SHINGRAN 22:6 - Jinghpaw Hanson Version Bible

⁶ Bai shi gaw, “Ndai ga gaw kangka re ai ga, tengman ai ga rai nga ai: myihtoi ni a wenyi ni hpe up ai Madu Karai Kasang gaw, ahkying ladaw gade n na yang byin wa na ra ai lam ni hpe, shi a shangun ma ni kaw madun dan na matu, shi a lamu Kasa shangun dat nu ai.”

Jinghpaw Common Language Bible 2009

⁶ Dai hpang lamu kasa gaw, “Ndai ga ni gaw teng man nna kam ging nga ai. Myihtoi ni hpe wenyi jaw ya ai Madu Karai Kasang gaw, ahkying ladaw gade n na yang byin lu na ra ai lam ni hpe, shi a shangun ma ni kaw madun dan na matu, shi a lamu kasa hpe shangun dat nu ai.”

SHINGRAN 22:6 ပူးပေါင်းရင်းမြစ်များ

NINGPAWT NINGHPANG 41:32

Hpara-u yup mang mu kahtap ai gaw, dai amu hpe Karai Kasang shagrin shangang nna alawan shabyin na majaw rai nga ai.

Daniela 3:28

Ya Nebuhkadneza gaw, “Shadrak, Meshak, Abed-nego a Karai Kasang gaw a nga u ga law: shanhte gaw tinang a Karai Kasang hta kaga, hpara shaje hpe n daw n jau, n naw n ku mu ga, shi hpe kamsham nna, hkawhkam wa a ga hpe lale kau let, tinang a hkum hpe pyi ap kau ma ai majaw, shi gaw shi a shangun ma ni hpe hkye hkrang la na matu, shi a lamu kasa hpe shangun dat nu ai.

Daniela 6:22

Nye a Karai Kasang gaw, shi a lamu kasa shangun nna, hkanghkyi ni a n-gup pat kau ya ai hte, ngai hkala nba n hkrum nngai: kaning rai nme law, shi a man e ngai san seng nga nngai; na a man e mung, hkawhkam wa e, ngai hpa n shut nngai,” ngu nna hkawhkam wa hpe htan wu ai.

MAHTE 13:41

Dai masha kasha gaw shi a lamu kasa ni hpe shangun dat na rai nna, shanhte gaw shi a mungdan hta na, myit kataw shangun ai baw hte tara hte n bung ai amu galaw ai ni nlang hte hpe, lata shaw la nhtawm, wan htung hta kabai bang da na maru ai:

LUKA 1:70

Anhte a ji wa ni hpe matsan dum ai lam madun na matu mung; Gumlau ni a lata na mawai la ai hkam ngut jang,

LUKA 16:16

Jep ai tara hte myihtoi ni a ga gaw, Yawhan du ai du hkra rai nga ai: dai kaw nna gaw Karai Kasang a mungdan a kabu gara shiga hkaw tsun nga ai rai nna, nlang hte gaw dai hta anin katut shang wa ma ai.

KASA 12:11

Ya Petru myit arai la lu jang, Madu gaw shi a lamu kasa shangun dat nna, Herod a lata hte Yuda masha ni myit mada ai lam yawng hta na ngai hpe shaw la sai gaw, ya ngai teng teng chye se ai, nga nna,

KASA 3:18

Dai gaw, Karai Wa a Hkristu nni nkri hkrum na re ai, nga nna myihtoi ni yawng a n-gup hte tau tsun shangun ai Karai Kasang shi nan, ning re ai lam hte shadik nu ai.

ROMA 1:2

Karai Kasang gaw moi moi shi a myihtoi ni e ndat da ai, shi a Kasha a lam ngu ai, Karai Kasang a kabu gara shiga a jaw e san da hkrum ai, ngai Pawlu gaw,

1 KORINHTU 14:32

myihtoi ni a wenyi ni mung, myihtoi ni a npu e taw na ma ai;

1 KORINHTU 7:29

Bai, hpunau ni e, dai lam ngai tsun nngai gaw, ahkying ladaw gying mat wa sai; shing rai ya kaw nna gaw, num lu ai ni, n lu ai zawn, rai wa manu ga;

2 HTESALONI 1:7

Karai Kasang hpe n chye n chyang ai ni hte, anhte a Madu Yesu Hkristu a kabu gara shiga n madat mara ni hpe matai dawp na shaloi e,

HEBRE 12:9

Bai lam mi gaw, anhte hpe daru sharin ya na matu, hkum shan hte seng ai kanu kawa anhte lu ga ai rai nna, anhte shanhte hpe hkungga lara di ga ai: dai hta grau nna, asak hkrung nga lu hkra, wenyi ni a Kawa npu e anhte mai taw nga ga ai, n rai ni?

2 PETRU 1:21

Kaning rai nme law, masha a myit jasat ai hku majaw, hpa myihtoi ga galoi mung byin pru yu ai n rai; Chyoi pra ai Wenyi e myit shadut ya hkrum ai masha ni gaw, Karai Kasang kaw na ga htawn tsun ma ai.

2 PETRU 3:2

dai Madu hte Hkye hkrang la ai wa a htet da ai ga hpe mung, nanhte adum nga myit ga, ndai laika yan hta nanhte a san seng ai myit hpe shadum jahprang let, ngai jasu da made ai.

SHINGRAN 1:1

Da ndai gaw, ahkying ladaw gade n na yang, byin wa na ra ai lam ni hpe, Hkristu a shangun ma ni e madun dan na matu, Karai Kasang gaw dai Madu hpe jaw dat ai, Yesu Hkristu a shingran ga rai nga ai; dai Madu gaw shagun dat nna shi a lamu Kasa a lata hte shi a shangun ma Yawhan hpe dai shingran ga shadan dan wu ai:

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.

SHINGRAN 19:9

Bai, dai lamu kasa gaw, “Dai Sagu Kasha a hkungran ai poi de shaga la hkrum ai ni gaw, a lu ma ai,” ngu nna ka da u, nga nna mung, “Ndai ga gaw Karai Kasang a tengman ai mungga rai nga ai, nga nna mung,” ngai hpe tsun nngai.

SHINGRAN 21:5

Dai tingnyang hta dung nga ai wa mung, “Yu u, arai yawng mayawng hpe ngai ningnan bai gaw da nngai,” nga nna tsun ai. Bai shi gaw, “Ka da u; ndai ga gaw kangka re ai ga, tengman ai ga rai nga ai,” nga nna tsun ai.

SHINGRAN 21:9

Shaloi, hpang jahtum na ari zinli hte hpring chyat re ai gawm sanit lang ai lamu kasa sanit hta na langai mi sa du nna, ngai hte ga tsun ai gaw, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”

SHINGRAN 22:7

“Yu u, ngai alawan du na ring ngai: Ndai laika hta rawng ai myihtoi ga hpe hkan nang nga ai wa gaw, a lu ai,” nga nna ngai hpe tsun nngai.

SHINGRAN 4:1

Dai hte byin ngut jang ngai mu nngai, gaw, yu u, sumsing lamu e chyinghka hpaw malang nga ai rai nna, ngai na hkrup ai shawng na nsen gaw, hpahtau zawn ngoi nga ai hte, Nang de lung rit, htawm hpang e byin na ra ai lam hte hpe ngai nang hpe madun dan de ga, nga nna ngai hte ga tsun nga ai.