai; gara aten e ngai nang kaw du sa na ring ngai mung, nang n chye na ndai.