SHINGRAN 22:4 - Jinghpaw Hanson Version Bible

⁴ shanhte gaw shi a myi man hpe ayu nga lu na mara ai rai nna, shanhte a lahtan ni hta shi a amying nsang kap na ra ai.

Jinghpaw Common Language Bible 2009

⁴ Shanhte gaw, shi myi man hpe ayu mada nga lu na mara ai rai nna, shanhte a lahtan ni hta shi a mying nsang ka kap da na ra ai.

SHINGRAN 22:4 ပူးပေါင်းရင်းမြစ်များ

YOBA 33:26

Karai Wa hpe shi akyu hpyi nna, chyeju hkan la let, kabu gara ai myit hte shi a myi man hpe mu lu na ra ai: masha hpe shi a dinghpring ai akyu, shi nhtang jaw na ra ai.

SHAKAWN KUNGDAWN 17:15

Ngai chyawm gaw, dinghpring ai hte, na a myi man hpe mu lu na ring ngai; Yup hprang wa ai shaloi, na a hkumhkrang hpe mu yang, ngai myit dik na ring ngai.

SHAKAWN KUNGDAWN 4:6

“Kaja ai gaw anhte hpe kadai madun lu na a kun?” nga nna law law wa tsun ma ai. Yehowa e, na a myi man a nhtoi, anhte a ntsa e jahtoi ya mi.

SHAKAWN KUNGDAWN 42:2

Nye a myit masin Karai Kasang hpe, Hkrung nga ai Karai Wa hpe, shagroi gara nga ai: Ngai Karai Kasang kaw, galoi wa me dawng pru lu na rai nga ai kun?

ESAIA 33:17

Na a myi gaw hkawhkam wa hpe, shi a hpung shingkang hte hpawn mu lu nna, dam lada ai sumtsan mung hpe mada mu na rin dai.

ESAIA 35:2

Dai gaw grai wa pu an nna, sharawng let kabu gara ai hte mahkawn mangoi na ra ai: Lebanon a arawng sadang, Hkarmela hte Sharun a hpung shingkang, lu la na ra ai: shanhte gaw Yehowa a arawng sadang, anhte a Karai Kasang a hpung shingkang, mu lu na mara ai.

ESAIA 40:5

Yehowa a hpung shingkang mung dan pru nna ahkrang ashan yawng dai hpe rau mu lu na mara ai,” nga nna Yehowa a n-gup tsun nga ai.

EZEKELA 33:23

Shaloi Yehowa ga ngai kaw du nna,

MAHTE 5:8

Myit san seng ai ni gaw a lu ma ai; kaning rai nme law, shanhte gaw Karai Kasang hpe mu lu na maru ai.

YAWHAN 12:26

Nye a amu gun hpai ai wa rai yang gaw, nye a hpang hkan nang ru ga: ngai nga ai shara e, nye a shangun ma mung nga na ra ai; nye a amu gun hpai ai wa rai yang gaw, nye Wa dai wa hpe shagrau na ra ai.

YAWHAN 17:24

“Wa e, gingding aga garai n lat kaw nna, nang ngai hpe tsawra nga ndai majaw, nang ngai e jaw ai hpung shingkang hpe, ngai hpe jaw da ai ni mung mada mu lu mu ga, ngai nga ai shara e shanhte ngai hte rau nga nga lu na hpe, ngai ra nga nngai.

1 KORINHTU 13:12

Ya gaw gumwai hku rai nga ai jamna shingna sha anhte naw mu nga ga ai; rai timung, dai shaloi e myi man yawng let mu na ra ga ai: ya gaw daw chyen mi sha ngai chye nngai; dai shaloi e, Karai Kasang ngai hpe chye chyang ai zawn, ngai mung chye na ring ngai.

HEBRE 12:14

Masha yawng mayawng hte ngwipyaw lu hkra mung, chyoi pra ai hpe dep lu hkra mung, hkan tam nga mu; chyoi pra ai n rawng yang gaw, kadai mung dai Madu hpe mu lu na n rai.

SHINGRAN 14:1

Bai, yu u, dai Sagu Kasha gaw Ziun bum ntsa e tsap nga ai hpe ngai mu nngai; shi a amying hte shi Kawa a amying tinang a lahtan hta ka kap ai masha sen mi mun mali e hkying mali mung, shi hte rau tsap nga ma ai.

SHINGRAN 3:12

Dang lu ai wa hpe, nye a Karai Kasang a nawku Htingnu hta daw nu ngai shatai na we ai: shi galoi mung dai kaw na hpang de pru na n rai; nye a Karai Kasang a mying nsang hpe mung, nye a Karai Kasang Kaw na pru nna, sumsing lamu na yu hkrat wa ai Yerusalem mare ningnan ngu ai, nye a Karai Kasang a mare amying hpe mung, ngai hkum nan a amying hpe mung, dai wa a ntsa e ngai ka shakap ya na we ai.

SHINGRAN 7:3

nga nna lamu ga hte nammukdara hpe zingri na ahkang lu ai lamu kasa mali hpe, nsen kaba hte jahtau wu ai.