SHINGRAN 22:2 - Jinghpaw Hanson Version Bible

² Dai hka nu a hkin-gau maga mi hte maga mi de, asi amyu shi lahkawng si ai asak jahkrung ai hpun tu nga ai rai nna, de a asi mung shata shagu si nga ai: dai hpun a lap ni mung, masha amyu ni a ana shamai shatsai na matu rai nga ai.

Jinghpaw Common Language Bible 2009

² Dai hka nu a hkin-gau maga mi hte maga mi hta asi amyu shi lahkawng si ai asak jahkrung ai hpun tu nga ai rai nna, shata mi hta kalang mi, laning mi hta shi lahkawng lang si nga ai. Dai hpun a lap ni gaw, masha amyu ni a ana ahkya ni hpe shamai shatsai ya na matu rai nga ai.

SHINGRAN 22:2 ပူးပေါင်းရင်းမြစ်များ

NINGPAWT NINGHPANG 2:9

Ya Yehowa Karai Kasang gaw yu chyoi ai hte sha na matu mai kaja ai hpun amyu myu hpe, ga hta nna tu shangun wu ai: dai sun a ka-ang e asak jahkrung jaw ai hpun hte, kaja ai hte n kaja ai chye ginhka shangun ai hpun mung tu nga ai.

SHAKAWN KUNGDAWN 147:3

Myit maku daw ai ni hpe shi shamai ya nna, Shanhte a nma hpe ahkang kayawp ya mu ai.

GA SHAGAWP 3:18

Shi gaw, shi hta manoi manat ai ni a matu asak hpun rai nga ai: Dai hpe n tat kau ai wa gaw a nga ai.

ESAIA 6:10

Shanhte gaw, tinang myi hte n mu lu na hte, na hte n na lu nna, myit hte n chye na lu mu ga she, myit n kayin nna, shamai shatsai ai n hkrum lu hkra, shanhte a myit masin hpe shamak kau ya nna, shanhte a na hpe lahpang kau ya ai hte, shanhte a myi hpe pat kau ya mu, nga ai.

YEREMIA 17:14

Yehowa e, ngai hpe shamai ya e, shaloi ngai mai wa na nngai; ngai hpe hkye hkrang la e, shaloi ngai hkye hkrang la ai hkrum na nngai: nang gaw nye a shakawn kungdawn shara rai nga ndai.

EZEKELA 47:1

Dai hpang shi gaw nta chyinghka de ngai hpe bai woi wa nna, chyinghka hkinbawng npu e, sinpraw maga de lwi ai hka hpe, ngai mu nngai: nta npan gaw sinpraw maga de yawng nna, hka gaw nta a hkra maga npu na hpaw pru nna, tawn hkungri dingda maga de lwi wa ai.

HOSEA 14:4

“Nye a pawt bu ai myit kawp mat sai majaw, shanhte a htak mat ai hpe ngai shamai shatsai ya nna, hpa n hpyi ai sha, shanhte hpe tsawra na nngai.

ZEHKARIA 14:8

Dai shani e, Yerusalem mare kaw na, asak hka lwi pru na ra ai; chyen mi gaw sinpraw nawng de, bai chyen mi gaw sinna nawng de, ang wa na ra ai: dai gaw nlum ta e rai timung, kashung ta e rai timung, lwi nga na ra ai.

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

LUKA 4:18

“Madu a Wenyi nye a ntsa e nga nga ai: Matsan mayan ni hpe kabu gara shiga hkaw tsun na matu, shi ngai hpe namman chya ni ai: Bawng dung ai ni hpe shalawt lu na lam, Myi kyaw ai ni hpe myi bai mu na lam, hkaw tsun na matu mung, Zingri zingrat hkrum ai ni hpe dat dat shangun na hte,

1 PETRU 2:24

Anhte gaw yubak mara hta si mat wa nga ga ai rai nna, dinghpring ai hta e hkrung nga lu u ga, shi gaw, shi hkum hta nan, dai hpun ntsa e, anhte a yubak mara hpe gun kau nu ai: shi a nma a gawp hte e, anhte shamai shatsai ai hkrum ga ai.

SHINGRAN 2:7

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, Karai Kasang a Hparadisu e tu ai asak hkrung ai hpun a asi, sha lu na ahkang, ngai jaw na we ai.

SHINGRAN 21:21

Dai mare chyinghka shi lahkawng mung pale shi lahkawng rai nga ai; mare chyinghka langai hte langai, pale langai ngai rai nga ai: dai mare a nmaw lam gaw pat zawn tu san ai ja jet rai nga ai.

SHINGRAN 21:24

Masha amyu ni dai mare a nhtoi hte hkawm sa lu na mara ai; ga ntsa na hkawhkam ni mung, dai mare de tinang a hpung shingkang jashawn na mara ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

SHINGRAN 22:14

Asak jahkrung ai hpun hpang de du lu na hte, mare kata de chyinghka hku shang lu na ahkang lu la hkra, tinang a hpun palawng hkrut kau ai ni gaw, a lu ma ai.

SHINGRAN 22:19

ndai laika hta rawng ai myihtoi ga hta na shaw kau ai wa kadai hpe mung, ndai laika hta ka da ai asak jahkrung ai hpun hte chyoi pra ai mare kaw na, shi hte seng ai wunli wun-gau hpe, Karai Kasang shaw kau ya na ra ai.