SHINGRAN 22:18 - Jinghpaw Hanson Version Bible

¹⁸ Ndai laika hta rawng ai myihtoi ga na lu ai ni yawng hte hpe ngai sakse hkam dat nngai gaw, Ndai ga hte hta kahtap jat ai wa kadai hpe mung, ndai laika hta ka da ai ari zinli ni, Karai Kasang shi a ntsa e kahtap jaw na ra ai:

Jinghpaw Common Language Bible 2009

¹⁸ Ngai Yawhan gaw, ndai laika hta rawng ai myihtoi ga na lu ai ni yawng hte hpe laja lana sadi jaw dat nngai. Ndai ga ni hta lama ma kahtap jat ai wa kadai hpe mung, ndai laika hta rawng ai ari zinli ni hpe Karai Kasang gaw dai wa a ntsa e kahtap jaw na ra ai.

SHINGRAN 22:18 ပူးပေါင်းရင်းမြစ်များ

GA SHAGAWP 30:6

Shi nang hpe n daru lu hkra, nang masu ai wa n tai n ga, Shi a ga hta hkum kahtap et.

JAW JAU 26:18

Dai hte hkrum sha timung nye a ga n madat ai naw nga myit yang gaw, yubak htam sanit naw kahtap jaw na made ai.

JAW JAU 26:28

ngai nanhte hpe pawt ai hte nhtan shai ai hku galaw nna, nanhte a mara majaw ari htam sanit naw jaw na made ai.

JAW JAU 26:37

Shachyut ai masha kata kaw ri nhtu e hprawng ai zawn, langai a ntsa e langai kataw kahtap na mara ai; hpyen ni a man e dakan lu ai n-gun kaji mi muk rawng na n rai.

MAHTE 15:13

Shi htan nna, “Sumsing lamu hta nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

EHPESU 4:17

Dai rai nna, dai Madu a ahkang hte ndai lam ngai tsun nna sakse hkam nngai: maigan masha ni gaw tinang a kaman lila myit hte hkawm nga ma ai hte maren, nanhte gaw naw hkum hkawm nga myit:

TARA JAHPRANG 4:2

Dai ngai nanhte hpe hkang da ai hte hta ga ningnan jat lu na n rai, ndai hta na langai mi muk lai kau lu na n rai: ngai nanhte hpe hkang da sai nanhte a Karai Kasang Yehowa a tara matsun ni hpe nanhte hkan shatsup nga lu na rai myit dai.

1 HTESALONI 4:6

Anhte shawng e nanhte hpe tsun dan nna sakse hkam ya made ai hte maren, Karai Kasang gaw ndai lam yawng hte a matai dawp ai wa rai nga ai.

SHINGRAN 1:3

Ahkying ladaw ni wa magang ra ai majaw, ndai ga hpe hti dan ai wa hte, ndai myihtoi ga hte hpe madat mara nna dai hta ka da mada hpe hkan galaw ai ni gaw, a lu ma ai.

SHINGRAN 15:1

Bai, sumsing lamu hta e galu kaba nna mau ging ai mauhpa amu kaga hpe ngai mu nngai; ari zinli sanit lang ai lamu kasa sanit rai nga ma ai: dai ari zinli ni gaw jahtum na ari rai nga ai; kaning rai nme law, Karai Kasang a pawt bu ai gaw dai hte hte ngut wa na ra ai.

SHINGRAN 15:6

dai Htingnu kaw na ari zinli sanit lang ai lamu kasa sanit pru sa ma ai; shanhte gaw htoi tu san pra ai lungseng mawn sumli nna, tinang a sinda e aja shingkyit kyit nga ma ai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:15

Asak laika hta amying n lawm ai wa kadai mung, dai wan nawng hta jahkrat bang kau ai hkrum nga ai.

SHINGRAN 22:10

Bai shi gaw, “Ndai laika hta rawng ai myihtoi ga hpe dazik hkum shakap et; kaning rai nme law, ahkying ladaw ni wa magang ra ai.

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”

SHINGRAN 22:7

“Yu u, ngai alawan du na ring ngai: Ndai laika hta rawng ai myihtoi ga hpe hkan nang nga ai wa gaw, a lu ai,” nga nna ngai hpe tsun nngai.

SHINGRAN 22:9

Shi gaw, “Shing hkum rai et; ngai gaw, na a mung, na a kahpu kanau myihtoi ni hte ndai laika a mungga hkan nang nga ai ni a mung, shangun ma manang shada she rai nngai: Karai Kasang hpe nawku u,” nga nna ngai hpe ginhtim tsun ai.

SHINGRAN 3:14

Bai, Ladoki mare na Hpung a kasa hpe ning ngu ka dat u: Kangka re ai hte tengman ai sakse wa, Karai Kasang hpan tawn da ai a npawt nhpang, Amen ngu ai wa, ning nga nga ai: