SHINGRAN 22:20 - Jinghpaw Hanson Version Bible

²⁰ Ndai lam hte hpe sakse hkam ya ai wa gaw, “Rai sa; ngai alawan du na ring ngai,” nga ai. Amen. Madu Yesu e, Yu wa rit law.

Jinghpaw Common Language Bible 2009

²⁰ Ndai lam hte hpe sakse hkam ya ai wa gaw, “Kaja wa rai sai! Ngai alawan du na ring ngai!,” nga ai. Amen. Madu Yesu e yu wa rit law!

SHINGRAN 22:20 ပူးပေါင်းရင်းမြစ်များ

Shawlumon A Mahkawn Ga 8:14

Ngai tsawra ai wa e, alawan sa rit: Lawban tu ai bum ni a ntsa e, Chyahkyi hte, shing n rai, shan nga hkalung zawn, tai nga u law.

ESAIA 25:9

Dai shani e, Yu u, ndai gaw anhte a Karai Kasang rai nga ai: anhte shi hpe myit mada nna, shi anhte hpe hkye hkrang la na ra ai; ndai gaw Yehowa nan rai nga ai; anhte shi hpe myit mada nna, shi a hkye hkrang la ai lam majaw anhte kabu gara awng sharawng nga na ra ga ai, nga nna tsun shajang na mara ai.

YAWHAN 21:25

Yesu galaw ai amu kaga law law wa naw nga ai; dai amu ni a lam shagu hpe hkan ka da yang, dai ka da ai laika ni gaw mungkan ga hta pyi n shang na re ai, ngu nna ngai myit nngai law.

1 KORINHTU 16:22

Marai langai ngai dai Madu hpe n tsaw n ra a yang gaw shi dagam dala hkrum u ga. Dai Madu du ru ga.

2 TIMOHTI 4:8

ya kaw nna, dinghpring ai tara agyi ngu ai, dai Madu gaw, dai nhtoi hta e ngai hpe ap ya na, dinghpring ai hte seng ai ja janmau gaw, nye a matu mazing da nu ai: ngai hpe sha n rai, shi a dan pru ai lam hpe sharawng awng ai ni nlang hte hpe mung, ap ya na ra ai.

HEBRE 10:37

“Loi hkring sha mi rai jang, du sa na ra ai wa gaw N hkring n sa du sa na ra ai.

HEBRE 9:28

Hkristu mung, law law ni a yubak gun hpai kau na, lang mi sha nawng ya kau hkrum sai rai nna, hkye hkrang la ai hkrum lu hkra, shi hpe ala nga ai ni a matu, yubak gun lam hte n seng ai sha, lahkawng lang ngu na hta, dan pru na ra ai.

SHINGRAN 1:18

ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.

SHINGRAN 1:2

Yawhan mung, Karai Kasang a mungga hte, Yesu Hkristu hte seng ai sakse a lam mu mamu hte hpe sakse hkam ya wu ai.

SHINGRAN 2:16

Dai re ai majaw myit malai lu u; shing n rai yang, ngai nang kaw alawan du nna, nye a n-gup nna pru ai ntawng nhtu hte shan hte hpe gasat na we ai.

SHINGRAN 22:10

Bai shi gaw, “Ndai laika hta rawng ai myihtoi ga hpe dazik hkum shakap et; kaning rai nme law, ahkying ladaw ni wa magang ra ai.

SHINGRAN 22:12

Yu u, ngai alawan du na ring ngai; langai hte langai hpe tinang a amu hte maren bai htang jaw na, ging dan ai shabrai ngai lang da we ai.

SHINGRAN 22:18

Ndai laika hta rawng ai myihtoi ga na lu ai ni yawng hte hpe ngai sakse hkam dat nngai gaw, Ndai ga hte hta kahtap jat ai wa kadai hpe mung, ndai laika hta ka da ai ari zinli ni, Karai Kasang shi a ntsa e kahtap jaw na ra ai:

SHINGRAN 22:7

“Yu u, ngai alawan du na ring ngai: Ndai laika hta rawng ai myihtoi ga hpe hkan nang nga ai wa gaw, a lu ai,” nga nna ngai hpe tsun nngai.