SHINGRAN 22:17 - Jinghpaw Hanson Version Bible

¹⁷ Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.

Jinghpaw Common Language Bible 2009

¹⁷ Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.

SHINGRAN 22:17 ပူးပေါင်းရင်းမြစ်များ

SHAKAWN KUNGDAWN 34:8

Yehowa mai kaja nga ai gaw, chyim yu nna chye mu; Shi hta shingbyi ai wa gaw, a nga ai.

ESAIA 12:3

Dai re ai majaw nanhte gaw, hkye hkrang la ai hka htung ni hta, kabu gara ai myit hte, hka ja lu na marin dai.

ESAIA 2:3

Masha amyu ga daga, “Sa marit, Yehowa a bum, Yaku a Karai Kasang a nta de lung wa saga; shi gaw shi a lam anhte hpe sharin ya nna, shi a lam hku anhte hkan sa na ra ga ai: Ziun bum na jep ai tara, Yerusalem mare na Yehowa mungga pru na ra ai,” nga nna hkawm let tsun shajang na ma ai.

ESAIA 2:5

Yaku a dap ni e, sa marit; Yehowa a nhtoi hta hkan hkawm sa ga.

YEREMIA 50:5

Shanhte gaw, Sa marit, galoi n malap kau lu ai ga shaka Yehowa hte matut ga, nga nna Ziun de myi man yawng let, de a lam tam na mara ai.”

EZEKELA 47:1

Dai hpang shi gaw nta chyinghka de ngai hpe bai woi wa nna, chyinghka hkinbawng npu e, sinpraw maga de lwi ai hka hpe, ngai mu nngai: nta npan gaw sinpraw maga de yawng nna, hka gaw nta a hkra maga npu na hpaw pru nna, tawn hkungri dingda maga de lwi wa ai.

MIHKA 4:2

Maigan amyu law law wa, Sa marit, Yehowa a bum, Yaku a Karai Kasang a Nta de lung wa saga: shi gaw shi a lam anhte hpe sharin ya nna, anhte gaw shi a lam hku hkan sa na ra ga ai, nga nna hkawm let tsun shajang na mara ai. Kaning rai nme law, Ziun bum na jep ai tara, Yerusalem mare na Yehowa a mungga, pru na ra ai:

YAWHAN 1:37

Dai sape yan gaw shi tsun ai ga na nna, Yesu kaw hkan sa ma ai.

YAWHAN 4:10

Shaloi Yesu gaw, Karai Kasang a kumhpa hte, “Ngai hpe ntsin jaw lu e, nga nna nang kaw hpyi ai wa hpe, nang chye wu taw gaw, nang shi kaw hpyi nna, shi gaw nang hpe hkrung ai ntsin jaw na nit dai,” ngu nna shi hpe htan wu ai.

YAWHAN 4:11

Dai numsha mung, “Madu e, nang ntsin ja na rai hpa mung n lu ndai, hka htung mung sung nga ai; dai re ai majaw dai hkrung ai ntsin gaw, nang kanang na lu n ta?

YAWHAN 4:14

dai ngai jaw ai ntsin gaw, dai wa hta htani htana asak a matu lwi pru ai hka hpawk tai na ra ai,” ngu nna shi hpe htan wu ai.

YAWHAN 4:29

“Ngai galaw ai lam yawng, ngai hpe bai tsun dan ya ai wa hpe sa yu maru: dai wa gaw Hkristu rai na kun?” ngu nna wa tsun mu ai.

YAWHAN 7:37

Shaloi dai poi a jahtum nhtoi ngu ai nhtoi kaba hta Yesu gaw tsap da nna, “Hpang kara ai wa nga yang gaw, ngai hpang de sa lu rit.

ROMA 3:24

jahpu n ya ai sha, shi a chyeju hte, Yesu Hkristu a htingrai htingra ya ai a gawp e, dinghpring ai gaw du lu na ma ai.

1 KORINHTU 2:12

Anhte chyawm gaw mungkan ga a wenyi hpe hkam la saga ai n rai; Karai Kasang e anhte hpe jaw da ai chyeju hpe anhte chye lu u ga, Karai Kasang kaw na Wenyi hpe anhte hkam la saga ai:

SHINGRAN 14:13

Shaloi, “Ya kaw nna dai Madu hta si wa ai ni gaw, a lu ma ai,” ngu nna ka da u, nga ai nsen gaw sumsing lamu de na, ngai na nngai: dai Wenyi mung, “Rai sa, shanhte a amu bungli a akyu gaw, shanhte kaw hkan nang nga ai majaw, tinang a magam bungli hta na, shanhte ban sa ai hkrum mu ga,” nga ai.

SHINGRAN 2:7

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, Karai Kasang a Hparadisu e tu ai asak hkrung ai hpun a asi, sha lu na ahkang, ngai jaw na we ai.

SHINGRAN 21:2

Shaloi chyoi pra ai mare ngu ai Yerusalem ningnan gaw, la ningnan a matu mawn sumli ai num ningnan zawn, lajang shachyip ngut nna, Karai Kasang a man sumsing lamu de na yu hkrat wa ai, ngai mu nngai.

SHINGRAN 21:6

Dai hta kaga shi gaw, “Dai hte gaw ngut mat sai; ngai gaw Alhpa hte Omega, apawt ningshawng mung, ahpang jahtum mung, rai nga nngai: hpang kara ai wa hpe asak hka hpawk na ntsin, manu jahpu n hpyi ai sha, ngai jaw na we ai.

SHINGRAN 21:9

Shaloi, hpang jahtum na ari zinli hte hpring chyat re ai gawm sanit lang ai lamu kasa sanit hta na langai mi sa du nna, ngai hte ga tsun ai gaw, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.